.

جلست بعض السيدات فى النادي فتحدثت سيدة وبدأت تخطب فى وسط سيدات النادي..

وقالت : قالو ظل راجل ولا ظل حيطه … ياختى بلا نيله
1 – عمرك سمعتي عن حيطه بتشخر طول الليل ومتخلكيش تعرفي تنامي.
2 – ولا حيطه تدخل من باب البيت تجعر عايزه الغدا وبعدين تطين عيشتك عشان الملح طلع زياده في الباميه.

3 – ولا ممكن ترجعي البيت فى يوم تلاقي الحيطه بتبوس في الشغاله

4 – طب شفتي حيطه تملا سقف الشقه دخان والارض سبارس

5 – ولا حيطه تصحيكي من عز النوم فى نص الليل عشان معرفش ايه طلع فى دماغها

6 – ولا حيطه تدوخك وراها عشان تشوفيها بتكلم مين ف نص الليل فى التليفون .

7 – طب الحيطه معروف مكانها طول الليل انما المحروس يدوخك وراه عشان تعرفي كان سهران في انهي دهيه …. قال ايه عنده شغل : يا سم

8 – ولا في حيطه تحاول تطلعك غلطانه فى كل كلمه تقوليها عشان تثبت للعيال ان الحيطه بتفهم عنك

9 – ولا حيطه تقعد تقولك ماتخرجيش بالفستان ده أحسن اقطعه ولما تطلبى منها فلوس عشان تجيبى فستان غيره تعمل ودن من طين وودن من …طيب ده حتى الحيطه ليها ودان.

9 thoughts on “قالو ظل راجل ولا ظل حيطه”

  2. سلامو عليكو

    ازيك يا سعات الباشا !! بص ! أنا حشرحلك الكلام ده !!

    بص .. مش كل راجل نئدر نؤول عنو الكلام ده !! كمان .. مش كل ست نئدر نؤول عنها الكلام ده !!

    في رجاله !! بسمي اللهي ماشاء الله !! كده ربنا يحرسهم بجاه النبي محمد ! ومش كل الرجاله يعني ينفعوا يبؤو حيطان !! آآآه ؟! فيه إيه !! الله ؟! مش مسدئيني .. طيب !! خدوها من عندي حبه حبه ..

    الراجل لما بيرجع من شغلو تعبان وروحو واصله لمناخيرو !! يعني ما يصحش تيجي المدام وتؤولو :

    روح يا خويا جيبلنا حتت لؤمه ناكلها ! ولا تؤولو .. أنا ما طبختش النهارده أصل صباع رجلي بيوجعني ..

    أو تيجي مراتو وتوجعلو دماغو بحكي نسوان مالوش لزوم !! إيه !! عاوزينو يـبآ حيطه ازاي !! ده حيبآ بوتوجاز وحيولع نار وحيخرب البيت لما حيعصب !!

    كمان يعني !! في رجّاله !! مش كلوهوم !! آآه ؟! محدش يوجع دماغي ويؤول انته بتشتم الرجاله !! أنا بؤووول : مش كلوهوم !! في رجاله فاكرين نفسهم ملايكة !! يعملوا اللي هما عاوزينه ! وفاكرين أنو الرجوله يعني لما حيطينو عيشت مراتهم !! جاتلهم نيله .. يا واد الرجوله مش يعني تعمل اللي انته عاوزه !! الرجوله أخلاق ودين وشهامه وجدعنه !! يا شماتت أبله ظاظا فيكو !!

    أبلة ظاظا ميين !!

    معلش !! كل جدع في النهاية راجل !! لكن مش كل راجل في النهاية جدع !!

    وفي النهاية يا باش مهندسين .. عاوزيكو تبؤو زي ما يؤولو إخوانا الاماراتيين ” مخاوين شمّا ورياييل ” .. ربنا يطولنا بعماركو .. وكمان الستات .. عاوزينهم يبؤو ” مخاويات شما وهابات ريح ” .. أنا ما بعرفش دول بيجيبوا المصطلحات دي منين ؟!!!

    معلش يعني أصلي برغي كتير ومبعرفش أسكت .. بس يعني محدش يزعل من كلامي .. آآه ؟! فيه إيه ؟!

    يالله !! السلامو عليكو

  5. ظل راجل ولا ظل حيطه .. بس لازم يكون صاحب الظل الطويل !

    كلامهم صح .. بس ليش صغرت رقم 6 ؟؟ ههههه

    شكرا على الموضوع يا أيها المحبره

Comments are closed.