طبعا بدايتي مع الاسهم مثل كل الفقاره لما عطونا في الكهربه 30000
سهم الطاقه وكم حاولنا فينا وعرضو علينا لين ثلاثمائة الف سهم لكل يا جبل ما يهزك ريح
رفض الجميع وانا اولهم والي قالو بتوصل ثلاث ملايين والي والي وهذا هو الطمع بعينه
المهم نزلت الاسهم وانا اشوفها كل يوم عن الثاني تنزل :sahem2: مب راضيه ترتفع :sahem1: وفي كل يوم اقول لا باجر بيرتفع بس ما فيه فايده المهم قررت البيع نص الكميه واشتريت فيها صورح ( بعدني مصممه على سوق بوظبي ) قلت الخير في صروح بنيان يعني يقولون البنيان كل يوم يرتفع وبعد صروح شفتها كل ما ياها يوم تنزل
ويعدين قررت افج لي حساب في جولدن جيت
المهم فجيت لحساب وحطيت فيه كاش سبعين الف درهم
واسهم صروح الف وشي
والمتكامله ميتين وشي بعد بعتهم وضفتهم على الحساب يعني يمكن كله يطلع خمسة وسبعين الف درهم
لعبت فيهم يمين وشمال اشتري منيه وابيع منيه اخسر منيه واربح منيه
بس طبعا الخساره اكثر من الربح لانه ما شاء الله على سوقنا كله :sahem2:
والحين من لفلوس تم لي خمسة واربعين الف درهم طبعا كلها اسهم
عندي 2900 اعمار شارتنه ب 11.85 والله يستر ويرجع هالسعر او اعلى شوي ونعوض
وعندي املاك 2190 شارتنه ب 7.77 والله اعلم متى بيرجع
هذي الاسعار شارتنه من حوالي اسبوع وانا كل يوم اقول ان شاء الله بترد ولو حتى استفيد عشرة فلس في كل سهم بعدين بخلي عندي كاش وعلى فكره ناويه انقل الظفره
لانه عندهم تحويل لفلوس سهل لو حد احتاج فجاءه فلوسه
ولانه ما ياخذون جرج علي الحساب
ولانه رقمهم مجاني
ويوم السبت بخبركم اذا بعت او ظليت صامده ( يا جبل ما يهزك ريح ) ولم ابيع او او او
ان السبت لناظره قريب
اختكم المليونيره
بتوفيق ان شاء الله
للجميع
معى اني واحد والحمد لله مادخلت سوق الامارات الا في الاكتتاب وبس
ولا غيرها في الاسهم الخليجيه
والحمد لله باليوم دخلي طيب
ولا فيه خساره ولله الحمد
ولكم التحيه
حلوة المقولة ” يا جبل ما يهزك ريح “
هدف الخروج مش الوصول إلى المليون .. لأن الرقم مليون مجرد رقم مثل باقي الارقام
الهدف هو شو المبلغ اللي يخليني مثلا خلال العشر سنوات القادمه أصرف مثل ما أرغب من غير الحاجه لأي سلفه أو مساعده من الغير
هلا اخوي المرزوقي
والله انا هدفي الحين ارجع فلوسي الخمسة وسبعين الف وبس ما اريد شي
نعمه من الله عقب بسحب كل فلوس وبخلي عشرين الف اجرب حظي فيهم بدال هالخساير الكبيره
:wtro0:
شكرا لكل شخص عقب على موضوعي ونصحني او حذرني من الاسهم
اما بالنسبه للاخ الساموراي فقد قال على العلن
مب عارفه قصده يطنز على الموضوع لانه في الخاص ارسل لي
بس حابه اني ارد عليه على العام واقول
اولا شكرا وكلك ذوووووووووووق
وثانيا بعض المذكرات قد تكون مفيده للغير
يعني قد ياخذ حذره من الامور التي قد وقعت فيها مثل الطمع ايام الطاقه
وهذا شئ مفيد للجميع
واذا كنت شي اخوي الساموري اكتبه على الخاص وبلاش العام
ومره ثانيه شكرا لك وكلك ذوق
وان شاء الله يوم السبت سوف اكمل لك قصتي مع الاسهم وشوه سويت وياهم
ويارب يكون السهم اخضر والله يفرجها معاي
وطبعا اليوم ما قدرت اكتب شي لانه الاسهم مصكره يوم الجمعه (( اوني اعطيكم معلومه ))
سو في الانتظار يوم السبت
واذا فيه تعليق اتمنى يكون على العام
اختكم المليونيره وبظل المليونيره اذا مب بالفلوس بالدين والاخلاق والحمد لله رب العالمين
YOU WELL COME :ajeeb1:
هدف الخروج مش الوصول إلى المليون .. لأن الرقم مليون مجرد رقم مثل باقي الارقام
الهدف هو شو المبلغ اللي يخليني مثلا خلال العشر سنوات القادمه أصرف مثل ما أرغب من غير الحاجه لأي سلفه أو مساعده من الغير