السلام عليكم والرحمة وبركاتة…اليووم يايبة لكم سالفة عن كارفوررمن فترة يعني على 1/12/2008 >> التاريخ من ال Note اللي بتلفوني … كنت بكارفور اطالع الكاميرات الفيديو…وعيبتني كم وحده من نوع سوني و JVC…المهم طالعت الاسعار وكنت بشتري وحده..بعدين تذكرت اني بسافر..وقلت خلني اشوفها في السوق الحرة…يمكن تطلع عليه ارخص…فاخذت اسم الكاميرا ورقمها..وكتبت السعر بعدمرت الايااام..وامس دخلت كارفووور المارينا..وجان اشووووف عندهم Sale واول ما ما تدخلوون..بتشوفون الكاميرات في ويهكم..ف على طووول..طلعت تلفوني ودورت في ال Note عشان اقارن بين الاسعار..قبل وبعد التخفيض..وكانت الصدمة الكبيرة…ان الاسعار مثل ما هي ما تغيرت..السوني 3899 درهم..قلت يمكن شلقت وما اشوف صح..عطيت ارفيجتي التلفون وقلت لها جيكي..وقالت لي نفس السعر..فاللي ابي اسألة..وين الرقابة عنهم؟؟ وين الدائرة الاقتصادية عنهم؟؟كل يوم عندهم سالفة…يوم يحطون على الرف الاوسط منتج وله سعر..ونفس المنتج في الرف الاعلى له سعر ثاني..ويوم يغشووون بالاسعار…قمنا ما نوثق فيهم..اظني في بعض الاشياء زايدين سعرها لان مب كل شي نعرف سعره..وخليت في بالي فكرة اشتري قبل التخفيظ احسن لي..بيكون عندي ضمانات وسعره عادي مب مرتفع..واقدر ارد المنتج خلال اسبوع او اكثراتمنى وصلتكم الفكرةوالسموحة على الاطالة…بحرينية

9 thoughts on “كارفووور غشاشيييين”

  1. اصراحه انا بعد انصدمت منهم … كنت ماخذه اغراض للبيت انصدمت يوم قالي 1800

    قلت ماعليه يمكن متشريه وايد

    بس يوم شفت الفاتوره شفت انهم زايدين الاسعار على السلع

    وبعد سبوعين سرت جيان اللي في بن بطوطه

    بعد متشريه اغراض وانصدمت انه طلع اب 800 وشويه

    يعني الفرق شاسع بين كارفور واجيان

    وللعلم انه اجيان فرش اكثر من الكارفور

    وسلعهم رخيصه

  2. امسات كنت في الكارفور واحرجت الكاشير بعدم مصداقيته في حساب الاغراض

    صراحة يحسب لي على كيفه لما شيكت على الفاتورة وانا بعدني ما تحركت من الكونتر شفته خادعني

    وحاسب 10 دراهم زيادة

    مب على كيفه ليش نخليهم جذى يسوون فينا وانقول المبلغ قليل

    رجعت له الفاتورة وقلت له السالفة وقالي لي سوري ما عرفت

    وزقر السوبر وايسر وعدل لي في السعر

  3. انا اشوف اللولو هايبر ماركت اللي في الخالديه مول او الوحده مول اسعاره احسن من كارفور بلميوون مره و اشياء متنوعه اكثر عن كارفور

    اللي متعورد ع كارفور خل يغير ويجرب اللولو اكيد بيحس بالفرق

    اخوكم بوطحنون

  4. انزين يمكن السلعة اللي انتي شفتيها ماعليها تخفيض
    يعني التخفيض يشمل بعض الموديلات ..

    ولا انتي متاكدة أنه عليها تخفيض وسعرها بعد التخفيض نفس السعر اللي قبل ؟؟

  5. هالوااقع اللي يفرض نفسه والخداع والغش اصبح وسيله للتجاره..وبصراحه تعبنا من الكلام وما شي افعال..
    ومشكوره علي الخبر

Comments are closed.