السلام عليكم ورحمة الله وبركاته
حبيت احط قصتي مع بنك دبي الاسلامي يمكن حد يكون في نفس موقفي…
الله يسلمكم انا طلعت من بنك دبي الاسلامي الى بنك اخر في سنة 2004م واغلقت حسابي الجاري وخليت التوفير لانه ماكان عليه اي رسوم …. وطبيعي اي واحد يحول راتبه من اي بنك لازم الجاري يغلق…
لكن وبالصدفة تفاجئت انه حسابي الجاري عليه متراكمات بمبلغ 800 درهم …
ورحت ودفعتهن ..و اغلقت الحساب
المشكلة محد بلغني ان حسابي ما اغلق و مكينة الصراف ما تبين غير التوفير…
المهم اني بغيت احذر كل حد طلع من بنك دبي الاسلامي يتاكد لا يصير معاه الي صار لي
ودمتم سالمين
والله راك بنك احسن بنك
الحمد لله انا مرتاحه في ها البنك
بخصوص الحساب الجاري في بنك دبي الاسلامي ما ينغلق اوتوماتيكيا- حتى و لو ما حولت راتبك عليه-
يتم خصم 25 درهم شهريا لو قل رصيدك عن 5000 في الشهر على ما أعتقد
البنك المركزي يالس يسوي احصائية عن الحسابات الخامدة في البنوك يا انهم يزيدون الرسوم الي تتحصل منها يا انها تنغلق
يقولك صاحب الحساب الخامد يحصل نفس خدمات الحساب النشط و البنك ما ياخذ رسوم من صاحب الحساب الخامد و عنده بطاقة و كل شي
شكلهم بيسوون رسوم على الحسابات الخامدة و الله وأعلم
استوت لي هالحركة بس ماسرت دفعته كنت في بنك ابوظبي الوطني وطلعت منه بس كانوا ياخدوا 30 درهم اذا الحساب اقل من 5000 لين وصلت الف درهم ومادفعتها اتصلوا فيني عليك اونه الف قلتلهم وارباه 60 درهم قلت اخدوا الارباح ودفعوها للألف والباقي الله يعوضكم عليه لادفعته ولا شي اونه قالي بيتحول حسابك لتتحقيق قتله لمحكمه احسن ومنه ماتصلوا
نفس الشي صار معاي…
الوالد كان فاتح لي حساب قاصر
ويوم بلغت 18 سنه سار وسكر الحساب وحول حسابي لرقم يديد…
حتى اذكر الموظف احتشر قال بس شيلوا كلمة قاصر ليش فتحتوا لها حساب يديد…
المهم قبل فترة يمكن من سنة اجوف رساله بالبريد اتبين حسابي لين الحين مش مسكر !!!!!