قبل الرحيل سهمي تمويل وارابتك

ان شاء الله هاذي آخر مشاركة لي قبل ما اودعكم
وانا حزين على فراقكم وحزين ايضاً على ماوصلنا اليه من تدهور وانهيار في سوق المال
بس قبل الرحيل حبيت اذكر سهمي تمويل وارابتك
بصراحة اللي يصير فيهم من سقوط مايدخل العقل
وهما الوحيدين سقطا على اللمت داون بدون احم ولادستور وبدون براشوت
ما ادري شو اللي يالس يصير في سوق دبي المالي

تمويل ساقط من 8,72 بدون رحمة
واليوم 1.98 بسقوط يوازي 75% من اعلى قيمة حققها السهم
الارباح 573 مليون درهم والعائد على السهم لل 9 شهور 0.57
وحجم النمو +135%

ارابتك ساقط من 19,90 بدون هواده
واليوم 5,96 بسقوط يوازي 65% من اعلى قيمة
الارباح 761 مليون درهم والعائد على السهم لل 9 شهور 1.27
وحجم النمو +122%

على العموم انا اصبحت مستثمر في تمويل غصبن عني
وماعندي مشكلة فيه على الاقل بحصل عائد كل سنة لين مايفرجها رب العالمين
والمفروض الواحد منا يجابل شغله افضل له من سوق المليون حرامي

سهمي تمويل وارابتك اعتبروها توصية مني للمستثمرين فقط
اخوكم خضراوي

استودعكم الله