فزت اب 400 ألف ..

9 thoughts on “فزت اب 400 ألف ..”

1. احيد من فتره بسيطه جداً لقيت في الايميل رساله من افريقيا تقول الرساله بعد قصّه طويله وعريضه اني لازم استلم مبلغ وقدره 18 مليون دولار من بنك في بوركينافاسو ولازم ارسل مبلغ كذا وكذا عسب استلمهم
   وانا عارف اللعبه …كان ارد عليه وقتله انا مب محتاج المبلغ هذا وشوف غيري اكيد محتاجنهم …واليوم الثاني رد علي وقال في رساله طويله وشو رايك تاخذ 40% من المبلغ و 60% آخذه انا …
   البوركيني يحسب انّي مب فاهم اللعبه وان المبلغ راح يوهمني ويعيّشني في احلام ماتنتهي

   وعلى فكره هذي سادس رساله استلمها من هالنوع والمبالغ فعلاً خياليّه واقول في خاطري من بدّ الناس اختارني انا… وشي بعض الرسايل محبوكه بشكل تغري الواحد

   اخواني لاتغركم هالرسايل او المكالمات ولو فيهم خير ماكان سوّولك رنّه ع تيلفونك وبعدين ابسط كلمه تكشفهم حوّلي جزء بسيط من المبلغ لاي مركز صرافه وشوف كيف راح يكون الرد

   وسلامتكم

2. أنا ربحوني 200 ألف درهم

   قلت له هذا حقك مني

   أنا ما أبغي الريال استغرب

   أو جان أسكر في ويهه

   بعد مسوي لي مس كول دولي

   يعني يبا يكلمني على حسابي

   لالا هالمره ما كلمناهم عحسابنا شكلهم تجااار

3. تدرين انج اذا سرتي كارفور كمثال واشتريتي اغراض وعندهم سحب وعبيتي البطاقة وحطيتي رقمج هالبطايق عقب السحب شركات تشتريهم وتاخذ الارقام لأنها تعتبر بالنسبة لهم data

   الظاهر عليج مطيحه بسوبرماركت فاطمة تبغين تربحين الكورولا اللي حاطينها

   خخخخخخخخخخخخخ

   تتمضخر حضرتك … انا الكارفووور ما دخلته من3 شهور

   امبوووني ما اعبي كوبونات

   لانه ما يفوزون الا الهنود

   مره ثانيه بكتب اسمي بلهندي يمكن افوز صدق

   

   والجايزه لك

4. لوووووووووووووووووووول

   عادي سلبتوا يكون الدريول معطيهم الأرقام حركة اخساس

   والله الصراحة انتي سالفتج اصعب لأن انا يوصلني بالإيميل اني ربحت لا وبالملاين بعد كلام فاضي عالم متفيجة

   اللــــــــــــــــه كشخه … عيل استوينا هوااامير

Comments are closed.