الســــــلام عليكم
أخبـــــاركم ؟ عساكم بخير و سهالة
يا جماعة أنا عندي ربيعي يبي يفتح محل ملابس و أدوات رياضية في بلد عربي ، المهم هو طلب مني ورقة تكون فيها قائمة بأسعار الملابس و الكابات و الأدوات الرياضية الخفيفة و الاكسسوارات طبعا بالجملة …
فيا ليت لو واحد منكم عنده محل أو يعرف راعي محل يستورد هالأشياء بالجملة و يكون في دبي ، انه يساعدني و ييب لي هالقائمة ، و يا ليت بأسرع وقت ممكن الله يخليكم …
و ما تقصرون ،،،
اخوي معظم المحلات اللي يبيعون بالجمله و حتى في بالمفرق حسب معلوماتي و خبرتي انهم يستورودون من برع
عندك بعض هالبلدان
كوريا…الصين…سريلانكا…بنجلاديش…سوريا…مصر. ..الهند…مدراس…اليونان…والخ
ارخص البلدان مع نوعية جيده
سريلانكا و بنجلاديش وكوريا والصين
وباقي البلدان اسعارهم متفاوته
عندنا هني في الامارات بعد مصانع في جبل علي و عيمان…
واذا هو حاب ينوع في العلامات التجاريه والمنشات عندك المينا في جبل علي يقدر ياخذ كونتينرات..
تتوفر كونتينرات تقدر تحصلها برخص التراب مقارنة بسعر الشراء واحينا حتى بسعر التكلفه
تكون اما المشتري ما استلمها لاسباب ماليه او انه عندنا الجمرك منع دخولها او او او ….فالمشتري اما انه هو يبيعها او والبايع بدال ما يدفع دبل شحنها لارجاعها يخليها في المينا و يعرضها للبيع اما بسعر التكلفه او الشراء…وفي كونتينرات يايه ترانزيت والبلد المشتري مثلا منعوا دخولها او اكتشف المشتري وجود وكيل للعلامه في بلده ..فتنباع هني…
فيقدر يشتريها و يحولها للبلد اللي يبغي
…
اما سوق الجمله بتحصل اسعار لكن طبعا بتكون اغلى شوي لانه لا تنسى…بتكون شامله سعر الشحن وايجار تخزين المستودع و اجار المحل والربح والخ….يعني لو طالعه على المحل 3 دراهم بيبع ب 20…
لو يقدر بامكانه يشوف من منشات برع او مصاننع جبل علي و عيمان افضل او الكونتينرات
وان ما يقدر عليك بسوق الجمله في دبي في الراس عند البلديه و بنك الامارات الفرع الرئيسي