السلام عليكم و رحمة الله تعالى و بركاته
يا جماعة عندي فكرة لمشروع و الي حاب يعرفه يقرأ الموضوع للنهاية
اولاً كيف عرفت عن المشروع (من خلال تاجر في سوق التنين بدبي)
المشروع قايم في الامارات اصلاً لكنه (و حسب كلام التاجر) غير متوفر بكثرة في السعودية
يعني الفكرة اذا تبغي تنفذها احسن تكون في السعودية (الرياض – جدة ….الخ)
شو نوعية البيع في المحل
استيراد كراسي مساج – الصناعة صينية لكن الاشراف و الجودة امريكي
حسب كلامه ان هناك ناس ايون من السعودية للسوق الصيني و ياخذون من عنده كراسي مساج و لما يسألهم ليش ما تشترون من السعودية يقولون اول شي نادر اتحصله و ثاني شي غالي عندهم (لاسباب الشحن و غيره)
قالي ان لدرجه شي سعوديين يشحنون كونتينرات كراسي مساج + دراجات من سوق التنين للسعودية عن طريق البر
بإختصار للأعضاء للي يدور عن تجارة
ترى هذه فرصة للجميع
الكرسي الي اطريه مزوّد بشاشة و دي في دي معاه
و هذا احد المواقع الي عطاني اياه
و اكثر الكراسي المطلوبة هي من نوع RT/Z05
يعني المطلوب من الشخص انه ايسوي دراسة جدوى للمشروع و ان شاف انه يازت له الفكرة يروح يطبق و الله يوفقه ولا ينسانا بالدعاء
على حسب كلام الي شغال بهاي الشغله ان ربحه ما بين 40% الى 60% لانه يشتري بالجملة