بسم الله الرحمن الرحيم
السلام عليكم ورحمة الله وبركاته
تحية طيبة وبعد ،،،
اخواني خواتي ..
بصراحه تعجز الكلمات عن التعبير عما في داخلي من امتنان وتقدير لابناء قطر وقطر الشقيقه ..
وهذا ابسيط شي اقدر اقدمه لهم ..
اخواني القطريين اخذوني بالاحضان كانو بوله وحنين بنتظار وصولي الى الدولة الشقيقه والله على ما اقول شهيد .. كل شوي يرن الموبايل وين وصلت وينك وين انت وزادهم شوق بعد ما اخبرتهم ان هذه المره هي المره الاولى التي ازور فيها قطر .. لا همتهم بضاعه ولا همتهم خصومات .. واحرجوني حتى الاخوان استحي اعطيهم شي من دون مقابل لانهم يستاهلون اكثر من جذي ..
هذه الشهادة صادرة دولة الامارات العريبة المتحدة مهداه الى دولة قطر وابناء دولة قطر الشقيقيين ..
اخواني القطريين يستاهلون اكثر من جذي يستاهلون كل الحب والتقدير يستاهلون الواحد يشيلهم فوق راسه بصراحه كرم واخلاق الواحد لو تكلم بيكون صدقوني قصر وما وفااا..
هذي قصة راك اس ال وهو ظاهر من الامارات .. ووصوله الى دولة قطر ورجوعه الى الامارات الحبيبه بحمد الله وسلامته …
بسم الله الرحمن الرحيم
في تمام الساعه 6 صباح يوم الخميس 10/1/2008 تحركت من الشارقة وانا كلي شوق وحنين ابا اشوف قطر هذي اللي سمعت عنها وايد .. تحركت من الشارجه وتجهت الى بوظبي عن رفيق الطريق .. وصلت بوظبي عند بيت الريال كان بيته اول بوظبي والحمدالله ما تعبني .. شغلنا سيارته وودا السيارة بيت ابوه .. ومن بيت ابوه الله يحفظه تحركنا الى قطر .. بصراحه كنا نسرع وايد 200 كيلو بس المشكله ان لو تمشي شوي شوي السيارة تقولك زيد ترا فيني عزم SL المرسدس تحركنا يا اخواني وعلى طول الدرب نظحك ونسولف ههههههه وانا انظرله بطرف عيني واقول في خاطري يا ويلك من المفاجأت اللي بتيييك هههههههههه بصراحه مفاجئات راح تقرونها بعدين .. المهم ونحنا نمشي مرينا منطقة بصراحه فيها محرقة للنفايات يا لها من منطقة اتمنا ان الدولة تشوف حل سريع لهذي المنطقة يجب عليها ان تغير مكان حرق النفايات لان هذا يشوه سمعت الامارات بالنسبه للقادمون بالبر ويشوفون المرحقه اولها محرقه والله يعلم اخرتها شوي هههههههه ..
المهم ونحنا نمشي تذكرت ذكريات ليوااا وايام ليواااا وما ادراك ما ليوااااا ولا شرايك يا ولد بوظبي ههههههه طبعا اللي راح معاي زميل تعرفت عليه من خلال منتدى الامارات للاوراق المالية ونعم المنتدى عرفني على اخوان امي ما ولدتهم .. واحسن من مليون صديق عرفته من سنين والله يشهد ..
المهم لما قربت اوصل الحدود السلع فاجأته قلتله طويل العمر ترى ملكية السيارة منتهيه ههههههههههههههه قالي لا تقول والحين وكيف ومتى قلتله مب مشكله من اسبوعين بسيطه سكت شوي وقعد يفكر ويتمتم هههههههه وانا ميت من الظحك في داخلي قالي بشوف الملكيه قلتله لحظه بدورها وادور وادور وادور قلتله يمكن نسيتها ههههههههههه وقف شعر راسه مسكين المهم بعد ما دورنا ودورنا لقينا الملكيه .. قرا الملكيه قالي حسبي الله على ابليسك قلتله ليش قال منتهيه الملكيه من شهرين هههههههههههههه وانا ميت من الظحك .. قلتله زينه وبعدين .. قالي ما يصير كيف بنظهر وكيف وكيف وكيف .. وتعم يتمتم ويتمتم .. واظن شتمني تشتيييم هههههههههه … قالي ما ينظهر قلتله له نظهر قالي لا قلتله منو قال لا قالي انا اقولك لا ما بتظهر الملكية منتهيه ..
المهم قلتله انا براهنك لو ما ظهرنا بعطيك بكشتي كلها اللي في الدبه وانا ريال قد كلمتي بضاعه تقدر 20 الف درهم ..
