كاديلاك CTS-V Coupe سبورت + فخامة + تميز

السلام عليكم …

تحب التميز و الفخامة و فنفس الوقت تبا سيارة سبورت و عمليه ؟

شو رايكم اخذكم في جولة في السيارة ؟

الصور شبيهه للسيارة (أنا خارج الدولة حاليا” و برجع خلال يومين بأذن الله )

المواصفات :

لون السيارة : أسود Black Raven

من الداخل : اسود و اصفر مثل ما هو مبين في الصور ,, كربون فيبر + شمواه
فيها ايبود و هارد دسك 40 قيقا و ساوند سيستم ممتاز
القايج الكتروني و تقدر تبدله ميل ولا كم

مواصفات المحرك :

8 سلندر 6.2 نفس مكينة الكورفيت مع سوبر شارج من الوكاله 556 حصان
القير تماتيك

السيارة ماشيه 15,000
الضمان 5 سنين بدون تحديد الكيلو يشمل المكينة و القير و السوبر و الفيول بمب بدون اي قطع استهلاكية مثل السفايف و الدرامات يعني سوق و انته مرتاح

السيارة عليها كورسا سبورت مفلر طلبية من الوكالة و بورقة من الوكاله و مركب فالوكالة تثبت انه هالقطعه معتمده من الوكاله للمرور في حال انك توقفت ما تتخالف بس اذا ضجيج هذا شي بينك و بينه

شوف الفيديو اذا تبا تسمع الصوت و بتلاحظ انه ماشي صوت سوبر يعني مش مثقل ريله على الريس : )

السيارة مطلعنها شهر 12 ,,

استعمالها :

طول ما انك مقايس على قايج السوبر ما بتصرف عليك بترول فالمدينه و فالخط صرفيتها ممتازة بعد .
وايد ثابتة الصراحه ,, و بريكها ممتاز .. ما توقعتها ثابته جذيه بس طبعا” يعتمد على خفة ريلك على الريس

و فيها suspension control تبا سبورت ولا عادي ,,

و كاميرا و حساسات خلفيه

السعر 270000

قابل للتفاوض بحدود المعقول بس

سعر السياره فالوكاله يديدة 300,000 الحين بس انا طالبنها من قبل ما تنزل بسعر اعلى

سبب البيع لداعي السفر __ ف وقفتها ما بتنفعني .. لكني متحسف على بيعتها : (

و اللي عنده اي استفسار عن السياره انا حاضر