السلام عليكم ورحمة الله وبركاته
بغيت اخبر المتضررين اللي
يبغون يتخبرون عن قضية نديم
قبلا ن راعي المحفظه
اي شي تبون تتخبرون عنه سيروا
المحكمه الطابق الثاني عند
محكمة الجنح
بتكون اخر شي على اليمين
وادخلو على القاضي حازم كمال
رئيس محكمة الجنح واسالوه عن
اللي تبونه
في اي وقت هب شرط بتاريخ
الجلسه لنه يراجعونه كل يوم
الوسطاء والمتضررين
والله يقدم اللي فيه الخير
اليوم سرت له و دخلت عليه
حصلته في اجتماع وطلعت لنه
كاظني الدوام تخبرت واحد كان
عندهم قالي المحاكمه اليايه بتكون
بتاريخ22/12/2008
وتخبرت واحد مصري شفته
يدخل ويطلع على القاضي قالي
بتاريخ21/12/2008
ويله شدوا حيلكم وراجعوه
وتخبروه لين يخلص المحاكمه لنه
يوم بيشوف الناس كلها بيهتم
بالموضوع اكثر
عسب ما ياجلها كل مره
وترد الفلوس الناس
والله يعوض على المستثمرين
اللي بيسيرله ياليت لو يكتب
الاخبار في هالموضوع عسب
يستفيدون الاخوان والاخوات
نبا المشاركه من الجميع والعلوم
كلها تنكتب هنيه مانبا بس الواحد
يدخل ويقرا الموضوع ويطلع والله
ياجماعة الخير الناس متوهقه
اللي متسلف من البنك واللي بايع
حلاله واللي مايتم له من الراتب
شي واللي مأجل العرس الله يعين
ويرحم
سبحان الله
انا احيدنه فى بداية الموضوع قالت الجرئد ان المبلغ المتحصل فى البنوك كان 250 مليون ( كاش) و الحينه يقولون 134 مليون بس!!!!!!!!!!
معقوووووووووووله؟ وين راحت الفلوس؟؟؟؟؟؟؟؟؟؟؟؟؟؟
من اخذها ؟؟؟؟؟؟؟؟؟
من لعب فى الموضوع ؟؟؟؟؟؟؟؟؟؟
بيع السيارات و الارقام و و جاب كمان اكثر من 11 مليون !!!!
و الحينه 134 مليون فقط لا غير !!!!!!!
شو رايكم؟
لو تبحثون فى المنتدى عن اول المواضيع عن القضيه و تشوفون المبالغ الاولى …… مستحيل تختفى مني و الدرب – شو صار؟
الله اعلم………………………
يصير عادي وفي ناس وايدين عندهم وكاله
اذا جي السالفة انا رايح ابيع سيارتي x5 واشتري رينو الفرنسية واتعلم لغتهم بعد….ويجمع شويه بيزات بعد هالنكسة الله يجازي اللي كان السبب ………………………………………….. …….
كيف 17% معقوله …خوفتنا انته الحين …انا ماادري كيف يحسبونه ناس مستلمة 20% وناس 21% وناس 30% وانته 17% شو السالفة؟؟؟؟
لا خوي ما تقدر ترجع الشيك لو شو ما تسوي لانه Manger Cheque يعني البنك يكون خصمه قبل ما يعطيك الشيك..
واحمدو قام يطلب Manger Cheque في اخر الشهور (الشيطان) يبي يجمع اكبر مبلغ علشان يشرد…انا سمعت انه في مبالغ تحولت لبرع الدولة وما قدروا يرجعوها…
الحسرة انه انا بعمري ما اصدق ولا يدش في راسي هالمحافظ بس انه ربيع اخوي يستلم شهريا 30%وصار له فترة وبعدين ربيعي الله يهديه ياب واحد مواطن من هالبروكر ويشرح لنا كيف انه هالارباح صج وانه هو ياب راس ماله وزيادة عليه وبياخذ عنا بس 5% عموله وتعرفون الواحد يطمع والشيطان شاطر وكل شيء غالي في الامارات البيت الواحد ما يقدر يبنيه إلا بطلعة روح مع انه الدوله مب قصره ومشروع زايد الله برحمه مايسد إلا اذا استلفت من البنك وتحط قده وزيادة.
الواحد وين بيلحق يسوي شيء.
واحنا المواطنين ما نعرف كيف نرتب امورنا …اول شيء لازم سيارة فخمة وبعدين الزواج اللي يكسر الظهر وعقب البيت اللي ما تقدر تبنيه وانته عليك ديون السيارة والزواج…
تعرفون انا قابلت ناس عمانيين بس هم غير الصراحة…اول شيء يفكرون في البيت وعقبه الزواج وبعدين اخر شيء السيارة وهاهي المنطق….
والسيارة المفروض ما تعدي سعرها 10% من دخلك السنوي تخيلوا (قريت في كتاب اجنبي اسمه السعاده).
يعني لو تحسبها على اكبر راتب ما يطلع له كورولا ههههههههههههههههههه
وسلامتكم