كنت اجلس مع صديق لي ابنته عندها 6 سنوات
وهو ماشاء الله عليه ملتزم ومتدين ونحسبه على خير
جاء يصيح يبي ينقل بنته من المدرسة الخاصة بأبوظبي بأي شكل
قلتله خير — البنت متميزه في مدرستها
قال مصيبه حصلت للبنت داخل المدرسة
من عادة البنت انها تصلي بجواري كل يوم
وذات يوم رايحين نصلي في البيت — قالت — لا ما راح أصلي معاك –صلاتك صعبة
انا عندي صلاة سهله علموها لي في المدرسة
قالها وكيف صلاتك في المدرسة — فأشارت البنت على رأسها وثم كتفها الايسر وثم كتفها الايمين (صلاة المسيحيين)
جن جنون صاحبي وضرب البنت ونهاها عن فعل ذلك مرة ثانية — قالت ان المدرسة طلعتهم رحلة للكنيسه
فراح للمدرسة هذبهم عدل وقرر ينقل البنت من المدرسة — العجيب ان كان رد المدرسة انهم لم يكونوا يعرفوا انها مسلمه
مع العلم بأن اسم جدها من ابوها ( محمد )
اطمنوا على اولادكم — الموضوع محتاج تدقيق ومتابعة
سنسأل عن أولادنا في القبر — هاي أمانه بين أيدينا
السلام عليكم ورحمة الله وبركاته
والله يا خوي لولا خوفي ان الاهالي تسير المدرسة لقلت اسم المدرسة من زمان
حسبي الله ونعم الوكيل فيهم
الخيبة الكبرى اننا فعلا نفقد هويتنا
يوم تسير الصين ولا المانيا — تحصل تعصب للغة وتعصب للبلد مش طبيعي
يبقى الالماني بيعرف انجليزي احسن منك ويوم تسأله عن المطعم يهز رأسه ما يعرف ويخليك ضايع بس لو كلمته بلغة بلده ممكن يشيلك بسيارته بعد
في اليونان في دورة العاب البحر المتوسط فرضوا على الاعلام ان يظهر الكتابة باليوناني القديم وخلي اللي ما يفهم ما يفهم
في الامم المتحده عند توليه أمين عام الامم المتحده — فرنسا استخدمت حق الفيتو لابطال اختيار الامين العام للامم المتحدة مالم يكن يتحدث الفرنسة — وأنشأت منظمة الدول المتحدثة بالفرنسية اسمها دول الفرانكوفون
لكن احنا — بتحصل الحريم مع بعض يربون اولادهم على الانجليزي
عارفين والله اني استحيت من نفسي جدا
كنت شايل بنتي عمرها سنة واحده وداخل محل فيه هندي — جلس يلاعبها من بعيد وهو ما يتكلم عربي — فقلت للبنت Say Hello — بمزح لان بنتي ما تتكلم بعد
رد عليا واحد عربي – – بقوة وقال — يا اخي قولها Say السلام عليكم ورحمة الله وبركاته
رديت وقلتله معاك حق — انا اسف مع ان اسم بنتي — بسمله (بسم الله الرحمن الرحيم)
__________________
نحن وجميع الدول العربيه والاسلاميه وغيرها مستعمرين من قبل الغزو الفكري الغربي ….
من خلال دراستنا …لبسنا …لغتنا ….اكلنا وشربنا …..تصرفاتنا ……عاداتنا وتقاليدنا …..
كل واحد يطالع حوله وحواليه ..لازم بيلقى حد من اهله او ربعه من المتشبهين بالاجانب ….
وقاصين علينا بالدراسه بالنظام الامريكي والبريطاني ..عسب يغيرو افكار ابنائنا منذ الصغر ..
ونحن متلهفين عليهم …ويا غافلين لكم الله …ونصدق اعمارنا بالتطور الزائف ….
صح التطور مطلوب ..ولكن تطور يخلف تشتت ودمار اجتماعي ..هذا يسمونه تخلف ..
الكلام وايد وما يخلص في ها المواضيع الحيويه ..لكني اكتفي بهذا القدر لاترك المجال لغيري من
الاعضاء المتميزين ….
مع خالص حبي واشواقي الحاره مع الصيف لكم ….
قنـــــــاص Untitled-1 دبــــــــي