بسم الله الرحمن الرحيم

المشروع عباره عن تأجير اطقم الاماس والمجوهرات

بداية الفكره ,,
كل امراه تمتلك طقم او طقمين او ثلاثه وفيه نساء لضروفهن الاقتصاديه ما عدهن طقم بالمره

طيب تكرار لبس الاطقم في المناسبات يسببلج الاحراج وتحبين مرات تغيرين

ويوم تفكرين تبدلين اللي عندج يتضحج لج ان محلا المجوهرات تبخس لج في سعر الاماس بعكس الذهب

اللي سعره واضح ,,يعني اللي تفكر تبيع تخسر في حدود 50% من قيمته

اذن الحل ,,

تأجير الاطقم للمناسبات بسعر مناسب

حبيت اخذ ارائكم في المخاطره لهذا المشروع وما هي الضمانات المطلوبه

انا اعتقد ان شيك بقيمة العقد المستأجر وجواز السفر يعد ضمانا كافيا

اذا سألتوني من وين بييب عقود الاماس يقولكم طريقتين

ممكن اتفق مع محلات المجوهرات بالضمانات المطلوبه او أأجرهم من سيدات راغبات في الاستفاده

اتمنى من الاخوات والاخوه التفاعل مع الموضوع وابداء الرأي

9 thoughts on “فكره لمشروع جديد ,,اعطوني رايكم فيه”

  2. موجود خاتم الماس بقيمة 6 مليون درهم في احد معارض الالماس بابوظبي

    هذا كيف بيتأجر بالله ؟؟؟

  3. يقول الشاعر من لااستشارك لاتبدي له الشور

    وانت استشرتي يااختي

    من رايي تبعدين عنه أحسن ,, لان هالمشروع البضاعة المدورة فيه ذات قيم باهظة جدا ولاتستطيعين تحملها في بداية مشوارك ومن يستطيع تنفيذها بالشكل الصحيح هم اصحاب المحلات انفسهم الذين يوجد لديهم احتياطيات في حال حصول الأسوأ ,,..

    امان
    مدير استثمار ومدرب معتمد

  4. لازم تفكرين فالضمانات اكثر من مره بالنسبه للمحلات ماظن بيتفاعلون ويا الفكره يعطونج اطقم للايجار لانهم بيخافون فص يطيح شكله يخترب
    وانج تشترين بروحج اطقم وتاجرينها راس مالها كبير وايد الا اذا يمعتي من الزباين نفسهم الاطقم واجرتي مثل فكرة تاجير الفساتين
    بس الصراحه شغله متعبه وايد فيه ناس ماتحفظ الشي الي ماخذينه قمة الاهمال
    الله يوفقج ففكرتج هي حلوه بس مخاطرها اكبر بوايد من فايدتها لو انضربتي فطقم واحد بس تتوهقين

    المحلات بدفعلها قيمة العقود كامله

    وطبعا اذا رديته مخترب هم شاطرين في تحديد نسبة الخصم

    راس المال كبير والمشروع يديد من نوعه بس مخاطرته عاليه صح كلامج

    بس ترى هذا يعتمد على العلاقات والسمعه

    شكرا ام حمدان على التفاعل

Comments are closed.