طبعا اكيد سمعتوا بالحملة الي اطلقتها اذاعة الشارجة واللي اساءت بشكل كبير لصورة المواطن بطريقة غير مباشرة
انا مع اظهار صوت المواطن واحتجاجه على غلاء الاسعار لكن مب بهالشكل
بصراحة قمة المهزلة وسمعوا هالقصة
امس كنت واقف في محطة البترول وبالصدفة بجانبي كانت سيارة فيها شباب من جنسية بدون ماحدد
ومالاحظوني لاني كنت حاط مخفي
المهم كان ظحكهم مختلط مع صوت الراديو ..
في البداية ظنيت انهم فاتحين على برنامج فكاهي او شي من هالقبيل
لكن يوم اركز اكتشفت انها اذاعة الشارجة وفي واحد متصل يتكلم عالهوا انا على طول فتحت عالاذاعة
كان برنامج البث المباشر لاذاعة الشارجة وواحد متصل وبصراحة كان كلامه فضيحة بمعنى الكلمة
الريال متصل يشتكي على ان معاش التقاعد مايكفيه هو وعياله ماذكر عددهم…. ليش ما يكفيه؟؟؟
عياله يبغون يلبسون كنادير ب 250-300
عياله ماعندهم بيزات عشان يعبون بترول ويظهرون ويا ربعهم ويستانسون الخ… واخر شي ترك اسمه
ولسان حاله يقول اذا حد بيتبرع او يتصدق علي اسمي كذا ………. يعني بالعربي طرارة عالهوا
ووحدة متصلة تقول ان بنتها ماكملت الجامعه بسبب ان ربيعاتها في الجامعة يلبسون احسن عنها وانها محتاجة
اكيد سمعتوها لان المقطع انعاد اكثر من مرة .. على قولة المثل اللي مايشتري يتفرج
وشي وايد اتصالات على نفس المنوال
معقولة يا جماعة نفظح اعمارنا قدام الي يسوى واللي ما يسوى وبانفسنا
مب كان مفروض عالاذاعة المحترمة انها تكون اكثر انتقائية في الاتصالات وماتترك المجال لمثل هالنوع من الاتصالات
واذا حد بيشتكي عن حاله او وضعه فيكون فعلا محتاج مب مثل الحالات المذكورة
بذمتكم شو الانطباع الي بياخذه الي يسمع هالبرنامج عن الشعب الاماراتي؟؟؟؟
اترك لكم التعليق عن الموضوع واتمنى توقف هالمهزلة
بقول لك شي اتخيل لو انت ولدك يا وقال لك بابا ترا ولد جيرانا يلبس احسن عني والدمع في عينه
شو بيكون رد فعلك حتى لو كان ولد هامور بتحس اب تانيب الضمير لانك ماوفرت لولدك مثل الناس
ولو مافيك ضمير طبعا عادي مابتحس
ع ين الع ــقل ياخوي
عني انا ماتابع الإذاعة و اخ ــتلف رايي عن طارح الموضوع
لني اشوف العيب انه الواحد يحط هالاشياء الثانوية نصب ع ــيونه لدرجة انه يشتكي في اذاعة !!!
لكن لو عالبيت أو الوظايف و سوالف الواسطات من ح ــقهم !!
وهني يبين مدى اهتمام الناس فهالزمــن بالمظاهر لدرجة عجز بنية عن اكمال دراستها !!
وارد أقـول الع ــيب مب فالشكوى العيب فالشي الي نشتكي ع ــنه !!!!!!!!
وتوتة توتة خلصت الح ــتوتة
حلوة و لا فتفوتة !
مب كل الناس تعرف تعبر او تعرف تفضفض
في ناس على قد حالهم . ويشوفون الشي الي ناقصهم ويفضفضون فيه
المشكله مب ان كل واحد يمد ريوله على قد فراشه هاي مقدور عليها
المشكله انهم مايتمتعون بهاي المميزات المفروض انهم يتمتعون فيها حالهم من حال هالناس الي متمتعين
ويحسون بنقص وحق من حقوقهم
واقل مثال هو البيت .
الي ينصرف حق ناس من الاساس مش معرسين وماعندهم عيال منو المسوول ؟!!
واقل مثال الوظيفه
مابى اتكلم عن الواسطات في كل الدوائر الحكوميه الي عنده واسطه بيتوظف وهو يالس فالبيت وحاط ريل على ريل وياكل فستق بعد . واذا ماعندك واسطه بتنزرع بالبيت وبتطلعلك نخله صغيره براسك وانته تصبر وتتريا ..
ترى الع ــيب مب في انه الواح ــد يفضفض و يقول انه مح ــتاج
الع ــيب ان حاجته نابعة عن عجزه ان يلبس كندورة باقل من 350 أو غيره
او إنه الوحدة تشتكي انه لبسها أقل عن ربيعاتها !!
ليش قطعهم من ذهب يعني و لا لازم هي بعد تلبس ماركات !!
كل واحد يمد ريوله على قد فراشــه
ويحمدون ربهم ، و لو بيشتكون و بتستوي طرارة عالهوا
عالأقل يشكون عن مصاريف تع ــليم أو مصاريف الأكل
اشياء عالأقل تستح ــق الإشــاادة
مب هالأشياء الثانويـــة !!!
أنا بصراحه مو مؤيد كلامك لانك انت يمكن الله مسهل عليك وعندك فلوس ولكن ماتعرف شو ظروف الناس اللى رواتبهم قليله وعندهم عيال والمفروض انك تطلب مساعدتهم مو تحط عليهم ياخوي والله انه في ناس ماعندها تاكل ولا تلبس والله يعينهم0 واللى تقول عنهم يسمعون البرنامج ويضحكون هم عيال التجار اللى يو من خارج البلاد وخذوا اليابس والخضر وتنعموا0 ولو تشوفهم قبل ببلادهم 5 عوايل بشقه وهني بطرانيين علينا 0 اللهم فك كربة كل مسلم يارب العالمين