السـلام عليكم ،،،
امممم
صراحة أنا قررت خلاااص ،، إن شااء الله ناويه اخذ الأيلس ؛؛ الله يسامحها جامعتنا ماتبين انه نحن ماخذين شئ
أبا مواقع ،، نصايح ،، سوالف عن الأيلس اللى ماخذنها
يعني
ابا ادرس بروحي
لا تقولون معهد أحسن سرت معهد قعدت اسبوع وظهرت ،، لني أحب ادرس بروحي
شئ عندكم مواقع ؟
شئ أماكن أقدر أسيرها في بوظبي أدرس هنااك بروحي ( learning centre )
ابا اكثف دراسه و أمتحن و أخذ الشهاده و افتك باسرع وقت
سو
ياليت اللى عنده شئ يفيدني لا يبخل عليه 
شكرن غزيرا
سمعت عن وحده سودانيه نفس الكلام اللى قلته ،، ممكن أخوي تفاصيلها لو سمحت
بخصوص موضوع الايلتس .. اتمنى لو تاخذين رقم هالحرمه اللي قال عنها اخوي ” داماس ” …
لان الايلتس ماله علاقه باللغه تعرف تتكلم او لا .. هي مجرد تكنيك .. كل ما تعلمت كيف تحل باسرع وقت بتكون فرصتك بالدرجات الاعلى احسن …
الايلتس طبعا مقسم اربع اقسام …
القسم الاول …يعطونك موضوع تكتب عنه ..
القسم الثاني .. جمل مكتوبه وعليها اساله
القسم الثالث .. استماع .. يشغلون لك شريط تسمعين وتملين الفراغات
القسم الرابع … المحادثه .. في شخص يكلمك ويشوف مستواك …
بالتوفيق اختي
بالتوفيق اختي
ما يصعب الآيلتس هو القراءه والكتابه لان لهم تكنيك خاص بالآيلتس فقط
في القراءه اتيج 3 قطعات وعليهن ما يقارب ال 42 سؤال وتحلينه في ظرف ساعه مع نقل الاجابات في ورقة الاجابه اي ان الوقت للطالب المبتدئ في الآيلتس قليل ولكن مع الممارسه بيكون سهل
وفي الكتابه اييج سؤالين الاول هو شرح لرسم بياني او رسمه معينه على سبيل المثال شارت مال اسهم او مال بضاعه معينه او استخدام السيارات في البلد الفلاني وانتي عليج شرحها وتكون 150 كلمه والقطعه الثانيه تكون 250 كلمه ومواضيعها اما سلبيات وايجابيات او سبب ونتيجه او غيرها من الاسئله ولها تكنيك خاص بعد
يعني الخلاصه يبالج تدرسين القراءه والكتابه وتتدربين عليهم لانهم اصعب شي في الآيلتس لما لهم من تكنيك خاص
ولكن المحادثه والاستماع وايد سهل ويعتمد على مدى ممارستج للانجليزي
وبالتوفيق ان شاء الله
هههه احيد قبل دخلنا كذا دورة ومعاهد عشان نتعلم الانجليزي والله ولا استفدنا شي الا شغلات بسيطة ونسيناها ،،
ولكن بعدها بفترة لما احتكيت ويا ناس اجانب والتحدث معهم بشكل دايم صرت الحين بلبل في الانجليزي ..
اشوف ان اللغة تكتسبها بالممارسة الدائمة ،
اما المعاهد بس عشان تتعلم القواعد والكتابة !
الله يوفقك وإن شاء الله الإخوة ما بيقصروا معك ..