قصتــي مع أخوية Computer_City…

السلام عليكم ورحمة الله و بركاته..

قبل 4 شهووووور تقريباً قررت اني أشتري لابتوب.. بس كنت حيرانة من وييييييين بشتريه و وين أحصل كمبيوتر بالمواصفات اللي أباها و على قد ميزانيتي.. وااااااااايد سمعت عن هالمنتدى و قلت خلني أتصفحه.. و شفت موضوع اخوي ابراهيم الزعابي عن لابتوبات HP Compaq nx 7400 .. الصراحة عيبني موووووت لكن خفت لأنه أول مرة أقرر أشتري شي عن طريق الانترنت .. قلت له احجز لي واحد مبدئيا و برد عليك.. المهم الله أراد و قررت أشتري اللابتوب و الله ثم و الله مااااااااااا ندمت.. وصلني كااااااااااامل و الكاااااامل الله من برامج و هدايا.. و أناقة الجهاز نفسه كانت كفااااااااية .. و الحين كمل عندي هاللابتوب 4 شهور لين ياني هاليوم اللي سكّر مرررررررة وحدة و لا دريت شو بلاه.. المهم طرشت حق اخوية ابراهيم و قال لي فالج طيب طرشيه و بشيك عليه.. طرشت له ايااااه و انا عارفة انه العلة علة هارد ويييييير لأن اللابتوب ضمانه هارد وير مب سوفت وير.. تصدقون يا جماعة و الله يوم شيك اخوي Computer City عليه طلعت المشكلة مشكلة سوفت وير و مع هذا ما قال لي شي غيير يوم خلصه..برمج لي اياه من أول و يدييييييييييييييد و رجعه كأنه يديد و حط لي عليه أحلى برااااااامج و مب بس جي لكن طرش لي شوية هدايا حلوة وياااااااااه بعد..((هذا و هو ما عليه ضمان سوفت وير و جي سويت ويايه و لو عليه ضمان شو كنت سوييييييييييت؟؟)).. و الله الشاهد ما طلب مني و لا فلسسسسسسسس و كان كل همه انه يتطمن انه الجهاز و صلني و عيبني..

السمووووووحة كان طولت عليكم لكن الحق ينقال و الله هالرياااااااال ما عليه قصووووووووور و ما شا الله عليه من زود طيبه ماعرفت شو أقول له قلت بحط موضوع و أشكره فيه و هذا أقل شي طبعن من بعد اني ادعييييييله ربي يوفجه و يبارك له في تجارته لأنه يستاهل كل خيييييير.. و اللي يتعامل ويااااااااه بيلاحظ كيف معاملته و أسلوبه الراقي و أهم شي انه ما يطلع من عنده حد إلا هو مجبوووووور الخاطر و الله (( و هذا على تعامل ولد خالتي و من كثر ما مدحه و مدح شخصيته))..

يزاك الله خير ياخوي و ربي يوفجك و يغنيك بحلاله..^_^..

أرق التحيــــــة..
((بانتظار تعليقاتكم))..