السلام عليكم ورحمة الله وبركاته

الاحظ انا ان وايد قرارات ناخذها ونتحمل اوزارها بس عشان المجتمع يرضى عنا

لو ندفع الثمن غالي

من وين يت اهمية المجتمع واولوية الناس على الانسان نفسه ؟؟

مثلا

عند بناء منزل مثلا ما يفكر الشخص في احتياجاته قبل لا يفكر في ان يكون

طابقين

ويكون مميز يلفت الانضار بتصميمه

لو ارهق ميزانية الاسره

ولاحقا ارهق ربة البيت بالنظافه لكبر حجمه وارهق رب البيت بالصيانه

ناهيك عن احتمال ضياع الخدم والابناء من كثر المداخل والمخارج اللي يصعب مراقبتها

عند الاقبال على الزواج كثير من الاسر تدقق في الاسره اللي بتناسبها

ومواصفاتها وقبول المجتمع يها

اكثر من الاهتمام بتوافق الميول والاتجاهات بين الزوجين

وياما ازواج عايشين عشان صورة المجتمع فقط

عند شراء سياره ما ينضر الشخص لاحتياجه من حيث السعه للاسره او الامان

للاطفال بقدر ما ينضر للموديل والرقم

لين متى بنتم جيه!!! ,,وكيف نتغير ؟؟؟

دعوه للنقاش

3 thoughts on “قراراتك وقرارات الاسره تاخذها عشان راحتك ام عشان نضرة الناس !؟”

  1. هيه والله كلام سليم 100% خااااصة موضوع الاقبال في الزواج

    وانا من اللي يعانون من هاااي المشكلة الحين بس يالله يارب يتم الموضوع على خير وتجمعني بالبنت اللي اباها….دعواتكم

    تحياتي

    بالتوفييييق لك ياخوي ^ـــ^ ،، الله يجمع بينكم بخير ^ـــ^

    حاول تكون متفاهم مع اهلك واهلها في مسائل الحفلات والعزايم ،، وعن البيت فحاول تختار الاثاث اللي تحبه انت وحرمتك مب اهلك يسوون على ذوقهم الا اذا كنت مقتنع ان اهلك بيختاروا لك الشي اللي انت تحبه ^ـــ^

  2. هيه والله كلام سليم 100% خااااصة موضوع الاقبال في الزواج

    وانا من اللي يعانون من هاااي المشكلة الحين بس يالله يارب يتم الموضوع على خير وتجمعني بالبنت اللي اباها….دعواتكم

    تحياتي

  3. وعليكم السلام ورحمة الله ،، تسلمي اختي على الموضوع الشيق ..

    هو يعتمد على شخصية الشخص ،، تلاقي بعض الناس ماعندهم رأي ولا شخصية !! يمشي ورى كلام الناس !!! اوكي على عيني وراسي اسأل الناس وشاورهم بس خلك صاحب القرار وكون عاقل تفرق بين الصح والغلط ،، شوف اللي يناسبك انت مب اللي يناسب الناس !!!!

    سواء رجل أو مرأة لازم يكون ذا شخصية قيادية ، يسأل الناس ويستفيد من خبراتهم ..

    مرات شي يكون مناسب لغيره بس ما يناسبه ..

    كل شخص ادرى باللي يناسبه ..

    ومثل ماقلتي والأمثلة اللي حطيتيها هي اللي نشوفها دوووم ..

    انا مرات ربعي يسألوني عن السيارات ويريدوني اقارن بين السيارات ،، اعطيهم المواصفات واقارن وآخر شي اقول له : في النهاية انت صاحب القرار وانت اللي بتسوق السيارة ، هذا اللي عندي روح شوف وجرب السيارتين واختار بنفسك ..

    مرات في اشياء نسويها عشان خاطر الوالدين ،، يعني مثلا الوالد مرة عطاني قماش ملون قال فصل هذه الكندورة حق عقدك ،، اوكي مافي مشكلة الا هي كندورة ..

    لكن ابني فيلا وانا توني معرس عشان اهل العروس يبون !!!! ولا اشتري سيارة جديدة عشان اطلع جدام الناس اوني راعي فلوس !!!!!

    لازم الواحد يعرف ظروفه ويمشي اموره على حسب ظروفه .. وخل رأي الناس على صوب لأنها ماراح تقدم ولا تأخر !!!

Comments are closed.