فشل الخدمة الذاتية في محطات البترول

27 thoughts on “فشل الخدمة الذاتية في محطات البترول”

1. يا جماعة الخير هذا النظام هو الصح في العالم كله و بيي اليوم ال الجميع بينزل و بيعبي . ليش شركات البترول تسوي في كل محطه عشر موظفين و احسب عاد كم شيشه بترول عندنا يعني عشر شيش ب 100 موظف يعني عماله زياده على الدوله و رواتب و هذا كله ليش لان المواطن كسول. هايلا الموظفين ما يبون يعيشون ما يبون بيوت ما يبون يتزوجون هذا يعني ان في احتمال يسوون مشاكل و جرايم ف اتوقع الغرض من الخدمه الذاتيه هي التقليل من العماله الوافده اللي ما لها داعي و شكرا

2. شكرا على مروركم
   و ردودكم
   بصراحه من الردود اعجبني بان لا بد من عمل استبيان لقياس ردود الفعل عند الجمهور

3. انا عن نفسي استخدمت الخدمه وكان يوم ماراح انساه في حياتي….

   طبعا متوهجه كنت لانه السيارة مفضية وماكان جدامي غير هاي المحطه وانا ما ادري اصلن انها محطه خدمة ذاتيه سرت وادق هرن سوالي طاااااااااااااف وعقب عشر دقايق رد وقالي انها خدمه ذاتيه انا كنت اقرا يوم دخلت المحطه مكتوب الخدمه الذاتيه وفي اركان المحطه بس كنت اتحرى للحريم لا …

   وفشله وبلشه سرت ووقفت في الطابور رجعوني ثمان سنوات ايام الغربه والعيشه برع ،طبعا وانا كلي ثقه يوم رديت لقيت لاين السيارات وراي طويل والكل يتريا … والريال كله ثقه يعلمني كيف اصب بترول وانا كنت اتمنى الارض تنشق وتبلعني….

   ها الشي يناسب الغرب لكن نحن كعرب ومسلمين مووووووووول ما يناسبنا خلو البرستيج وخلو الكشخه وتخيلوا معايه ان كانت المحطه على خط خارجي مثل شارع الامارات او بوظبي عن طريق شارع الخيل او العين كيف البنت راح تنزل في هاي المحطه ……؟؟؟؟؟

   والهنود على الشي والماشي ييلسون يتفرجون وببلاش بعد ..

   والسموحه طولت

4. كان لازم قبل ما يسونه يشوفون ايجابياته و سلبلياته

5. نظام فاشل بكل المقاييس

Comments are closed.