اليوم الضحا كنت في هارفي نكلس اللي في امارات مول وشفت وحده …….. لابسه شورت ابيض
وقميص اصفر بدون اكتاف واكثر من هذا بعد
ووياها ريال ؟؟؟
من نفس جنسيتها …..جنه الدب القطبي
ومت من القهر فسرت رمست وحده من العاملات في المحل
قلتلها سياسة المول ماتسمح بهالشي اللبس العاري والحركات المايعه قالت
صح بس محد يقولهن شي
سرت وزقرت سيكيورتي المول وسبحان الله تقولون هو بعد مضغوط وبالفعل قال عندنا صلاحيه ننذرهم
ونوجهه الهم الكلام وطلع من جيبه كرت صغير مكتوب عليه الممنوعات في المول
وقال راويني اياها وسرت وياه المحل وتمينا ندورها وصراحه ضقت يوم ماشفتها بس هو تم بروحه
يدورها ولقاها وسارالها وكلم ريلها واشرله الريال انه ما يعرف انجليزي وقالت انا اتكلم انجليزي فظهر الها
البطاقه وقال لها لازم اكتافج مغطايه واللبس تحت الركب وشويه ردت عليه بحده قالها هاي سياسة المول
واما غيرها فغير مرحب به فقالت انا اسفه بطلع من المول قالها زين واذا فكرتي اتردين البسي لبس محترم …
وعطاني رقم غرفة المراقبه وقال اي شي اتشوفونه اتصلوا على هالرقم وخبروهم ويين وشو شفتوا وعلى
طول بيتصرفون
واتصلت وفعلا جاوبني شخص هندي وايد محترم وقلت له مول الامارات يتمتع بسمعه عالميه ومركز
مرموق وانتوا ماشاء الله حطيتوا قانون للاحتشام مشكورين وخطوه وبادره رائعه منكم بس ياليت تفعلونها اكثر
وقال نعم معاكم حق وهذي مسألة اخلاق مب بس دين و انتو لازم اتساعدونا قلتله حطوا السكيروتي عند
المداخل واللي بتشوفونها جذه امنعوها من عند الباب قال ان شاء الله وبالصدفه وانا ارمسه خطفت حذايه
وحده غير محتشمه وبلغته قال الحين بطرش الها حد والرقم هو 044099160
الرقم خاص بمول الامارات مب لدبي كلها ولا لباقي الامارات
الموضوع منقول
كلامك صحيح يا أخوي
لأني يوم أسير مول الإمارات وبالذات الصبح أو الظهر والله أني أشوف العجب
لا و سيكيوريتي روحه المسكين يالس يطالعهم بنظرة ( ….. )
قانون الإحتشام … كلام فاضي والله
اتمني يكون قانون عام … ف المستقبل ( طبعا مستقبل لكنه منتهي الصلاحيه من الان )
تقبلي من اجمل تحية
وبنيابه عن الباقين اشكرج ع النقل
واشكر الفاعل ايضا
مايندرابهم .. على كثر روحاتي ماشفت صراحه ولا فكرت اصلا اشوف شو الناس لابسين
ابد ومب من النوع الفضولي والحوح والعكس صحيح مبين من طرحها
للموضيع بشخصيتها المرحة بس شفت منقول تاكدت اكثر
ههههههههههههههه .. ومشكورة
على النقل وفي النهاية القانون قانون ويجب على الجميع احترامة
انسى الموضوع … السكيورتى راقدين و ضاربين بان
ها القانون فقط للعرض و ليس للتطبيق