قصتي (كارثتي) مع العربية للطيران

19 thoughts on “قصتي (كارثتي) مع العربية للطيران”

1. اخوي الذيب الاحمر..صراحة الموقف اللي مريت عليه ما يتمناه اي شخص..

   اتمنى منك تشتكي للاعلام خاصة جريدة امارات اليوم..لا تعدي الموضوع على خير..

   احب أأكد لك ان معظم خدمات الطيران تراجعت بشكل كبير جدا…ومسألة ضياع الشنط صدقني اصبح شي روتيني على معظم الطيران والدليل سير قسم المفقودات بمطار دبي وبتشوف وايد يايين البلاد سياحه ومساكين ما عندهم اي شي!

   انا واجهت مشاكل مب مشكلة مع الطيران البريطاني التعيس في سفرتي الاخيرة.. من تغيير بوابة الرحلة بدون علم.. وصبوا علي خمر و..و..و..و…. والشنط استملتهم بعد 24 ساعة من رجعت البلاد ..

   طبعا بعثت لهم ايميل محترم عقب ما رديت..وردهم كان اعتذار لا اكثر!

   ونصيحة لكل المسافرين اذا عندكم اغراض ثمينة سوو تأمين على الشنط ..لان اذا ما عندك تأمين التعويض لا يتجاوز 100 دولار لو تقلب الدنيا فوق تحت..اعرف في ناس كانوا حاطين مبلغ فوق 50 الف ومجوهرات ثمينة جدا في شنطة..والشنطة ضاعت!! طبعا يمكن ضاعت ويكمن ضيعوها عن عمد!! ..راحت عليهم الفلوس والمجوهرات….التعويض 100 دولار! حسب قوانين الطيران ومكتوب على التذكرة..هذا اذا ما عندك تأمين..

2. الله المستعان

   أنا من فترة كنت ساير باريس كورس
   وطبعا ماخليت شي ماشتريته …لقطت الأولي والتالي من عطور وملابس وبلاوي …. وعلى طول فترة وجودي هناك كنت اتصل بالحرمه واقولها اني ياي ويايبلج هدايا و مفاجآت .. خليتها تتشوق للهدايا .. لين ماكملت المدة المطلوبة .. سرت المطار وكنت حاجز على طيران الامارات .. وكنت في منطقة في فرنسا ولازم ارجع باريس بطيارة فرنسية ومن باريس لين دبي عن طريق طيران الامارات .. قالولي عندك وزن زايد ولازم تدفع 500 يورو انصدمت وانفجعت ..وطبعا هذا طيران فرنسي مب طيران الامارات عشان اقدر اقردنهم ..مني مناك ماشي فايده .. آخر شي قلت لهم باخذ شنطه دايركت لين دبي وشنط الهدايا اباها تنزل باريس ومناك برد ادخلها عن طريق طيران الامارات
   عشان ما ياخذون رسوم الوزن الزايد .. المهم وصلت باريس ومن باريس طلعت على دبي ..
   ويوم وصلت مطار دبي الدولي يلست اتريا الشنط ساعه كلهم روحوا وانا تميت يالس روحي لين الساعة 2 فالليل وسرت خدمة العملاء مال طيران الإمارات وقالولي اول ماشافوني انته منصور السويدي فرحت قلت يسسسسسسسسسس من خاطري .. قالولي احنا متأسفين وايد وصلنا فاكس من مطار باريس انك ناسي شنطك هناك .. وذكرت انني ناسنهم هناك فالمطار قلت في خاطري عزالله اليوم رقدت فالشارع ماظني اقدر ادخل البيت بدون الشنط.. المهم رجعت البيت واستقبلتني الحرمه وكل شي .. بس مسكينه مستحيه تقولي وين الشنط قمت انا وفتحت الموضوع وخبرتها السالفه من طأطأ لسلام عليكم تمت تضحك جني قايل نكته .. استغربت منها شو السالفه .. تمت تقولي “أكيد مسولي مفاجأة” قمت احلف مليون مرة ورا بعض ماشي فايده .. ومن كثر ما قامت تعيد هالجمله ياني الرقاد ورقدت ..
   نشيت الصبح الا اشوف طيران الامارات طارين تلفوني من كثر ما اتصلو عليه وانا في سابع نومه وآخر شي شفت رقم موبايل غريب .. ويوم اتصلت عليه والا الدريول مال طيران الامارات يقولي ان هو عند البيت يايب الشنط وآخر شي صدقت الحرمه

   مع ان الغلطه غلطتي قامو يتصلون ويعتذرون وفي ظرف ساعات وصلن شنطي من دبي لين بوظبي لين باب البيت ..

   الله يطول بعمر الشيخ أحمد بن سعيد ..
   الرجل المناسب فالمكان المناسب

3. عوضك الله خيرا عزيزي الذيب الأحمر …. المسبب الرئيسي للمشكلة هو الخدمات الأرضية وليس طيران العربية ربما كانت شركة الطيران طرف في المشكلة أو جزء منها ولكن العاتق الأكبر يقع على الخدمات الأرضية للمطار ( الغراوند سيرفس ) …. لم يسبق لي ان سافرت مع العربية … البعض يمدح والبعض الآخر يذم … ولكن أقول دائما ادفع مبالغ اضافية لأجل راحتك ….

   في أحد المرات كنت قادم من بانكوك على طيران الامارات وكنت مشتري زرافة من خشب كبيرة الحجم وعندما وصلت المطار لم تصل الزرافة فراجعت المكتب المختص بالمفقودات وأعطيتهم كافة البيانات في اليوم التالي أرسلوا سيارة كابريس الى منزلي وبها الزرافة …. ربما كانت رحلتي على الدرجة الأولى لقيت هذا الاهتمام لاأعرف !!

4. المشكلة ياجماعات الخير هو التمادي في الخطا و الاستمرار عليه
   بخلاف الخسائر المادية الهدف من كتابتي للموضوع هو لأخذ الحذر
   ولمنع حدوث مثل هذه الاحداث

   ولكم جزيل الشكر
   اخوكم
   الذيب الأحمر

5. اخخخخخخ

   انا عندي تجربه تعيسه كمااان

   قررت سافر سوريا في اخر وقت

   و طبعا عارفين موسم اجازات و اعياد و للاسف ما لقيت الا عن طريق الاون لاين عندهم

   المهم مشيت كل الخطوات و دفعت

   طلع لي مسج بما معناه انه ما في

   مقاعد متوفره

   قلت يمكن صار عندي خطا او شي من الكمبيوتر

   المهم اتصلت للبنك قالوا المبلغ

   انحجز للعربيه

   اتصلت للعربيه

   قال والله عندنا ايرور في السيستم

   و المبلغ راح يرجع بعد العيد

   قلتلها ما دام عارفين وقفوا الاون لاين

   و من بعدها كل يوم بشيك و بيعطني ان الحجز متوفر

   تخيلوا كم واحد مثلي وقعوا في نفس الموقف

   و كم لموا العربيه من هالايرور

   قلتها يعني انتوا عطلتوني مو قادره استعمل المبلغ و لا عطيتوني تيكت

   قالت عندك رقم الشكاوي و اتصلي

   و لا حياه لمن تنادي

   والله من بعد طيران الامارات مااااااااا في

Comments are closed.