و انا ادور بين هالقنوات شفت قنوات غريبة لفتت انتباهي باسم زواج و زفاف و غيرها و هالقنوات عبارة عن رسايل بمواصفات معينة من رجل او امراة و حاطين انهم وفقوا بين هالعدد من الناس
و الغريب ان الاغلبية العظمى يبون زواج مسيار!!!!
و الاغرب ان الاغلبية العظمى هم سعوديين او مقيمين في السعودية مع احترامي للشعب السعودي!!!
والاغرب ايضا مواصفاتهم ثرية جميلة و عندها بيت يعني عيني عينك زواج مصلحة
مع ان ظاهرة زواج المسيار منتشرة بكثرة في السعودية حسب ما سمعت
و لكن ان تظهر قنوات تشجع على ذلك فهذه هي طامة كبرى
و الطامة الاكبر اذا كانت قنوات سعودية !
ما ادري هل هي قنوات سعودية ولكن ما اعتقد علماء الدين في السعودية يرضون بهالشي
طبعا لا تنسون زواج السياحه هذه اخر صرعه طلع
لقد حاصرتنا نيران الشهوة وأخذت الشاشات تحرك غرائزنا
مشكورة على طرحج للموضوع اختي الفاضلة
نعم انا شفت القناة هههه يكون الطلب زواج شرعي او مسيار يعني هو يأكد ان زواج المسيار مب شرعي ويطلب غنية وصاحبة جسم رشيق وعندها بيت (مصخرة في مصخرة)
انا عن نفسي ما ارضى اي شخص بنت او ولد من الاهل يتزوجون مسيار
انا ما افتي بس من يرضى على بناته هاذي الطريقة
شوابنا ما كانوا يرضون الا بالحلال الواحد ياخذ اربعه والحينه هم مستغربين من زواج المسيار قبل ما سمعوا فيه
1 عرفي
2 مسيار
3 مصياف
4 ؟؟؟؟
ليش نحن وصلنا لهاي المرحلة المخزية ….تفكير فقط في الشهوات
اختي الكريمه Business woman انا مادري ليش انتي حاطه على موضوع زواج المسيار , يا اختي العزيزه زواج المسيار زواج بعقد شرعي ومسجل في المحكمه الشرعيه حاله حال الزواج التقليدي لكن الفرق انه زواج مشروط تتنازل فيه الزوجه عن بعض حقوقها مثل الانجاب او حق المبيت , يعني الريال مب لازم يبيت عندها, واذا الزوجه ما عندها ما نع تتنازل عن بعض حقوقها وين المشكله , وين الحرام والسعوديه اولا بالتحريم لو كان الموضوع حرام . الحين لو وحده عندها فلوس وبيت وتنازلت عن حقها في ان يوفر لها الزوج بيت ومب محتاجه انه يصرف عليا وما عندها مانع انه مايبيت عندها في البيت وهي قابله وين المشكله هذا هو المسيار الله يسلمج , ونا شخصيا ادور على زوجه ثانيه تكون مسيار واذا تعرفون حد لا تبخلون على يزاكم الله خير . عالخاص لاتنسوني , شرط تكون في بوظبي
هذا هو هدفهم الاساسي طبعا مثل ما قال الاخ اقتصادي اماراتي
واللي يبغي الخير للناس ما يشجعهم على زواج المسيار و يتحمل اثمهم و يربح من وراهم
والله اختي انا بصراحة التلفيزون ما ايي جنبه ولا اشوف شىء !!! من كثر انشغالي .. بس سمعت بالموضوع من احد الأخوان في الدوام !!
وبالفعل اذا الموضوع جي .. الله يستر وبصراحة مفروض علماء السعوديه بتدخلون وبأسرع وقت !!
الله يهدينا .. و يصلحنا ..