اخواتي اخواني
طيّب الله اوقاتكم
اشكركم كثيرا على تفاعلكم مع موضوع اللقاء الصحافي
وسيتكرم مراقبنا العام بــــ الاجابة على الاسئلة هنا..
وبناءا على طلبه، ولكي يظل التركيز على الاجابات فقط.. سأغلق هذا الموضوع لـ 3 ايام ،
ثم سيفتحه لكم كبيرنا لــ تشاركوا فيه وتعلقوا على الاجابات
ويمكنكم الدخول الى هنا مباشرة بــــ الطبع ، او عن طريق الرابط الذي سأضعه في موضوع الاسئلة
تحياتي لكم جميعا
ولـــ نقرأ الاجابات
اتفضل سعادة المراقب العام
الكاتب : عين بوظبي
أذا في مجال عندي سؤال لـ كبير المستثمرين
وعليكم السلام ورحمة الله وبركاته
الكاتب : عين بوظبي
ماهي حالة عملك : قيد العمل , لا تعمل , متقاعد ؟
هلا الغالي
عملي خاص .. مدير على نفسي
وهو مرتبط نوعا ما بالانترنت
الكاتب : عين بوظبي
بصراحه هالسؤال داير في مخي من زمان بس دام الأخت فاء ماقصرت وفتحت الموضوع
فأسال ما شأت خخخخخخخخخخخخ
تبووون تعرفون ليش سألت هالسؤال ولا مايحتاااج ؟ اللي يبا يعرف يدقق عدل
ههههههههه
ما يحتاي عارفين
تطمن انا مب متقاعد ولو كنت اشتغل في دائره حكوميه بعدني ما وصلت سن التقاعد يالشيبه
الكاتب : s3ed
وعليكم السلام ورحمة الله وبركاته
بسم الله الرحمن الرحيم
الحمدلله والصلاة والسلام على رسول الله وعلى آله وصحبه أجمعين
كيف حالك إن شاء الله دائما بخير ؟
ألف مبروك .. لقد سعدت بهذا الخبر
موفق بإذن الله … لك مني أجمل تحية .
شـكــ وبارك الله فيك ـــرا لك … لك مني أجمل تحية .
الكاتب : s3ed
يوم اشوف الظبي ويوم اشم المسك
الكاتب : الوحداوي107
ومشكوووورة اختي
فاء ع الموضووووع الانتقااااميسؤال للوحش كبيرووووو
تاريخ عيد ميلادك؟؟؟
ما اقدر اقوله خوفا على البريد الالكتروني .. تاريخ الميلاد يكفي لسرقته
ولكني ما راح اخذلك واقولك السنه
1982
+ دسكاون 10 سنوات
وجم موبايل عندك
7 استعمل منهم حاليا 2 فقط
وشو انواعهن؟؟؟؟
كلهن نوكيا
وهل انت من الناس الي تحب التميز كرقم موبايلك ولا سيارتك؟؟؟
لا .. ابدا
ما احب اكون مميز او ما احب ان اوهم الناس ان عندي اكثر من ما املك فعليا
انا انسان عادي جدا متوسط حالي حال الباقين
ماهي نوع سياراتك ولونها والرقم الي عليها ؟؟؟
قلت سيارات يعني تعرف قبل لا تسال
نيسان باترول .. بيك اب ابيض
جمس يوكن .. رمادي .. يغسل تاهو راعي التاهوو
رنج سبورت سوبر .. ابيض >> عفته ما اباه بيبيعه اذا تباه راسلني على الخاص
الارقام احمر بوظبي الفئه الاولى .. بسك عاد ما بقولك شو الارقام
ولي عووودة عما قريب
لالالالا
شو يرردك ؟؟
استريح وبتيك الدله .. بسك اسئله
الكاتب : ام اليازي
يعني الحين الكل سال اكثر من سؤال وانا يا حليلي بس سؤال واحد لا ما يستوي خلاص بعد عندى جم سؤال .. شريرة كيفي
وأسالتي هي وطبعا عن عمري بحاول ابتعد عن لاسئلة التقليدية
هههههههه
اسئلي يا شريره
1-خيطت كنادير العيد وكم وحدة ؟ وشو لونهن عشان اعرفك لو شفتك في العيد ههههه
هيه خيطت ..
4 بس
لني قبل شهر مخيط وبعدني ما لبستهن كلهن
2-اشتريت نعلان العيد ولا بعد وانتم بكرامة وبعد جم وحدة وشو لونهن هههههه
اقولج شو هالاسئله ؟؟
اذا ناويه تطرشين لي قطع و نعول بطرش لج العنوان ..
بعدني ما خذت زين يوم ذكرتيني >> وانا متعود دائما اخذ ثنتين وحده سودا والثانيه بيج
3-اشترية عطور وشو اساميهن ومن اي ماركة ؟ واذا لا ما شتريت ليش ؟
انفلونزا رحال h2 لاعبه فيج دور
اشتريت جذا يكتبونها فضحتينا يا ام اليازي
لا ما اشتريت
واذا لا ما شتريت ليش ؟
تبين الصدق اشتريت
لكن ما فيني اتم اكتب الاسامي
4-فصالة عقال يديد ولا بتستخدم الجديم والسبب الازمة المالية مثلا .. احم احم قصدى العالمية
فصلت >> جذا يكتبونا مب فصالة الله يهديج
اشوف عدوى .. انفلونزا رحال h2 .. قامت تنتشر في المنتدى
الحين يت على العقال يعني ؟؟
تراه الا بـ 200 رووبيه
هيه خذت
5-أنته من النوع اللي يحب ايام العيد يأجر سيارة من النوع الفخم وااايد وبالقو وفيها رقم مممممممميز طرررر
عشان الخجة ايام العيد ولا هاي السوالف ما تهمك ؟؟ بعض النظر عن سيارتك
حتا لو هي حلوة وفنانة بس من باب التغير .. يعني سياسة يديد في يديد
كيف بغض النظر عن سيارتي حتى لو حلوه وفنانه ؟؟
اذا انا سيارتي حلوه وفنانه من الغباء أأجر سياره فخمه
ولو حتى ما عندي سياره فخمه مستحيل ااجر سياره فخمه .. فخموج على راسج بمطرقه على هالاسئله
وبعدين .. انا مب مال حواطه مثل الفريخات
و يوم العيد اعيد في البر يعني مالها داعي من الاساس
وبشكل عام الارقام ما تهمني نهائيا
الحين هاي اللي على بالي واذا تذكرت شي برد خخخخخخخخ
اذا الاسئله عن نعول وسيارات و وزره وفنايل .. دخيلج ماله داعي تردين
هذا البرنامج بــــ رعاية حليب نيدو
واللي مايعرف
… يقرا تاريخ
كبير المستثمرين مع قواطي النيدو