السلام عليكم ورحمة الله وبركاته
محوش 100،000 درهم وفي خاطري أشتري سهمي أملاك وسوق دبي بنصف المبلغ لكل شركة وبما أن الاسعار أصبحت مغرية وربما تكون أكثر إغراءاً في الايام القادمة بكم ممكن أشتري السهمين للأستثمار لآخر السنة على الأقل .
4 thoughts on “في خاطري سهمين .. متى أشتري ؟؟؟”
Comments are closed.
مافيه شيء اسمه استثمار لآخر السنة هذه تسمى مضاربة
الاستثمار يكون على الاقل من 3 سنوات الى 5 سنوات او اكثر
نصيحتي بما انك محوش ال 100 الف يعني قد تحتاج لها لاتدخل بأكثر من 30 الف بأي حال من الأحوال
وانصحك بالابتعاد عن اسهم العقار او التمويل او البنوك وحتى سهم السوق
سهم اتصالات الامارات يعتبر مغري نوعا ما
الكل مرتبك
الكل متخوف
و المعلوم فعلا ان الاجانب محتاجين سيولة باي طريقة و لو ببيع اسهم بخسارة !!
صعب القول
تدخل الحين و السوق ممكن ينزل
تدخل بكرة و ممكن السوق من اليوم يرتفع !!
ما اقولك الا استخير و قرر انت بنفسك
ولا تحط لومك لغيرك لان الكل متفق ان الاسعار من قبل شهر كانت ممتازة فما بالك اليوم ؟!!
ممكن اقولك ادخل تدريجيا بسهم واحد من السهمين .. مثلا 15 الف درهم كل يوم
و ان شاء الله يكون معدلك خلال اسبوع و نص معدل طيب
عصفور في اليد $$$$$$$$$
وانا خاطري اشتري بنك دبي الاسلامي عشان اعدل السعر واللاديار لانه رخيص بس الوضع يخوف