السلام عليكم ورحمة الله وبركاته
بغيت اخبر المتضررين اللي
يبغون يتخبرون عن قضية نديم
قبلا ن راعي المحفظه
اي شي تبون تتخبرون عنه سيروا
المحكمه الطابق الثاني عند
محكمة الجنح
بتكون اخر شي على اليمين
وادخلو على القاضي حازم كمال
رئيس محكمة الجنح واسالوه عن
اللي تبونه
في اي وقت هب شرط بتاريخ
الجلسه لنه يراجعونه كل يوم
الوسطاء والمتضررين
والله يقدم اللي فيه الخير
اليوم سرت له و دخلت عليه
حصلته في اجتماع وطلعت لنه
كاظني الدوام تخبرت واحد كان
عندهم قالي المحاكمه اليايه بتكون
بتاريخ22/12/2008
وتخبرت واحد مصري شفته
يدخل ويطلع على القاضي قالي
بتاريخ21/12/2008
ويله شدوا حيلكم وراجعوه
وتخبروه لين يخلص المحاكمه لنه
يوم بيشوف الناس كلها بيهتم
بالموضوع اكثر
عسب ما ياجلها كل مره
وترد الفلوس الناس
والله يعوض على المستثمرين
اللي بيسيرله ياليت لو يكتب
الاخبار في هالموضوع عسب
يستفيدون الاخوان والاخوات
نبا المشاركه من الجميع والعلوم
كلها تنكتب هنيه مانبا بس الواحد
يدخل ويقرا الموضوع ويطلع والله
ياجماعة الخير الناس متوهقه
اللي متسلف من البنك واللي بايع
حلاله واللي مايتم له من الراتب
شي واللي مأجل العرس الله يعين
ويرحم
يعتمد اذا حصلتوا قبل يقصون اللي استلمتوه واللي بيتم اضربيه فالنسبه بتعرفين كم بتحصلون
بس مافهمنا النسبه 30 ولا 21%
يعني احينه كم النسبه …كم بنحصل من ال100 الف
هههه لا تعليق
دبلتي فلوسج على حساب فلوس وذمم الاشخاص الآخرين ،،
الكل يعلم انه عبدالقادر قبلان لم تكن لديه مشاريع حسب ما كان يدّعي وانما يقوم بعملية تدوير راس المال ، ياخذ من فلوس غيرج ويعطيه لج ويسميه أرباح ،،
..اعرف اشخاصاً يتقون شر درهم ليس من حقهم ،، قامو بالتوجه الى مراكز الشرطة وتسليم “الارباح” اللي تلقوها فوق راس مالهم وذلك لتبرئة ذممهم ومساعدة الآخرين ،،
،،
اخوي الارباح اللي خذتها حرام في حرام و هاي بيزات ناس فقارى..قبلان اصلا ما شغل البيزات كان يشتغل فيها كتدوير اموال يعني ياخذ من هذا و يعطي هذا..يا اخوي اذا تهمك سالفة الحلال و الحرام فالبيزات اللي دبلتها لازم ترجعها للمحكمه و المحكمه ترجعها لاصحابها..والله يغنينا بحلاله عن حرامه يا رب