قولو الحمدلله رب العالمين

30 thoughts on “قولو الحمدلله رب العالمين”

1. الله يخلي حكومتنا وشيوخنا هم ابائنا واخوانا وكل شي ونحن في مركب واحد

   انشالله يعيدوا النظر بالقرار لانه فعلا راح ياثر علي الاقتصاد والسعودية بترولهم ارخص

   وبصراحة انا مصروفي الشهري بس بترول يعني كل شي ببلاش الحمد لله اكل وانام الا البترول ماروم عليه ههههه

2. وتم تحويل قبل شهر وحدة قياس البترول من الجالون الى اللتر لكي لا ينصدم المواطن و الغير مواطن فهي بكل الاحوال 15 فلس ما تاثر , بس لو كانت بالجالون بتكون 4 درهم تقريبا او اقل بتخلين الناس يراجعون حسابتهم كلها وبتصير بلبله فخلوها بالفلس احسن من الدرهم عشان محد يتكلم,دام اعيال البلاد مابيرمسون عيل الاجانب بيرمسون!!.
   للعلم ذكروا في الاخبار هذا الارتفاع بيكون تدريجي يعني العر بيرتفع عدت مرات خلال السنوات القادمة , والاسعار فووووق.

   الله يعينه , اتمنى يتدخلون اصحاب القرار
   الحمد لله على كل حال

3. انتوا تقولون 15 فلس يا جماعه هذا بترول
   تدرون بالسعوديه قبل فتره زادوا شركة بيبسي 50 فلس الناس احتجت و ماخلوا شي ورجعوا السعر مثل ما كان بريال فقط

4. الحمدلله رب العالمين على كل شي

   والله يطول اعمار شيوخنا والله يرحم ثرااااا ابونا زايد

   انا اقول الحمدلله ربي على كل شي لاني مرتاح الحمدلله التعليم بلاش الصحه بلاش رواتب اعلى رواتب في دول الخليج خلنا نقول الخليج بس ماي بلاش كهرباء بلاش وكل شي متوفر الواحد يوم يقول الزياده مب مدروسه ولا هذي لعبه والاجانب والخرابيط الثانية انا ابي اعرف هل تتوقعون انه شيوخنا مايعرفون هل تتوقعون انه الاجانب بعد يلعبون ع حكامنا اقول صحصحووو الظاهر انتوا ال تقولون انه الاجانب يلعبون عليكم انتوا مب كل شي يصير قلتوااا ولا مايصير والزياده الي قبل ووووووووووووو الحين يوم في زياده الحمدلله كل شي متوفر صار احتجاج وكلام ماله داعي عشان 15 فلس هل وصلنا لمرحله انه نسوي دعايه عشان 15 فلس خلينا كل شي مسوين حشره عشان زياده مالها فرق ف الي موجود وين الاشياء الثانية ………. فكرووووو فيها شوي فكرو في الي مب محصل 15 فلس عشان ياكل ولا يشرب ولا ينام وووووووووووو والله يهدي الي مب واثق في حكامنا وارجع واقول انه الي يصير حكامنا يعرفونه يعني الشعب يعرف والحاكم مايعرف مايصير وللمره الاخير وكل مره وكل ثانية تمر الحمدلله رب العالمين على دولتي وامانها وشيوخها وعيشتها وكل شي من خلقت لين الحين الحمدلله

5. ياجماعه اشيوخنا فاتحين ميالسم للمحتاين

   يعني شو مايبون مواطن امراتي يكون محتاي

   1:عرست ؟ بعد شهرين ولا ثلاثه طلعتلك ارض
   2:قدمت اوراقها علا الجنه طلعلك قرض
   3:عندك مشروع وماعندك راس مال سوو صندوق الشيخ خليفه لدعم مشاريع الشباب
   4:انت من ذوي لحتياجات الخاصه؟ يمشيلك راتب شهري ونت قاعد في البيت

   ياجماعه ولله لو تلفون الدنيا كلها ماتلقون مثل حكومتنا

   الله ايخليها النا ويخلينا الها يارب العالمين

   الحمدلله مليون مره مب بس الف مره وارفع راسي اني اماراتي و ولد البلاد وعندنا شيوخ ما مثلهم احد

   بس كلامك مش كله صحيح

   انا متزوج من سنتين ماشفت ارض
   انا متزوج من سنتين للحين اوراقي لاسكان زايد مادخلوا لاني من امارة عجمان ولازم تكون نقاطي فوق 46
   الوالده مقدمه من سنة 98 واحنا في 2010 واللجنه كل يوم طابه البيت عبالهم حاطين كنز

   انا اول مره اقول هالكلام لان كلامك مش منطقي

   انا قبل يومين مسوي طلب لبيوت عجمان 120 بين 60 الشيخ حميد بانيهم و 60 مؤسسة محمد بن راشد الله يطول باعمارهم ويكثر من حسناتهم تدري شو الشروط؟؟؟؟؟

   راتبك اقل من 15 الف لازم عدد الافراد 5 لازم تكون بإيجار

   انا راتبي 16 و عندي حرمه و ولد و ساكن بملحق غير مسلح تعرف شو يعني غير مسلح يعني ايام المطر ههههههههه خلني ساكت

   اداوم في بوظبي وكل يوم بوظبي عيمان ولا تقول الشباب في مصفح يمكن انت عايش بنعيم غيرك لا ولو بتتصل بي بزيدك من الشعر قصايد مش بيت

   انا اقول خلها على الله صدق موضوعك غصص بي و كتبت عالعام نبذه عن حياة مواطن (اللي هو انا وعوذ بالله من كلمة انا)

   انا احمد ربي انا وياي واحد راتبه 7 الاف وساكن بأم القيوين وكل يوم ضرب خطوط
   لاتقول اسكن في بوظبي اسأل عن الايجارات في بوظبي خذ الراتب وزيده عشان توفي الايجار

   وبالنهاية كلن على همه سرى

   والسموحه

Comments are closed.