تخبل وفرح وزعل وفرح وزعل وفرح وزعل ههههههههههه المهم خليت الموضوع عنده عادي ان لو ما سافرنا بيكون ربح البضاعه ولو سافرنا بيكون ربح قطر ..
وصلنا الحدود هههههههههه واول ما وصلنا عند الشباك قالي ويييين وقف ممنوع ههههههه الملكيه منتهيه ههههههههههه انصدم رفيجي قلتلك قلتلك هههههههههه ما ينظهر ..
قلتله مب مشكله انا بتصرف .. رحت عند المسؤول وكلمته وقلتله طويل العمر انا ولد البلاد يعني ما بشرد ولا بروح مكان والسيارة هذي ملكي انا لا مرهونه ولا غيره بالنسبه للتامين عندي تامين بس الملكيه مب مجدده .. واعتقد اني مب مخالف .. السيارة ملكي وليست مرهونه .. وما علي اي مشاكل ..
المهم وافق المسؤل يطولي بعمره لان فعلا انا ما ارتكبت جريمه حتى تمنعني الدوله من السفر ..
وربحت انا الرهان هههههههههه
ووصلنا السعوديه اول ما دخلنا السعوديه يا اخواني .. رفيجي اللي وياي ما يدري في السالفه قلتله مصيبة وحلت علينا قالي ليش بعد ههههههههههه قلتله عندنا اجهزه تعطل الارسال للمساجد بس هم بيتحرونها لشي ثاني وهوكي توكي 7 كيلو مداه وهذا ممنوع في السعوديه وعليه سجن وبطيخ ههههههههههه ما شوف الريال الى يتسرط ويتمتم هههههههههههه
واول ما وصلنا التفتيش شرد الحمام وانتو بركامه ههههههههههههههههه
وصلت عند موظف التفتيش ختم وقالي توكل استانست .. شوي ووقالي لحظه وقف قلبي قلتله خير طويل العمر امرني قال بطل الدبه ..
بطلت الدبه وشاف اللي شافه شاف موبايلات وزينون وشغلات عجيبه وطياير قالي شو هذا .. قلتله صوغات هههههههههه قالي صوغات ها الكثر .. وانا خاش الاجهزه خلف الكرسي لان سيارتي كوبي سبورت قالي بطل الكرسي وي وي وي وي بطني عورني قلتله الكرسي ما يتبطل بس يتجدم على جدام جدمتله على الخفيف شاف موبايلات الدنيا .. المهم الريال ما قصر وطوفنا ولا من شاف ولا من دري المهم اشوف الريال يوايج من الحمام وانتو بكرامه ههههههههههههه
ويوم شاف التفتيش راح ركب السياره .. قال الحمدالله ..
وتم يتم تم اقوله شفيك قالي معيشني في رعب الله يسامحك هههههههه واقول في خاطري بعدك ا شفت شي ..
المهم نمشي نمشي نمشي وعبينا بترول 45 درهم وكنا نعبي في الامارات 100 درهم يا مسكيييييين روح يا بترول السعوديه ..
المهم اتصل في ريال راح اتلاقا وياه هو جاي من البحرين عشان ياخذ مني بضاعه وانا متواصل وياه ومتفق معاه ان نحنا نتلاقا في الهفوف .. لكن رفيجي ما عنده خبر ههههههههههه
قالي وين راح يجي رفيجك قلتله على حدود قطر باذن الله هههههههه ما يدري ان نحنا بنوصل الهفوف هههههههههه
المهم رفيجنا البحريني رصيده خلص .. وهو اول مره يسافر بالبر البحريني وما يدل الطريق المهم انا قمت ادزله مسجات لان المسجات توصل عادي واكتبله بالمسج اسال اي حد وين قطر الامارات وراح تشوفنا في ويهك مرسيدس كوبي مشغلين ليتات زينون .. وهو يقولي ان عنده كرولا سودا مشغل الفول لايت هههههههههه
المهم ونحنا نمشي وهو يمشي ونحنا نمشي وهو يمشي ورفيجي مقهوووور
ونكمل بعد قليل
فيك الخير والبركه أخوي وكلنا إخوان وترا الطيب ما يحصل إلا طيب مثله
السلام عليكم …
صباح الخير
بكمللكم قصة سفرتي لقطر الحبيبه …
اخواني بعد ما وصلت الامانه لاخونا في الهفوف .. توجهنا الى قطر الحبيبه الى الحدود .
وبعد ساعه تقريبا مع سرعة 200 كيلو … وصلنا حدود سلوى حدود السعوديه خرجنا من السعوديه ومشينا شوي ووصلنا حدود قطر روعه روعه روعه
من اروع ما يكون
بصراحه ولا اروع .. الحدود كانت قمه في الرقي قمه في النظام قمة في النظافه قمة في الاخلاق بالنسبه لموظفين الجمارك ..
