السلام عليكم
موضوع من زمان ابا اطرحه عليكم و لأهل الاختصاص و المعرفة طبعاً و انا من جهتي حاولت أوصل للحل مع الأطراف المسؤولة و لدرجة أني اتصلت بـوزارة الداخلية للاجابة على استفساري و كان الجواب ….؟
القصة و ما فيها:
العام الماضي و في نفس الشهر قمنا بتجديد جواز أحد أفراد الأسرة
و تم التجديد بكل سلالة و سهولة و لله الحمد و المنّة، كما عوّدتنا جهاتنا الحكومية بارك الله فيهم
و لكن
تفاجأت أن اسم القبيلة مكتوب غلط بالانجليزي، يعني بغير الأحرف التي تعودنا أن نكتب بها، و يختلف اختلاف تام عن الاسبلينغ مال الهويّة ….. !!!!
إلا قلت يمكن “”” غلط مطبعي “””
رجعنا لهم الجواز للتصحيح .. لكن قالوا هذا يطلع أوتوماتيكي من السيستم و لا نقدر نغيره
دخلنا ع الضابط نكلمه و لكن قال نفس الكلام و قال هذا قرار من وزارة الداخلية تم تطبيقه من سنتين فقط و يجري على عامة الناس
طيّييييّب شو اسوي انا الحين؟ الاسم الحالي غير مطابق للاسم في بطاقة الهوية أو التأمين الصحي أو حتى دفتر الشيكات !!!!!!!!!!!!!!!
كيف بسافر للخارج مع الاسبلينغ الجديد و كيف بتعامل بهذا التناقض !!!
الحين افيدوني كيف ينكتب اسم قبيلة الكتبي بالانجليزي بالله عليكم؟
Al Ketbi or Al Ktebi???
تغيرت قبيلتنا من الكتبي الى الكتيبي اهئ اهئ اهئ
بعد الاستفسار قالوا لي لي ان المكتوب في السيستم ما طالع الا بعد التدقيق القانوني و المترجم القانوني
بس هذا يناقض المنطق
ارجووووووووووووووووكم ساعدوني و آزروني أو اقنعوني
بيزعلون عيل الكتبي و الجتبي
اذا هذا هو النظام اليديد, عيل وايد بيكنسلونهم من امريكا. هذيل ما يتفاهمون. حرف واحد تغير فاسمك, انت مسوي شي. ما شي فيزه لا دراسه ولا زياره.
كم واحد اتكنسلوا بسبب تغيير احرف من جوازاتهم.
الله يعين.
عموه
تعشي ويشى امايه
انا لو اقول لج بانهـ قبيلتي مكتوبهـ بـالعربي بـثلاث صيغ مختلفهـ ..!!
هذي الاخطاء صار ايام قبل وحسب الانسان الي ينطقهـآ يسجلونهـآ .. واستمر الحال على ماهو عليهـ المفروض يفتحون الباب للتعديل لآنهـ الناس الحين تقول لك مافينا نسير ونقول لهم عدلوا يطلعون لكـ الف سبب وسبب وليش وهل وراكـ شي وتريد تتهربـ منهـ او مطالبينكـ نـآس .. تعرفــ الاجرآءات الامنيهـ صعبهـ ..مع انه من حقهم وهذي فعلا في صالح المجتمع ..
.
بس يقدرون يستفسرون من شيوخ كل قبيلهـ او معرفهـآ بالطريقهـ الصحيحهـ لكتابتهـآ ..
.
.
ماعليهـ آختي اخذي كتابـ منهمـ للجهـآت المعنيهـ يوضح التعديل .. وبانهـ الاسم تغير ..
وطبعا رقم الجوآز الموحد يثبت الموضوع وبانهـآ يعود لنفس الشخص …” الله يكون بعونج والمرآجعـآت للتعديل ”
لا سيستم ولا خرابيط بس عيازه يصدرونه من اول ويديد
وجددولي جريب وحطولي عادي alketbi
وهذا شي مب يديد على الجوازات خربطه عندهم لين قمت راسك