- إسم السيـــارة: فورد موستنج (فاست باك Fastback).
- موديل السيـارة: 1965
- لون السيـــــارة: أسود من الخارج أحمر من الداخل(جلد)
- المـــــــــــــورد: وارد أمريكي
- رقم السيـــــارة: رقم 1
- عدد السلندرات: 8 سلندرحجم 289
- المواصفــــــات: جلد + مكيف + محرك الوكالة + إكسسوارات الوكالة (الخارجية والداخلية) خارجية مثلا (الرنجات) والداخلية مثلا (مسجل الوكالة) يعني كلاسيك بمعنى الكلمة مثل ما طلع من المصنع.
- ناقل السرعة : قير عادي
- مكان تواجد السيارة: دولة الامارات-مدينة العين
- ملاحظات أخرى:
1.يا إخوان ترى السيارة نوع الفاست باك Fastback واللي هو الشبيه للجيل الاخير للموستنج تقريبا 2007 وطالع سواء في البدي الخارجي او من الداخل وتقدر تقارن يعني نفس قصة البدي والفتحات الجانبية والكشافات والاسطابات الخلفية وفتحة البترول والقبة المسحوبة على ورا وترى سعره يفرق وايد عن الانواع الثانية مثل فئة الكوبي واللي هو تكون قبة السيارة (مربعة) وطبعا هذا التوضيح للي مايعرف للفئات لان الFastback تقدر تقول نادر في الامارات أما الفئات الثانية متوفرة والدليل كل المعروض سواء في المنتدى أو معارض السيارات بس Fastback للحين بصراحة ماشفت سواء للبيع أو في الشارع.
2. أنا ذكرت فوق إن سعر الFastback يفرق عن غيرة وتقدر تاخذ فكرة عن طريق المواقع الامريكية لانه ممنوع أحط لينك لموقع آخر في الموضوع وأسعارة 30000 دولار وإنته طالع ويمكن يوصل أسعار خيالية طبعا حسب المواصفات يعني حجم المكينة والنظافة وحسب عدد الملاك وأشياء وايد تقيم السيارة. بخصوص سيارتي أنا السيارة عندي من 5 سنوات وعكلام المالك السابق إن المكينة هي نفسها من الوكالة و هي مكينة هذي الفئه يعني وكالة 298 قير عادي.
3. بخصوص سيارتي تراها مسجلة في العين واجددها كل سنه وحالتها جدا ممتازه ومكلفتني وايد ومصبوغة في فرن بمبلغ وقدرة ووقت الصبغ طلبت كل الربل للابواب والنوافذ مع النقل(الكروم) من امريكا مع قير بكس كامل لأني كنت متحمس شوي.
4. سبب البيع (الرغبة في التغير) وانا موجود في الدولة حتى تاريخ 25-02-2011 وبسافر سنه كاملة يعني إذا ما تم البيع خلال هذي الفترة إن شاء الله بعرضها السنة الياية لانه مستحيل تنباع إلا بوجودي بغض النظر عن إجراءات المرور ومن سبق لبق والله يوفق الجميع.
5. السيارة ما يبالها إلا مشوار 30 دقيقة للمرور وتسجلها بإسمك وماشي عليها فحص في أدنوك لانها فئة كلاسيك بس يرفعونها ويتأكدون من رقم الشاصي فقط, يعني السيارة هذي تغنيك عن أشياء وايد في أمريكا يكفي إنها قدامك وتفحص وتسوق وبدون شحن وغيرة ومثل ما قلت الموضوع 30 دقيقة فقط.
3. بخصوص سيارتي تراها مسجلة في العين واجددها كل سنه وحالتها جدا ممتازه ومكلفتني وايد ومصبوغة في فرن بمبلغ وقدرة ووقت الصبغ طلبت كل الربل للابواب والنوافذ مع النقل(الكروم) من امريكا مع قير بكس كامل لأني كنت متحمس شوي.
4. سبب البيع (الرغبة في التغير) وانا موجود في الدولة حتى تاريخ 25-02-2011 وبسافر سنه كاملة يعني إذا ما تم البيع خلال هذي الفترة إن شاء الله بعرضها السنة الياية لانه مستحيل تنباع إلا بوجودي بغض النظر عن إجراءات المرور ومن سبق لبق والله يوفق الجميع.
