يا جماعة الخير لي صديق تعرض لفصل تعسفي من مصرف ابوظبي اسلامي ودون سابق انذار واثناء فترة الاختبار وللاسف من قبل مسئول مواطن اخر وهو بنفسه مدير فرع تحت الاختبار !!!!!!. حيث قام باستغلال الصلاحيه المعطى له من قبل ادارة القوى البشرية وحول رسالة التثبيت بعد مرور فترة اربعة اشهر الى رسالة تفنيش ومن دون سابق انذار ومن دون اي تنبيه او تحذير للاسف حيث ان هذا المدير له سوابق تطفيشية مع مواطنين اخرين قبله وطلبوا النقل من الفرع ذاته . ولو تقولون انه هذا الشخص صغير او مراهق او عنده مشاكل بنقول انه في كلام ثاني بس الرجل كبير في السن وعمره فوق الاربعين ويعيل اسرة وكان موظف في بنك سابق والتحق بالمصرف الاسلامي ليطور من مستواه ونفسه ولكن للاسف من دون خوف من الله سبحانه وتعالى تم قطع رزقه ورزق عياله . وما اعتقد انه هذا يرضي رب العالمين سبحان وتعالى او يرضي شيوخنا الله يطول في عمارهم . مواطن يتفنش في بلده ومن قبل مواطن اخر !!!!!!
الحينه كيف نقدر نساعد هذا المواطن لانه نفسيته وظروفه جدا تعبانه ؟ هل يتجه الى وزارة العمل الذي يحمي الوافد قبل المواطن او يوكل محامي ويرفع قضية على المصرف ؟
ارجوا الرد من الاخوان اصحاب الخبرة لمساعدة اخونا وجزاكم الله كل خير 
الله يعوضه خير
اولا اخوي في قنوات تتظلم عندها, فاذا كل مواطن انطرد من دوامه دش منتدى وعقبه ما وصل صوته بالطريقة الرسمية والقانونية الصحيحة الواقعة ما بتتوثق وبتكون كأنها ما استوت.
أنا ادعوا كل مواطن استوى معاه فصل تعسفي يسير العمل والعمال و يرفع قضية ويقوم الدنيا ولا يقعدها ويوثق الواقعة, لانها الطريقة الوحيدة اللي تنفع مع الناس اللي ما تفهم. لما يزيد عدد الوقائع الموثقة رسميا الموضوع بيصير مشكلة واكيد بيجذب انتباه الجهات المسؤولة ويجبرها على ايجاد حلول.
الحل مب بس بايد الدولة, كل مواطن مسؤول ومؤتمن على مصلحة البلد. بمجرد ان الشخص اللي ينفصل يرد البيت ويرقد بدون ما يوثق الظلم اللي وقع عليه يكون فتح مجال لجهات بفصله على غير وجه حق.
اتمنالك التوفيق
ما دروا عن المواطن وكل واحد يقول نفسي نفسي
.
شي معروف أصلا،
أكبر أعداء المواطن، هو المواطن.
الله يعينه و ان شاء الله يلاقي دوام احسن من قبل
انا مستغرب انه الامارات وصلت لهدرجه ماشي دوامات و ظلم من كل مكان
اتصل في الربع امبين كل فتره و اقول هاا حصلتو دوامات ولا لا؟ و الرد للاسف لا و الحمدالله على كل حال
شي يقهر بصراحه و فخاطري بس لو بيدي شي بساعدهم والله حرام شباب يبون يترزقون بشتغلوم و الي يبى يساعد اهله و يكون نفسه بس للاسف ماشي فرص
و ولد فلان الي مرتاح و اصلا مب محتاي دوام و يتوضف باقل من ثانيه و بسبب الواسطه
عندي سوال مب داخل مخي
كم نسبه المواطنين في الامارات ؟
و كم عدد الشركات و المكاتب الحكوميه و الوافده و الخ في الامارات؟
و كييييييف مب محصلين دوامات ابا افهم كيييف ؟
انا مواطن اماراتي و املك شركه و كم من مستودع في الولايه المتحده الامريكيه و الحمدلله
الحكومه يغصبوني اوضف مواطنين امريكان غصب شروط فتح الشركه او المحل او مستودع و الخ بعد و ممنوع اوضف اي جنسيه ثانيه
و نرجع للامارات انا انصدم يوم اشوف بريطاني او امريكي و اي جنسيه ثانيه ماسك منصب في شركه في الامارات و هم يلقون دوامات بدون واسطه ولا ويع راس و خلال شهر راكب افخم موتر و ولد البلاد عنده سياره اقتصاديه و مب لاقي مال بترول
انا اتمنى انه الامارات تهتم اكثر بتوضيف كل مواطن اماراتي و يطبقون نفس شروط امريكا الي هي اي شركه وافده تفتح شركه في الامارات غصب توظف المواطنين و اقل شي ابناء المجلس التعاون الخليجي
هذا رائي و اسموحلي اني طلعت من الموضوع شوي بس شي يقهر و انا مابسكت على هذا الموضوع بالذات