السلام عليكم ورحمة الله وبركاته
الله يسلمكم اليوم رحت صوب الحديقة الموجودة وراء فندق الميلينوم في بوظبي ..
وديت العيال وخذنا كمن صوره 
عاد استانست من هالخيم البدوية السنعه والظاهر انها راح تكون احداث حلوة وفعاليات روعه بس للاسف نحن بنروح راس الخيمة .. فهنيئا لاهل بوظبي …
للحينه وكل شئ حلو ..
مع اذان المغرب اسمع القرقعه ( اونها اغاني وموسيقى ) ع بالي سيارة خاطفه .. الا وبعدين اكتشف استيج شو كبره .. وفيه سماعات بالهبل .. .. آل شوووو .. آل حفلات ..؟؟
حفلات شو يا جماعه الخير ….
العيد هذا اسمه عيد الاضحي ……… ومن بعده اليوم الوطني .. يعني اجانب ودق وما دق لشوووو فهمووووني ..
هاتوا حربيات … هاتوا عياله .. اما نقيضين في نفس المكان ..؟؟؟؟؟؟ صدق الحلو ما يكمل
الظاهر انه ايام احتفالات فورميلا ياس راح ترجع هاليومين .. والله يعديها ع خير …..
وبعينا ع القرقعه …. ويصبر الناس اللي بيظلون في بوظبي ع الازعاج …
وكل عام وانتوا بخير والله يعوده علينا ونحن كلنا بصحه وعافية .. ويمن ع دولتنا بالامن والاستقرار ..
والله يشافي مرضانا ويعودهم بالسلامه ويرحم موتانا يا رب العالمين ..
+ السموحه ع الاسلوب ..بس من زمان ما كتبت + 
انا اللي اطريه في الحديقة المفتوحة ورا فندق الميلينيوم والهيلتون اللي بشارع خليفة …
عاد المشكلة ان هذيك البقعة ممزروة بالآسياويين
يعني عندهم هاليومين الفرجة ببلاش ع الهشك بشك
__________________
ولا وبين استراحه واستراحه
يقووولوووون أبووووظبي وبعدين تسمعهم يهتفووون هيييييييييييييه …
أبووووظبي يزغرطووووووون كلوووووولوووووووش
ههه
سبحان الله … هالمعازف قامت تنتشر بطريقة مخيفة ..
تقول سرطان والعياذ بالله …
اللي ما يبا يتسمع يسمعونه غصب ….
لا والقهر انه يقول لك بمناسبة عيد الاضحى واليوم الوطني … راح نحتفل بهالطريقة
طيب اش جاب لجاب ..؟؟؟؟؟؟
__________________
مب احتفالات فورمولا
هناك مسوين نفس الحلبه للي يسوقون سياكل والسكيت والاشياء هاي …. وكانت مسابقه وحاطين سيارة للي بيفوز …. هاي هي السالفه
بس بصراحه الاشكال هناك حدث ولا حرج
اول مره اشوف بوظبي جي (( تسيب ))