5. السيارة ما يبالها إلا مشوار 30 دقيقة للمرور وتسجلها بإسمك وماشي عليها فحص في أدنوك لانها فئة كلاسيك بس يرفعونها ويتأكدون من رقم الشاصي فقط, يعني السيارة هذي تغنيك عن أشياء وايد في أمريكا يكفي إنها قدامك وتفحص وتسوق وبدون شحن وغيرة ومثل ما قلت الموضوع 30 دقيقة فقط.
6. إسمحولي على الإطالة بس هذا كلة عشان أتجنب أشياء كثيرة و إنتم طبعا فاهمين سواء من أسئلة أو تبخيس وغيره والإمور طيبة.
- السعـر : 155000 مئة وخمسة وخمسون ألف درهم ( إسأل وإجمع وإطرح وبتعرف إن السعر هذا للسيارة هذي جدا مناسب )لانها تسوى أكثر وإسأل.
- قابل للتفاوض: نعم
- أرقام التواصل : 00971505700055
- 0505700055
vipvip600@hotmail.comياليت كل شي يكون على العام أو إتصال أو على الايميل لان الخاص شغلانة.
لو تبيعه بمزاد فالبلاد الأمـ بتحصل بيعه زينه ويمكن بفلوسه تاذخذلك قسم فالبيت الأبيض ههه (تشبيه بليغ لن الوتر يسوى))
وربنا يوفقكـ فالبيعهـ ان شاء الله ولو ما انباع طربلهـ و طلعهـ عقب 50 سنه لو الله راد وعقب بيع موفق خيـــر اخوي موتر وحش
وشهادة اعتز فيها من واحد خبير في هذي الامور و
موفق الغالي..
وبامانه من الصورة اشوف موترك من احلى الموستنقات اللي شفتهن فلبلاد .. وبذالك انه قير عادي ومن داخل عنابي
والصور تشهد على نظافته..
السلام عليكم ورحمة الله وبركاته
هلا اخوي مساهم وإن شاء الله اجاوبك واسمحلي على التاخير
بخصوص السوال الاول انا ذكرت في بداية موضوعي إني طلبت قير بوكس كامل..بس انته أدرى هذا بسعر واذا ماتشن # بسعر ثاني يعني موتري تقريبا أسعاره هناك مايقارب 25 الف إلى 35 الف دولار بس يكون نظيف واكييييييد في أرخص بوايد بس شوف حالته طبعا ناهيك عن الشحن والفحص وامور وايد إللي أصلا تخلي الواحد مايعزم يطلب من امريكا خاصة الكلاسك وإنته أدرى بس شسوي نقارن أنفسنا بالسوق كانه اللي ما يبا موتري بيسير باجر بيطلب واحد. أما سعر الماتشن # تراه يبدأ من 55 الف إلى 125 الف دولار بس له ناس خاصين كمعارض كلاسيكية أو هواة السيارة لي تكون بحالة المصنع وكلن بسعره.
السؤال الثاني بخصوص الكود,, طبعا الكود k غالي ويسوى سعري دبل يعني 50 الف دولار وأكثر,,, اما الكود A وC تقريبا متشابهات ومش هذاك الفرق.
.
وبخصوص كود موتري تراه C يعني ماشي نصيب في عرضك وإن شاء الله تحصل لي تبغيه
في النهاية مشاركتك اخوي مساهم دعم لموضوعي وكل الشكر لك وتقبل تحياتي
كلامك صحيح بخصوص انه الفاست باك سعرة يزيد عن اليفت باك ..
بس بما انك ذكرت هاي النقطه .. خلني شوي اتفلسلف ( من زمان ماتفلسفت!!)
بسالك هل السيارة matching number واقصد القير والمكينه والدفريشن يكونون نفس اللي موضحين في رقم الشاصي بالاضافه الى اللون الخارجي والداخلي؟؟ وهذا الشي يفرق وايد في سعر السيارات الكلاسيك واهم من اليفت باك الفاست باك ..
شي اخير .. شيك رقم الشاصي وبالاصح خامس خانه اذا بتديت من اليسار .. اذا كان فيه حرف ال K سيارتك مميزة وتستاهل السعر اللي طالبنه وزدود .. بس اذا كان الرقم A بتكون بعد جيده … اذا كان C مش بطاله .. واذا كانت غير هالحروف بشتريها عنك ب 50 الف