السلام عليكم
اخواني واخواتي انتو تتشكون من غلاء اسعار البترول
مافكرتو في اشياء ثانيه
الحمدلله شيوخنا مب مقصرين في شي معانا معطينكم كل شي وتشتكون؟
وتحدا اي واحد يروح اي دوله ثانيه ويقارنها ب الامارات
ولحمدلله ماحد ميت يوع
الله يخليلنا شيوخنا ولله لايحرمنا منهم
وشكرن
المشكله ارتفاع سعر البترول بيجر معها ارتفاع كل السلع الاخر(مواد غذائية بناء كهربائيات) بحجة النقل والشحن والموصلات …الخ
يعني ترقبب الزيادة في كل شي .
الحمد لله ع كل حال
لو بتكلم من اليوم لين اموت مابخلص من فظلها علينا
فدول الثانيه الامان مفقود ولاستقرار مفقود ولعيشه العدله الي نحن عايشينها ولحمد لله مفقوده
بس الناس ماتهون عليهم الدرهم يدفعونها ولله المستعان
يوم يسمعون بزياده قالو بنموت
الحمدلله اقل راتب مواطن 20 الف
وللاسف اكثر شبابن ماتفك من ينزل الراتب عقه في مصفح يدلع المدام قصدي السياره
ياجماعه اشيوخنا فاتحين ميالسم للمحتاين
يعني شو مايبون مواطن امراتي يكون محتاي
1:عرست ؟ بعد شهرين ولا ثلاثه طلعتلك ارض
2:قدمت اوراقها علا الجنه طلعلك قرض
3:عندك مشروع وماعندك راس مال سوو صندوق الشيخ خليفه لدعم مشاريع الشباب
4:انت من ذوي لحتياجات الخاصه؟ يمشيلك راتب شهري ونت قاعد في البيت
ياجماعه ولله لو تلفون الدنيا كلها ماتلقون مثل حكومتنا
الله ايخليها النا ويخلينا الها يارب العالمين
عليكم السلام
الحمدلله مليون مره على كل نعمه نحنا عايشين فيها
بس يا اخوي هب كل انسان عايش في هذي النعمه صحيح انهم عيال البلاد
بس الزمن حكم عليهم انهم مايملكون غير لقمة عيشهم
وهذي الزياده مابـتأثر فينا نحنا الشباب
هذي تأثر على الناس اللي معرسه وعندها عيال ويفكر يبني بيت
تخيل اذا اليوم تكلفة اقل بيت يتكون من 3 غرف نوم + صاله + مجلس + 3 حمامات وانت بكرامه + مطبخ
يكلفك اقل شي 500 الف صدقني بعد هذي الزياده من 500 بيوصل 800 الف هذا اذا ما كان اكثر
وغير ان كل شي بيرتفع واولهم المهر
الحمد الله على كل الحال …….. بس كل شي له حد اللي يقول نحن ماعندنا حقول نفط عسب الاسعار ترتفع بهالطريقه …. واصلا لو زادو اسعار البترول بتزيد معاه اسعار السلع اللي تستخدم البترول في منتجاتها واحتمال تزيد معاه اسعار السلع الاستهلاكيه والسلع الغذائيه ….. حبيبي انا اتكلم من واقع التجربه اللي عشنها في الزياده القبليه
ما اقول غير الله المستعان …….. وانا اطالب حكامنا وشيوخنا طول الله بعمارهم انهم يعيدون النظر في موضوع زيادة البترول …………… ترا والله ياشباب في ناس مب لاقيه تاكل ومتلعوزه وايد …………. الله المستعان