يا جماعة الخير لي صديق تعرض لفصل تعسفي من مصرف ابوظبي اسلامي ودون سابق انذار واثناء فترة الاختبار وللاسف من قبل مسئول مواطن اخر وهو بنفسه مدير فرع تحت الاختبار !!!!!!. حيث قام باستغلال الصلاحيه المعطى له من قبل ادارة القوى البشرية وحول رسالة التثبيت بعد مرور فترة اربعة اشهر الى رسالة تفنيش ومن دون سابق انذار ومن دون اي تنبيه او تحذير للاسف حيث ان هذا المدير له سوابق تطفيشية مع مواطنين اخرين قبله وطلبوا النقل من الفرع ذاته . ولو تقولون انه هذا الشخص صغير او مراهق او عنده مشاكل بنقول انه في كلام ثاني بس الرجل كبير في السن وعمره فوق الاربعين ويعيل اسرة وكان موظف في بنك سابق والتحق بالمصرف الاسلامي ليطور من مستواه ونفسه ولكن للاسف من دون خوف من الله سبحانه وتعالى تم قطع رزقه ورزق عياله . وما اعتقد انه هذا يرضي رب العالمين سبحان وتعالى او يرضي شيوخنا الله يطول في عمارهم . مواطن يتفنش في بلده ومن قبل مواطن اخر !!!!!!
الحينه كيف نقدر نساعد هذا المواطن لانه نفسيته وظروفه جدا تعبانه ؟ هل يتجه الى وزارة العمل الذي يحمي الوافد قبل المواطن او يوكل محامي ويرفع قضية على المصرف ؟
ارجوا الرد من الاخوان اصحاب الخبرة لمساعدة اخونا وجزاكم الله كل خير 
الله يكون بعون صديقك
ليش يستعين بالناس ؟ والله موجود ؟
ليش يدور على محامي ، وخالق المحامي موجود ؟
قله قوم بالليل صلي ركعتين قبل صلاة الفجر بساعه
وخليه يدعي بعد الصلاه ويقول
اللهم انه آراني قوته ، فارني قوتك فيه
وصلى الله وسلم على سيدنا محمد وعلى آله وصحبه اجمعين
يقول صديقي انه المدير المواطن للاسف قاله انا كملت عشر سنوات حتى وصلت مدير بالانابه وانته يعطونك نفس الدرجة الوظيفية اللي انا احملها وانت ما تستحقها !!!! يعني المسألة مسأله حسد مع انه صديقنا مش مدير ولا نائب مدير ووظيفته مسئول علاقات مصرفية وراتبه اقل بكثير من راتبه بس درجته نفس درجه المدير المقهور .وهذا الذي خلاه يجن ويزعل صاحبنا المدير الصغير في السن .
صديقنا يسال عن محامي مواطن يقدر يوقف معاه ويساعده وياخذ حقه من المصرف . وهل يقدر يراجع ديوان الرئاسه ويتظلم هناك او ديوان ولي العهد او ديوان احد من شيوخ ابوظبي .
لاحول ولا قوة الا بالله
اخوي خله يحمل لافته برع البنك ويكتب عليها (تم تفنيشي بدون سبب يذكر وانا مواطن امااراتي) صدقني ماتمصخر الظاهر مايبنفعلهم
حاليا غير هذي الطريقه ساعتها بتشوف مدير البنك كله بعد مايوصل موضوعك للصحافه بيترجاه يرجع للوظيفه
بالنسبه للاجراءات العاديه يروح الموارد البشرية ويستفسر اذا هو فعلا ماقصر ومابدر منه تغيب او اهمال خلال فترة تدريبه يراجع
الموارد ويشرحلهم الموضوع ويستفسر يقولهم هذا تطفيش وتفنيش بدون سبب
بنفس الوقت يقدم تظلم ويراجع وزارة العمل واعتقد البنك بيتعذر في حقه بالتفنيش خلال
التدريب ولكن بشكل عام هذا ينافي سياسة الدولة ووزارة العمل وجهودها في التوطين ولاينبغي تفنيش المواطن من غير سبب
موضوع بطالة المواطنين وتفنيشهم وصل حده وارجو ان لايصل الموضوع لحد الانفجار وارجو من الحكومه تداركه وحله بفتره
قصيره وعاجله ………. والله المستعان الله يعينك ….
مب متأكد بس أظني ، الفصل خلال فترة الاختبار لايعتبر فصل تعسفي حيث يحق للبنك فصل الموظف ولكن ماظني البنك يقدر بدون ابداء الاسباب، واظني القصه مب كامله ، عالعموم، عند ربيعك وزارة العمل اللي بتوقف وياه، و عنده البنك المركزي، وعنده بالطبع المحاميين و ياكثرهم ، ولو ثبت انهم ظلموه بيقدر ياخذ تعويض ان شاء الله. الله يوفقه والبنوك فضاءها واسع ، يعني بيحصل شغل بسرعه ان شاء الله.
عانيت نفس المشكله مع مدير فرعي واللي هو من جنسيه خليجيه شقيقه…وانا خامس مواطنه يطفشني …
رغم كونها اول وظيفه بنكيه لي في حياتي ..حيث انه خبراتي السابقه ما يخصها بالامور البنكيه…كان ادائي فوق الممتاز و تعلمت بسرعه الشغل في اقل من شهرين ..ومب بس شغلي تعلمت شغل الفرع باكمله بجهدي الخاص…لدرجة انه زملائي كانوا يستعينون بي رغم اقدميتهم و مديري المباشر مستانس من شغلي بس لانه وافد ما قدر يوقف في ويه المدير
واضطريت اقدم استقالتي بنفسي قبل لا اكمل فتره التجربه بفتره بسيطه…بنصيحه من شؤؤون الموظفين اللي صدق وقف معاي وقفة اخ ومستعد يعطيني رسالة مرجع بكفائتي
والحين يالسه بليا شغل و ادور
الله المستعان لين متى هالتعسف