( قصيدة ) : شرقيّ .. ولا تسئليني ليش متعصب!!

شرقي .. ولا تسئليني ليش متعصّـب=من يوم يومي وانا شرقي و بالفطـره
.=.

غيّـار حتـى مـن الكلمـه إذا قيلـت=واغار من فكـرةٍ واغـار مـن نظـره

.=.
واغار حتى من التشجيـع مـن واحـد=شجّع فتاتـي وانـا مـا آمنـه مكـره
.=.
وشلون والأخ يعلن : معجب ٍ معجـب=يازين زيني وانا الشاهد على خسـره!
.=.
الصدغ يلبـط ودمـي يغلـي و يهـدر=والعين تقرا و قلبـي يلعـن و يكـره
.=.
ما ارضى فتاتي تغازل واحـدٍ غيـري=لوهو خيـالٍ او انـه ترجمـة فكـره
.=.
قولي أناني .. ظلومٍ .. حاسد.. شرقي=قولي وهلـي دموعـك قطـرةٍ قطـره
.=.
ان كان للشعر عنـدك مـوردٍ ظامـي=اخذي من الشرب من قلبي الى السكره
.=.
وان كان للفكر عندك كلمـه و معنـى=فلّي حـروفٍ حشيمـه مالهـا كسـره
.=.
عن يطمع اللي مريض القلب من يقـرا=ويشوف في عرض غيره حلوه السهره!
.=.
خلّي يقولون عنك رجْـل هـب حرمـه=وش ضر وانتي معي حورية البصره؟!
.=.
ان كان يايز كلامي ؛ العرس من باكر!!=والا فلا تلطميـن الخـد فـي بكـره!
.=.
مـادام مايـاز قولـي … الله الحافـظ=خلّك مع المدح و التشجيع و الشهـره
.=.
والا أنا سمعتي و العـرض مصيونـه=لابو فكـر حرمـةٍ يرّثنـي الحسـره!!