• إسم السيـــارة: فورد موستنج (فاست باك Fastback).
  • موديل السيـارة: 1965
  • لون السيـــــارة: أسود من الخارج أحمر من الداخل(جلد)
  • المـــــــــــــورد: وارد أمريكي
  • رقم السيـــــارة: رقم 1
  • عدد السلندرات: 8 سلندرحجم 289
  • المواصفــــــات: جلد + مكيف + محرك الوكالة + إكسسوارات الوكالة (الخارجية والداخلية) خارجية مثلا (الرنجات) والداخلية مثلا (مسجل الوكالة) يعني كلاسيك بمعنى الكلمة مثل ما طلع من المصنع.
  • ناقل السرعة : قير عادي
  • مكان تواجد السيارة: دولة الامارات-مدينة العين
  • ملاحظات أخرى:
1.يا إخوان ترى السيارة نوع الفاست باك Fastback واللي هو الشبيه للجيل الاخير للموستنج تقريبا 2007 وطالع سواء في البدي الخارجي او من الداخل وتقدر تقارن يعني نفس قصة البدي والفتحات الجانبية والكشافات والاسطابات الخلفية وفتحة البترول والقبة المسحوبة على ورا وترى سعره يفرق وايد عن الانواع الثانية مثل فئة الكوبي واللي هو تكون قبة السيارة (مربعة) وطبعا هذا التوضيح للي مايعرف للفئات لان الFastback تقدر تقول نادر في الامارات أما الفئات الثانية متوفرة والدليل كل المعروض سواء في المنتدى أو معارض السيارات بس Fastback للحين بصراحة ماشفت سواء للبيع أو في الشارع.
2. أنا ذكرت فوق إن سعر الFastback يفرق عن غيرة وتقدر تاخذ فكرة عن طريق المواقع الامريكية لانه ممنوع أحط لينك لموقع آخر في الموضوع وأسعارة 30000 دولار وإنته طالع ويمكن يوصل أسعار خيالية طبعا حسب المواصفات يعني حجم المكينة والنظافة وحسب عدد الملاك وأشياء وايد تقيم السيارة. بخصوص سيارتي أنا السيارة عندي من 5 سنوات وعكلام المالك السابق إن المكينة هي نفسها من الوكالة و هي مكينة هذي الفئه يعني وكالة 298 قير عادي.
3. بخصوص سيارتي تراها مسجلة في العين واجددها كل سنه وحالتها جدا ممتازه ومكلفتني وايد ومصبوغة في فرن بمبلغ وقدرة ووقت الصبغ طلبت كل الربل للابواب والنوافذ مع النقل(الكروم) من امريكا مع قير بكس كامل لأني كنت متحمس شوي.
4. سبب البيع (الرغبة في التغير) وانا موجود في الدولة حتى تاريخ 25-02-2011 وبسافر سنه كاملة يعني إذا ما تم البيع خلال هذي الفترة إن شاء الله بعرضها السنة الياية لانه مستحيل تنباع إلا بوجودي بغض النظر عن إجراءات المرور ومن سبق لبق والله يوفق الجميع.
5. السيارة ما يبالها إلا مشوار 30 دقيقة للمرور وتسجلها بإسمك وماشي عليها فحص في أدنوك لانها فئة كلاسيك بس يرفعونها ويتأكدون من رقم الشاصي فقط, يعني السيارة هذي تغنيك عن أشياء وايد في أمريكا يكفي إنها قدامك وتفحص وتسوق وبدون شحن وغيرة ومثل ما قلت الموضوع 30 دقيقة فقط.

6. إسمحولي على الإطالة بس هذا كلة عشان أتجنب أشياء كثيرة و إنتم طبعا فاهمين سواء من أسئلة أو تبخيس وغيره والإمور طيبة.

  • السعـر : 155000 مئة وخمسة وخمسون ألف درهم ( إسأل وإجمع وإطرح وبتعرف إن السعر هذا للسيارة هذي جدا مناسب )لانها تسوى أكثر وإسأل.
  • قابل للتفاوض: نعم
  • أرقام التواصل : 00971505700055
  • 0505700055
vipvip600@hotmail.comياليت كل شي يكون على العام أو إتصال أو على الايميل لان الخاص شغلانة.



22 thoughts on “فورد موستنج 1965 Fastback كلاسك قير عادي للبيع(صور)”

  1. شيخي عاده يوم بتشبهني شبه بريال مب هذا عزك الله ، وصدقك التحفه كل ما يطول عمرها يزيد سعرها و بالتوفيق

    عزيز عنه يا الشامسي بس انا ما قصدت اشبهك به حشى بس كنت اقصد موضوع المعلومات لا اكثر

    لا تزعل والتوفيق للجميع

  2. الشامسي غادي بنك المعلومات ذكرتنا بداوود حسين في فضاءيات هههه

    بس مشكور على المعلومات الطيبة ومثل ما قلت الامريكن مسلز لهن سوقهن بس صعب هنيه شوي بس انا هب مستعيل ولله الحمد اللي فيه نصيب بيستوي وهذا عرض والعرض تراه يكون سبب للفئة اللي لها في الكلاسيك وما تعلم لاني أذكر نفسي يوم كنت أدوره وما بيشتريه إلا من يكون صدق يدوره والكلاسيك وقفته مربح كل ما يقدم موديله تراه محسوبلك,,,, وكل التوفيق يا راعي البلااااااااك

    شيخي عاده يوم بتشبهني شبه بريال مب هذا عزك الله ، وصدقك التحفه كل ما يطول عمرها يزيد سعرها و بالتوفيق

  3. معلومات عامه :
    أول موديل موستنج نزل في نصف الثاني من عام 1964
    في ذلك العام نزل فئتين فقط الفاست باك و الهارد توب

    الصراحه محد يعرف قيمة الفاست باك واللي يعرف قله في مجتمعنا للأسف موفق يا شيخي في بيعته

    الشامسي غادي بنك المعلومات ذكرتنا بداوود حسين في فضاءيات هههه

    بس مشكور على المعلومات الطيبة ومثل ما قلت الامريكن مسلز لهن سوقهن بس صعب هنيه شوي بس انا هب مستعيل ولله الحمد اللي فيه نصيب بيستوي وهذا عرض والعرض تراه يكون سبب للفئة اللي لها في الكلاسيك وما تعلم لاني أذكر نفسي يوم كنت أدوره وما بيشتريه إلا من يكون صدق يدوره والكلاسيك وقفته مربح كل ما يقدم موديله تراه محسوبلك,,,, وكل التوفيق يا راعي البلااااااااك

  4. القطو….اللي تحت الموتر……محلي الصورة….

    موفق

    إذا حابين القطو يكون مع البيعه عطني وقت وبدوره ههه تسلم عزيزي وماقصرت على المرور

Comments are closed.