السلام عليكم ورحمة الله وبركاته
ما ابا اطول عليكم وحبيت ادخل بصلب الموضوع
يمكن في ناس وايد سمعووا عن شركة البوم السياحية او البوم القابضة
وفرص الاستثمار اللي فيها …
انك تدفع 100 ألف درهم وتستلم شيك على طول بقيمة المبلغ
ولك الحق انك تسترجعه اي وقت وكل شهر يكون لك نفس الراتب
قبل كان 8 آلاف درهم شهريا والحين نقصوها للخمسة آلاف
مب مهم … لانك اصلا عندك قيمة الشيك والجماعة انا زرتهم
مكتبهم في دبي وممكن تتصلون ففيهم وتشوفونهم وطريقة شغلهم بعد
انهم يستثمرون الفلوس في العقارات ويطلعون منها وطبعا الكل مستفيد
————————————————————————————–
الحين انا عرفت بوجود شركة جديدة لها سمعتها والدخل اعلى من دخل شركة البوم
ونفس الطريقة … 100 ألف وشهريا يستلم مبلغ فوق العشرة آلاف 
فحبيت افيدكم وانا بنفسي بعد بتأكد من الموضوع أكثر وبرد عليكم خبر
تحياتي : بـــــوحـــــمــــيد 46 
حبيت اعرف يا بوحميد كل شئ
ومستعد ادخل هذا الشهر
هذا الشيء موجود من زمان بس الحذر واجب
اكرر الحذر واجب
ان شاء الله وبعض الناس يتحرون ها الشي انه جذب ونصب بس والله خلق الله كلهم يستفيدون وشغالين وانا في البداية كنت اتحرا جي بس كل ربعي واهلي داشين ويطلعون ماشاء الله
ولاتخافون انا مب منهم ولا لي فايدة من ها الشي غير صداقتكم وتحياتي
السلام عليكم بو حميد46 انا الصراحه من زمان كنت احاول اعرف المزيد عن هالشركه بس من كثر ما اسمع حد يمدح وحد ما ينصح فيها بالمره فما علينا خلنا من الجديم بس نتريا منك الجديد عن الشركة الثانيه وانشاءالله بتفيدنا كلنا ولو عرفت رقمهم اوشي خبرني عشان نتستفسر اكثر من عندهم ويزاك الله الف خير على مجهودك ونتريا الجديد …..؟
طبعا لأي استفسار أنا حاضر