طبعا اكيد سمعتوا بالحملة الي اطلقتها اذاعة الشارجة واللي اساءت بشكل كبير لصورة المواطن بطريقة غير مباشرة
انا مع اظهار صوت المواطن واحتجاجه على غلاء الاسعار لكن مب بهالشكل
بصراحة قمة المهزلة وسمعوا هالقصة
امس كنت واقف في محطة البترول وبالصدفة بجانبي كانت سيارة فيها شباب من جنسية بدون ماحدد
ومالاحظوني لاني كنت حاط مخفي
المهم كان ظحكهم مختلط مع صوت الراديو ..
في البداية ظنيت انهم فاتحين على برنامج فكاهي او شي من هالقبيل
لكن يوم اركز اكتشفت انها اذاعة الشارجة وفي واحد متصل يتكلم عالهوا انا على طول فتحت عالاذاعة
كان برنامج البث المباشر لاذاعة الشارجة وواحد متصل وبصراحة كان كلامه فضيحة بمعنى الكلمة
الريال متصل يشتكي على ان معاش التقاعد مايكفيه هو وعياله ماذكر عددهم…. ليش ما يكفيه؟؟؟
عياله يبغون يلبسون كنادير ب 250-300
عياله ماعندهم بيزات عشان يعبون بترول ويظهرون ويا ربعهم ويستانسون الخ… واخر شي ترك اسمه
ولسان حاله يقول اذا حد بيتبرع او يتصدق علي اسمي كذا ………. يعني بالعربي طرارة عالهوا
ووحدة متصلة تقول ان بنتها ماكملت الجامعه بسبب ان ربيعاتها في الجامعة يلبسون احسن عنها وانها محتاجة
اكيد سمعتوها لان المقطع انعاد اكثر من مرة .. على قولة المثل اللي مايشتري يتفرج
وشي وايد اتصالات على نفس المنوال
معقولة يا جماعة نفظح اعمارنا قدام الي يسوى واللي ما يسوى وبانفسنا
مب كان مفروض عالاذاعة المحترمة انها تكون اكثر انتقائية في الاتصالات وماتترك المجال لمثل هالنوع من الاتصالات
واذا حد بيشتكي عن حاله او وضعه فيكون فعلا محتاج مب مثل الحالات المذكورة
بذمتكم شو الانطباع الي بياخذه الي يسمع هالبرنامج عن الشعب الاماراتي؟؟؟؟
اترك لكم التعليق عن الموضوع واتمنى توقف هالمهزلة
اخويه اح ــساس الشارجه
سمع ــتها و عورتلي قلبي
وماعمر المأكل اندرج تحت الأشياء الثانوية ياخوي !
خصوصاً انها تقول اذا تغدوا مايتعشون و إذا تعشوا مايتغدون !!
وتعطي بنتها درهم و هذا مايوفي حق سندويجة و عصير !!!!
والاشياء الثانوية أقرب للمظاهر من الحاجه
وهذا ماينطبق عليها خصوصاً انها مطلقة و وضعها مايساعد
عموماً مشكور اخويه لنك نورتني لحالتها الي كنت اجهلها تماماً
والله يوفقها و ييسر أمورها ,,
يبقى السؤال للي يعارض ، فظنكم هذا عيب ؟
ماظنتي ، بالع ــكس و بعدين ماعتقد أحد يقدر يغطي الشمس بـ إصبع !!!!!
فما ظنتي من حق اي حد ينزعج من هالشكاوي لو انطرحت عالهوا ..
ربي يحفظكم
اي فضايح يا اخوي ها حرية الراي
لازم المسؤولين يعرفون باحوال المواطنين واوضاعهم
صدق الحياة غالية والمتقاعدين مايقدرون يتعايشون مع هالظروف
اللي يضحكون خلهم يضحكون في دارهم مب عندنا بعد مانترسوا فلوس من ارضنا وخيرنا يضاحكون
على المواطنين مافيهم خير هذيلا ناس حقد عندهم
واللي اتصلوا عالراديو انا سمعتهم معاشاتهم على قدهم البيت محتاج ترميم والعيال يبون لبس واكل
والواحد يقطع من لحمه عشان عياله وانت تحتقرهم مع احترامي لك انت عندك فلوس لكن غيرك الدين هاد
حيله شو بيسوي واللي عنده واسطه عايش في نعيم واللي ماعنده الله ترا فوق …. نصيحه حط
نفسك بدالهم واهلك واعيالك يبون لبس وبيت يديد وانت ماعندك غير الشؤون شو بتسوي وتحياتي
بدون تعليق
http://ppc.fm/F@s1/Sound_7_am_ahmd.rm
هاي ام احمد الي كانت تتكلم بالاذاعه وتكلمت عن الاشياء الثانويه
ادعيلها ياختي ان الله يفرج عليها ويرزقها كل خير