طبعا بدايتي مع الاسهم مثل كل الفقاره لما عطونا في الكهربه 30000
سهم الطاقه وكم حاولنا فينا وعرضو علينا لين ثلاثمائة الف سهم لكل يا جبل ما يهزك ريح
رفض الجميع وانا اولهم والي قالو بتوصل ثلاث ملايين والي والي وهذا هو الطمع بعينه
المهم نزلت الاسهم وانا اشوفها كل يوم عن الثاني تنزل :sahem2: مب راضيه ترتفع :sahem1: وفي كل يوم اقول لا باجر بيرتفع بس ما فيه فايده المهم قررت البيع نص الكميه واشتريت فيها صورح ( بعدني مصممه على سوق بوظبي ) قلت الخير في صروح بنيان يعني يقولون البنيان كل يوم يرتفع وبعد صروح شفتها كل ما ياها يوم تنزل
ويعدين قررت افج لي حساب في جولدن جيت
المهم فجيت لحساب وحطيت فيه كاش سبعين الف درهم
واسهم صروح الف وشي
والمتكامله ميتين وشي بعد بعتهم وضفتهم على الحساب يعني يمكن كله يطلع خمسة وسبعين الف درهم
لعبت فيهم يمين وشمال اشتري منيه وابيع منيه اخسر منيه واربح منيه
بس طبعا الخساره اكثر من الربح لانه ما شاء الله على سوقنا كله :sahem2:
والحين من لفلوس تم لي خمسة واربعين الف درهم طبعا كلها اسهم
عندي 2900 اعمار شارتنه ب 11.85 والله يستر ويرجع هالسعر او اعلى شوي ونعوض
وعندي املاك 2190 شارتنه ب 7.77 والله اعلم متى بيرجع
هذي الاسعار شارتنه من حوالي اسبوع وانا كل يوم اقول ان شاء الله بترد ولو حتى استفيد عشرة فلس في كل سهم بعدين بخلي عندي كاش وعلى فكره ناويه انقل الظفره
لانه عندهم تحويل لفلوس سهل لو حد احتاج فجاءه فلوسه
ولانه ما ياخذون جرج علي الحساب
ولانه رقمهم مجاني
ويوم السبت بخبركم اذا بعت او ظليت صامده ( يا جبل ما يهزك ريح ) ولم ابيع او او او
ان السبت لناظره قريب
اختكم المليونيره
أنت مليونرة حقا اسما و مضمونا ، حيث انك اشتريت بالسعر الهابط و لم تخسري كثيرا .
اقنعي من الغنى باسمك ، وقد قالوا قديما : الصيت أحسن من الغنى.
ان يناديك الناس مليونيرة أحسن من ان ينادوك مدينيرة!!
عى اخوي السلمي
انا فعلا قانعه والحمد لله
بس انا اعشق شي اسمه تجاره وتجارب ومغامره
ومره تصيب ومره تخيب
والحمد لله على كل شي
أنا مثلك يالمليونيره (تراني وحده مب واحد ) ونا بنتفلسف على ازواجنا وبنقولهم مب انتوا بس شاطرين نحن بعد مثلكم بخبرك قصتي اللي هي قريبه وايد من قصتك !!!!!
بس اليوم بعد اداء السوق اللي يرفع الضغط مالي نفس حتى اتكلم عن اي شي !!!!
شو تقولين اللي شاري دبي الاسلامي ب 33 !!!!!!
والحين ب 10 !!!!!!!!!( قصوا عليه قالوا في زيادة راس مال ماادري انه في حالة زيادة راس المال ينزل السعر لا بعد شاريه حق الوالده بعد وحاشرتني وين اللي تقولون بييرتفع )
واياك وصل 8 وأنا اكتتاب وقصوا عليه بعد كل شركات التأمين سعرها فوق واقوم واشتري السهم 8 أنتي بيعي اللي عندك مب تشترين زياده !!!
والاسبوع اللي طاف ماتعلمت من الدرس اشتريت اللوجستييه ومن هذاك لين اليوم ونفس السعر خلني اطلع قيمة الشراء والبيع للوسيط ببيع وافتك واياك خلني اطلع راس مالي وبطلع .
الا الاسلامي من 33 مااقدر ابيعه ب 11 !!!!
شاااااااااات اكيد العيوز طفرتبج
انا امي قالت لي جيه قلت الا ما فيني (( انا بروحي شاله همي بعد اشل هم امايه والله يا اطلع لي قرون ))
الله يعوض عليج وعلي قولي امين
أنت مليونرة حقا اسما و مضمونا ، حيث انك اشتريت بالسهر الهابط و لم تخس كثيرا .
اقنعي من الغنى باسمك ، وقد قالوا قديما : الصيت أحسن من الغنى.
ان يناديك الناس مليونيرة أحسن من ان ينادوك مدينيرة!!
الله يوفقج يالمليونيره , وصدقيني الكل خسران في الاسهم بس الواحد يحاول يعدل سعر الشراء بشراء اسهم زيادة بس بسعر معقول مش مرتفع اوكيك :wtro0:
تعرفين قصة حلوة وايد لنا .. مرة وايد لج! الله يعينج..
انتي لو تصبرين على حلالج.. وتنسين سالفة الأسهم اللي عندج هذي كان انتي والخير رباعة..
انا أقول لج نصيحة.. مول لا تدشين الجولدن جيت ولا تتابعين أخبار الأسهم، يعني اقطعي صلتج بشي اسمه أسهم.. بس شي واحد..حطي السعر اللي تحلمين تبيعين فيه.. وبس أول كل شهر دشي الجولدن جيت وحطي أمر بيع بهذي الأسعار.. وتراها متى ما وصلت الأسعار بيتنفذ الأمر.. ترا لا أنا ولا إنتي مال مضاربة.. خلي عنج سوالف الجولدن جيت.. هذي مال مضاربين حريفة.. مو شراتي وشراتج.. وتراه الصبر وايد زين..
الله يفرح أيامج.. أنا أقول شو هذي شو هذي هدعش..شو هذي هدعش.. ووين لما فهمتها!
دمتي بصحة وسلامة
أخوك/ أبو أحمد
شوه ما اعرف الا اقول هدعش
عيل اقول احدى عشر
وصراحه اتعايز اكتب ارقام
لانه الاب توب عندي عشان احد النقطه لازم ارجع اغير انلكيزي عايت فيني
المهم اليوم انا اسعد انسانه في الدنيا
لاني وصلت نص الطريق لموضوع احاول اخلصه من زمان
وباقي النص الثاني
بس يارب انه يكمل ادعولي يا اخواني
انه الله ييسر امري ويسهل كل الامور
اللهم امين