واللي عطيـتَ اليـوم باكـر بتلقـاه
دنيـاك دوّاره وماضـيـك بيـعـود

لي ما يبر والدينه باجر عياله بيعاملونه بالمثل ….

يعطيك العافيه اخونا سوّاح على القصيده الرائعه ..

ربي يوفقك

8 thoughts on “( قصيدة ) : عقب الوَنس صار الصدى جملة وفود”

  1. عقـب الرعايـه واهتمـام ٍ وهبنـاه
    لجل الولد والبنـت ماصـار مـردود
    .
    .
    وعقب التعب في التربيه لـي بذلنـاه
    جازوه بالنكـران والفضـل ميْحـود
    .
    .
    قلنا التعـب يفـداه فسـل ٍ فسلنـاه
    بنشوف عقبه وارف الظـل ممـدود
    .
    .
    حـدٍّ هجرنـا يـوم غرّتْـه دنـيـاه
    باقبال واصبح يبخل ابْطرف منشـود
    .
    .
    مبهور بالوقـت الـذي فيـه مسعـاه
    مشغول بارقـام وحسابـات وعقـود
    .
    .
    و حدّ انتقدنا من بدت تبعـد اخْطـاه
    شاف النقِص فينا وفي نفسه الـزود
    .
    .
    رايه صحيح وشورنا الصـح مايـاه
    دربـه سـويّ ودربنـا كلـه انـدود
    .
    .
    و حدٍّ تبـرّا خايـفٍ تشمـت اعـداه
    صرنا ف عينه ماضـيٍ مالـه اردود
    .
    .
    أبوه وامـه صـاروا اسبـاب بلـواه
    نقطة سواد ف غترة المنصب العـود
    .
    .
    و حدٍّ عقب ذاك الزمن لـي قضينـاه
    نسقيه عمر ونطعـم اسنينـه اليـود
    .
    .
    بادر عقب ما اشتدّت اطـراف يمنـاه
    قام ورمانـا بعيـد والعالـم اشهـود
    .
    .
    صار السكـن دار المسنيـن ويـلاه
    عقب الونس صار الصدى جملة اوفود
    .
    .
    و حدٍّ حفظنـا فـي سويـدا عوينـاه
    حافظ عليه اللي به الظهـر مشـدود
    .
    .
    سدّاد دين ويطلـب ارضـاه مـولاه
    الخير فيـه وفـي نواصيـه معقـود
    .
    .
    يازرعنا اللي في الخصيبـه بذرنـاه
    بالرّوف ظلّلنا تـرى العمـر محـدود
    .
    .
    واللي عطيـتَ اليـوم باكـر بتلقـاه
    دنيـاك دوّاره وماضـيـك بيـعـود

  3. ماشاء الله ابداااااع في ابداااااااااع..

    يا سلام عليكم ..

    هالمواضيع الطيبه

    تسلم… وصـــــــــــــــ ح السانـــــــــــــــــــــــك..

    هذا الا من طيبك ياخوي

    ومثل ماقالوا الاوليين .. الطيب معايي بالطبيب

    الله يصح بدنك

    حضور أخوي جميل لاعدمناه

    تقبل أجمل تحية من أخيك

Comments are closed.