ها المره غير وموضوعي غير ويورسول (غير) 
موضوعي ها المره عن ( قل غير ذلك ) الا وهم خدمة استعلامات الدليل الالكترونيه اللي مسوينها
حسيت لو آدمي جدامي جان زنطته
اقولكم رد عليه الرد الالي مالهم الحين انا ابا اطلب ( مدرسة الرساله العلمية في الشارقه )
طبعاً اخترت اضني ( غير ذلك )
المهم قلت مدرسة الرسالة العلمية
رد قالي مدرسة الشرطة
قالي قل نعم او لا
اقوله لا
قال اختر الاماره
انزين اقولك لا
سكرت الخط ورديت سويت نفس الخطوات بس ها المره نعمت صوتي هههههههه 
قلت مدرسة الرساله العلمية
قالي مدرسة الشرطه
المهم تميت اتصل وعلى نفس الموال
لين ما حولني على موظف البداله
قلتله مدرسة الرساله العلمية في الشارقه
قالي عفواً مدرسة المرسال 
قلتله انا ناقصتنك
سكرت وكرهت المدرسة بكبرها
وبعدين فشيله اذا يالس عدال حد وتطلب الاستعلامات
احس اني جني رجل آآآآآآآآآآآآلي وانا ارمس عشان يفهموني 
ما احبهم مووول وما احب ها الخدمه 
وبس
عالعاده اذكر واقول: اللي ما تعيبه نوعية مواضيعي لا يغث الاعضاء بردوده 
ودمتم سالمين
السلام عليكم
وانا بعاني من نفس المشكلة
بدهم طولة بال
وصوت عالي
وانا صوتي جداً واطي واستحي لانه مكتب المدير عندي واخجل اعلي صوتي
اكره شي عندي اتصل بالاستعلامات يا ريت يغيروا الخدمة
قـل، غير ذلك.
موضوع في محله ومفيد وانا الصراحه عانيت مع الالي طلبت وكالة المسعود للسيارات والمسعود له عدة افرع في ابوظبي وانا كنت حاب فرع الخالديه
وطلبت البداله ورد علينا حبينا الالي اقوله وكالة المسعود الخالديه يرجع يعطني المسعود فرع ثاني
اطلب مره ثانيه اقوله وكالة المسعود للسيارات فرع الخالديه يسكت عني ويعلق الخط عني
اخر شي رحت لين الوكاله وخلصت اموري
لاعت جبدنا من خدمة الاستعلامات الالي
انا مره اتصلت بالخدمه هلي مالت الاتصالات
قلت للريال ابا مسلخ البلديه
قال لي تبا مسررح البلديه
هههههههه
شكرا يورسوول عالموضوع والي يدق عليهم يباله صبررررررررررر
waiting
waiting
waiting