السلام عليكم ورحمة الله وبركاته
هذا الشي استوالي قبل حوالي 4 سنوات
كنت معزوم على عرس عمي وطبعا كالعادة لازم يسوون رزفه ودق طبل. عاد أنا من النوع الي يحب يوثق ودائما كانت الكاميرا بيدي وين ما أسير.
المهم. شفت اثنين من الرزيفه يسوون حركات غريبة جدامي ويحركون رؤوسهم شرق وغرب (جنه فلم هندي). المهم عجبتني السالفة وقمت أصور بالكاميرا وكانوا الشباب يغطون علي وما يخلوني أصور وانا المسكين أراكض من مكان لمكان حتى أصور وحليلي ما كنت أعرف أن الرزيفة ينعشون.
طبعا خلال فترة التصوير ما كنت منتبه للي يصير من حولي وسبحان الله في ثواني وألقى الريال الي فيه الزار يركض يبغي يضربني وياخذ الكاميرا مني ولكن الله سخر لي الشخص الي يوقف بينه وبيني وتم مسكين الريال قابض الزار وايقولي (سكر الكاميرا سكر الكاميرا وابصوت عالي). عاد لو شفتوا الي صار ما بتصدقون عينه حمره احمرار الدم جنك واقف جدام شيطان والعياذ بالله.
بالنسبه لي داروا علي مجموعة من الشباب وخذوني بعيد عن مكان العرس وحاولوا ياخذوا الكاميرا مني عشان يمسحون صور الزار ولكن أنا كنت معاند ولكن في النهاية بروحي مسحت الصور.
بس الصراحة الله لا يراويكم الموقف الي مريت به تعلمت منه درس في حياتي ما بنساه.
وسوالم
ههههههههه
هيه والله صدقك
أنا شفتهم بالعرس يدخنوا لهم لبان والأمور طيبة
تحياتي
ياخوي الزار عادي سير اي عرس وبتلقاهم يتناعشون بس
دخنهم بلبان والامور طيبه لا انعش عليك خخخخخخخخخخخخ
هيه والله صدق
والله يعين