اول ما وصلنا الجوازات كانت وحده بنت على شباك الجوازات وبابتسامه عريضة بصراحه ناس يفهمون ناس تقدر الزائر بسعة صدر …
والتفتيش اول ما شافني سلم علي قالي السلام عليكم .. شحال عوافي انا مت من الظحك .. قالي ليش تظك قلتله مفظوحين وين ما نروح نحنا اهل راس الخيمه
المهم وقلبي طايح انا الدبه كلها موبايلات وزينون تقول شال دكان بابوووه وياي ههههههههههههه ..
المهم اخواني الريال ما قصر قلناله هذي كلها صوغات مودينها للربع ما يدري انها بقشة رااااك اس ال .. حليله راك اس ال … المهم اخواني الريال ما قصر فتش وشاف ان نحنا في السليم كان التفتيش قمة في الادب والله شاهد على كلامي .. بسعة صدر ورحبه لكن كان يفتش بتمعن … الحمدالله ما كانت عندي ممنوعات ولا كان صادوها هههههههههه الله يرحم الهوكي توكي راح في السعوديه …
المهم اخواني دخلنا قطر وما ادراكم ما قطر … اول ما شفتها بصراحه مسويين طريج هاي وي مثل شارع الامارات يوصلك للدوحه بس للحين ما خلص بس شو شارع الواحد لو يمشي عليه 1000 ما يخلص المهم وانا داخل قطر الله يشهد اخواني القطريين يتصلون واحد ورا الثاني والله يشهد ان كل شوي واحد يتصل لاني طرشت مسج وقلتلهم اني وصلت طبعا طرشت للكل .. ..
وشوي تلفوني ما سكت وينك وينك وينك اكيد ما تدل الدوحه انا الحين بدليك .. يمين يسار يمين يسار .. المهم انا بجيك ونتظرني المكان الفلاني على الهاي ويه .. والثاني يقولي خلك طريق الدوحه الدوحه وبتشوفني انتظرك على الخط .. الحمدالله بعدها الدنيا بخير ..
تخيلوو من دخلت الحدود لما وصلت الدوحه .. والله اخواني القطريين كبروو في عيني وااااااايد .. اكون صريح وياكم ما توقعت هذا الشي …
المهم اعتذرت من الكل عشان ما انحرج وياهم وواحد اصر الا يوصلنا يا ريال اصر والله اصرار كان يبغي يودينا بيتهم .. ما قصر مسكين .. الله يطول في عمره يا رب ..
المهم اخواني اول ما وصلنا شفنا كذا شقه فندقيه بس بصراحه هي يوم واحد فما ينفع اقع في شقه فرحت
فندق الملينيوم Doha Hotel | Official Site Millennium Hotel Doha | Luxury Hotel
في السد فندق فاتح صارلح 5 شهور يمكن بس بصراحه فندق فندق على كيفك .. المهم حجزنا صح انه غالي .. لكن يسوى ونحنا جايين سياحه اصلا يعني نشوف قطر الحبيبه …
ونزلنا اغراضنا .. ورحنا الغرفه وقبل لا اروح الغرفه رحت جناح الفي اي بي هناك عندهم انترنت ودخلت الانترنت ودخلت الموقع وكتبت اني وصلت بالسلامه …
المهم رحت الغرفه وخذت شور الاول وبعد خمس دقايق من الشور الاول .. مليت من جسمي من الارهاق ودخلت واخذت شور ثاني هههههههه … وبعد ما خلصت قعدت خمس دقايق ما عجبني جسمي من الارهاق ورحت اخذ ت شور ثالث رفيجي تخبل ههههههههههه يقولي شفيك ماشي حمام في بيتكم … ههههههههههههه الريال ما يعرف طبعي اني مستعد اسبح 5 مرات لو ما عجبتني السبحه … تخبل المسكين والله جن … شوي وتلفوني يرن ويرن ويرن رديت ولا هو واحد من الاخوان القطرين .. وجانا وقعدنا في اللوبي وخذ نصيبه من البضاعه ورحنا بيتهم لان كان يايب مبلغ لتلفونين والحمدالله اخذ كمية كبيره تقريبا الحمدالله رب العالمين… ورحنا بيتهم وجاب باقي المبلغ ومشاني في قطر ورحنا كركنا والله الريال ما قصر وودانا نيويورك الدوحه منقة الستي سنتر روعه روعه كانك داخل نيويورك … المهم ورجعني الفندق طبعا لما رجعت كان في كستمر ينتظرني .. واخذ نصيبه .. والحمدالله رب العالمين .. شوي اتصل فينا واحد من (ال ث ا ن ي ) هذا الشخص والنعم فيه رحنا على نادي الدبلوماسي .. هذا النادي بصراحه في اي بي .. اول ما دخلنا عنده استقبلونا بطريقة ما تتصورنا اخواني … طبعا وصلنا بع ما ضيعنا 99 مره .. وصلنا ونزلنا الريال كان ينتظرنا عند الباب .. واستقبلنا ودخلنا وسولفنا وظحكنا والله ونعم الاخ ونعم الريال وكان له النصيب الاكبر من البضاعه الحمدالله رب العالمين .. وبصراحه الريال ما قصر قام بالواجب وزياده .. كان يبغينا نتعشى وياه بس نحنا استحينا لان تيلفونه مسكين ما سكت كل ثانيتين يرن صاير مثل تلفون رااك اس ال ههههههههه اسولف والله .. المهم قام بالواجب وزياده الريال .. ورحنا .. وتصلنا بالاخ جابر عشان كان طالب اخر حبه من البضاعه .. ورحنا واول ما شافنا يا جماعة الخير شو بقوللكم … اصر اصر اصر الا انه نتعشى وياه لا حول ولا قوة المهم ما حبينا نرده وودانا على مع الساحه اللبناني احلى مطعم في حياتي .. لاني من هواة لبنان واللي لبنان تسري في دمهم .. الا هو انا .. لبنان حياتي واحب شعبها واهلها لان مافي منهم بصراحه … ودانا الساحه حسيت نفسي في لبنان في مطعم الساحه اللي في شارع المطار هههههههه
تذكرت احلى ايامي وقررت اروح لبنان بعد ما ارجع الامارات .. هههههههه
المهم اخواني تعشينا وشيشت انا عنب لاني الوحيد اللي اشيش .. الريال ما قصر هو ورفيجه بصراحه رفيجه وجابر قمة في االادب والاخلاق ناس ما شفت في كرمهم والله .. المهم ورجعنا الفندق وخذ نصيبه وتوكلنا الغرفة ووعنا الرايل طبعا كان يبغي يعزمنا على الغدا لكن لان الوقت ما يسمح قررنا نجي مره ثانيه ونقعد يومين عشان نفضى لقطر ولاهلها …
اقسم بالله العظيم ان كل واحد شفناه من الاخوان القطرين … كل شخص يعزمنى يا على العشى والغدا ويبون يودونا البر عند الرمل ويبون يودونا الكورنيش والله كل قطري تلاقينا وياه يعني اقسم بالله ناش ماشي منهم والله شاهد على كلامي والله يسحبونا سحب .. يا جماعه سؤال واحد لاهل القطرين شو هذي الاخلاق شو هذي التربية شو من البر انتو يا جماعة الخير انتو من وين ميوبين من مدينة اسمها الكرم والاخلاق … والله اقل شي اقدر اقوللكم اياه الله يوفجكم وروحوو روحوو يا اهل قطر الله يجزيكم كل خير يا رب .. ناس ما فوقهم فوق .. ما بعدكم بعد كرمكم واخلاقكم اللي ما شفت منها وادري لو شو اقول ما راح اوفي واكفي واوافي .. انا مستحي واقول لو جوني الامارات راح اقدر اوفي معاهم مثل ما الاخوان وفوو معاي .. ؟؟ لا حول ولا قوة الا بالله .. الله يقدرني واوفي واكفي معاكم يا رب هذي النسبه اللي شفتها من القطرين خلونا اخذ فكرة وايد طيبه ن قطر واهالي قطر ومسحتيل حد يغيرها في بالي لانهم ناس يستاهلون كل خير والله …
.. ورحنا الفندق .. ونمنا واول ما صحينا الصبح الساعه 8 رحنا تريقنا .. طبعا الفندق مع افطار وبعد الريوق اخذت دش .. وتحركنا الى ارض الوطن .. والحمدالله وصلنا البلاد بخير ..
شكر يا اهل قطر
.
بصراحه اثلجتو صدري والله بردوكم واتمنا كل واحد يدخل ويقرا الموضوع يضيف رد ولو بكلمه تقدير وشكر لاهل قطر ويستاهلون كل خير والله
والموضوع فيه تكمله وللحين ما كملت
الحمد لله على سلامتك بو يعقوب………. مغامرة صحححححححححححححححححح
وتحية لاهل قطر على حسن الضيافة
وحمدا لله على سلامتكم مرة اخرى
عزيز وغالي يا خويه وترانا كلنا اخوان يطولي بعمرك.
الحمدالله على السلامه بو يعقوب