السلام عليكم,
من كم سنه وانا افكر اسوي هالشي او المشروع وطالب رايكم وشوركم لانكم اهل الخبره والمشوره.
الفكره ان قليل فيه ناس او محلات تطلبلك من الانترنت في بوظبي العاصمه, والشباب ماشالله كل ما ياهم واكثر يحبون يعدلون سياييرهم. طبعا مب بس تزويد لان هالشي متوفر وبكثره. افكر في:
قطع ترميم: يعني الشباب الي حابين يشتغلون على ترميم سيارات كلاسك في اوقات الفراغ كهوايه ويبون قطع نادر تتحصل.
قطع وكاله: وكالتنا هنيه تقولك مثلا اتريا 40 يوم او شهر. ممكن نطلب اصليه ارخص واسرع. (هالنقطه مب مقتنع منها بعدني) السكراب وايد.
قطع تزويد: يعني اتزيد القوه او العزم الخ الخ. مب محتاج شرح.
قطع تعديل: تغير القطع الاصليه وتحط قطع تأدي نفس الغرض مع فوايد ثانيه اضافيه, كيف؟ هممم (مثل دعاميه الوكاله ستاندر) تغيرها بدعاميه فيها كشافات و ونش و هووك, يعني مثال بس.
انا جربت اطلب الحمدلله و عدلت سيارتي بقطع من الخارج. المواقع مثل ما تعرفون وايد والشركات وايد والسيارات وايد. بس الشطاره كيف اتحصل احسن نوعيه + بأرخص سعر + واسرع شحن = مشروع حلو. من تجربتي هاي المعادله صعبه وايد وايد خصوصا اذا عندك مشروع تعديل سياره كامله.
تحصل الهدرز والكزوز والجب رخيص في موقع بس ما يشحن النا هنيه. والكشافات غاليه بس شحنها سريع , وعلى هالحاله
انا اريد اركز على الامريكي الفورويل ويمكن الياباني الفورويل بعد.
طبعا كم نقطه باقيه وهي اني ارتب مع جراج في بوظبي عشان التركيب للي يبا مثلا.
بعد فيه نقطه الدفع والفلوس. انا الحمدلله حاط راس مال ماعندي مشكله اطلب وماعندي مشكله اعطي ضمان المهم عندي التزامي انا والشخص الي يبا يطلب, طبعا بيكون فالصوره من الالف الى الياء وبخبره شو حصلت ووين حصلته وبكم ومتى بيوصل الخ الخ.
في اشيا وايده اقدر اضيفها وتضيفونها لي, واذا اتشجعت ببدا المشروع. الي ما يبا ايتعب عمره ويدور وبعدين يطلب وبعدين يتريا الشحن والتوصيل, انا بتكفل بهذا كله.
طبعا كل ما طلبت اكثر بحصل خصم اكثر لي ولكم من هالمواقع وهالشي شفته عند محلات ثانيه هنيه.
انا ما عندي محل ولا مصاريف. عشان جيه مابحط عموله كبيره. بس تأكدو انها بتكون ارخص عن اي محل شفتوه. وناوي باذن الله اكسر سوق المحلات الي ذلونا يوم نطلب منهم, معامله تعبانه وسعر عالي ومذله وتأخير.
اذا الله وفقنا جميع, يمكن استعين بحد يغطي دراجات البر و البحر بعد و الموضوع قابل للتوسع بس يباله من يتفيقله.
ارجو اضافه اي فكره او تعليق , هالمشروع منكم واليكم , لاني ماشوف حد سواه بهالدرجه من الاحترافيه في بوظبي قبل, او موجود لكن السعر يذبحك.
اخيرا: ارجو عدم وضع طلبات قطع وتزويد لان الموضوع من عنوانه, لازال فكره وحسب الردود بشوف انشالله.
شكرا لكل من قرا الموضوع
شكرا لكل من شارك فيه
فكرة حلوة وبالتوفيق ان شاء الله
a7m a7m
صدقت ياخويه ، بس فيه نقطه، القصد انه عشان ما ارفع اتكلفه ويتم السعر منافس، عشان جيه مابقدر افتح محل، الله يخليك الايجار روحه بيجبرك تدبل السعر. اول شي اريد اورد القطع وهذا اساس الفكره، اما التركيب خطوه ثانيه لان بعض الشباب بيقولك انا روحي بركب عند جراج اعرفه.
بوظبي صغيره، يعني من تتعامل ويا عشر شباب نص شباب بوظبي بيعرفونك. وهاي هوايه عندي وشفت انها كذلك فرصه وحبيت استفيد منها وفيد الشباب ، وماتعتمد على (اضرب واشرد)
يبالها قاعده زباين كبيره وسمعه مثل ماقلت ياخويه وربحها قليل اصلن.
مثلا لو حد طلب قطعه ب 1000 درهم. بصراحه افكر في ربح حول 100 درهم او 150 درهم. تعرف ليش؟ لان المهم عندي اطلب اكبر كميه عشان مع الوقت نحصل خصم الموقع جذيه الي افكر فيه بيتحقق وهو سعر ارخص وتوصيل اسرع ومعامله احسن عن الباقيين.
اما لو القطعه 1000 وانا احط 500 من عندي، الريال بيطلب مره وغالبا ما بيرد مره ثانيه.
وبيقل طلبي وانا الخسران.
تشوف كيف انها شغله على المدى الطويل ويبالها حد متفيييق.
وبالنسبه للشحن، مافيك حيله حطيت الخيط والمخيط، تفاصيل مفيده واكيد بتكون فالاعتبار اذا الله وفق وبديت.
شو رااي الشباب؟
هلا غريافي .. فكره حلوه ومب بطاله ويبالها واحد باله طويل
وله بارض مب يومين ولا ثلاثه ويمل من هالشغله ويبالها
السمعه الزينه والسعر المناسب مب الخيالي وضمان على
القطع والتركيب .. يعني اول شي حاول تبدا بقراج ومحل
وعمال عارفين وفاهمين الشغله او تتعامل من قراج فاهم وبسعر حلو .. شبابنا يحبون الشي الجهاز يعني اييك يدفع العربون ولين ماتوصل طلبيته ايي ويركبها ويتوكل .. وترى حتى التزاويد والرنقات والتواير مطلوبه
خاصه لو بتبيعها بسعر اقل عن الباقي كلهم بيونك يعني لاتخلي شغلك بس على القطع نوع وخل كل شي متوفر عندك وبخصوص المواقع عزيزي افتح لك صندوق برد في
امريكا + بريطانيا مدى الحياه ب110 عن طريق ارامكس واطلب من اي موقع في امريكا وبريطانيا اللي مايشحنون
للخارج بس داخل ولاياتهم ومدنهم وارامكس ترى اسعاره مناسبه وعلى حسب الوزن واحسن عن باقي الشركات بس
عيبه ان الجمارك تاخرهم من يومين – 4 ايام او اسبوع يعني
من توصل شحنتك الدوله روح خلص الجمارك بنفسك عشان
تمشي الطلبات بسرعه .. شوف المطلوب في السوق شو
ويكون بسعر خيالي وابدا فيه مثل والباقي عاد انته وشطارتك
كيف تخلي عمرك معروف بين الشباب عشان تتوسع مع
الايام ..بالتوفيج عزيزي وان بغينا شي اكيد بني عندك
الله يوفق وانا اشوفها فكره وايد حلوه
وانا صارلي اكثر من سنه في كل شهر لازم اطلب قطع حقي وحق ربعي واسموحه