كدنا ان نغرق

لحد الحين ما ما ادري ليش دخل الماي في غرفة ( الخن ) !!! صح كان في موي شوي 5/4 مع ان االارصاد الجوية الله يسامحهم مخبرينا بان البحر خفيف /معتدل.. بس الحمدلله في اخر لحظة قدرنا نسيطر على الوضع .. طبعا شغلنا المضخة .. وعكسنا الطراد نحو الميناء مع الموج .

نصيحة لا تعتمد على خفر السواحل واحتفظ دائما بادواتك الخاصة بالانقاذ .. ما اريد اخوض في تفاصيل خفر السواحل لانه فعلا كان شي مؤسف جدا ..

المهم الحين ممكن اعرف منكم شو الاحتمالات الواردة لدخول الماي وشو الحل ؟؟؟

الطراد طوله 31 وعرضه 9 صناعة دبي مارين موديل 2005 والمكاين اللي عليه ثنيتن ياماها 140 ..ما خطر على بالي بانه ممكن يوم من الايام يغرق .. (الحمدلله على كل حال )

اكيد الطراد ما كان يسرب ماي .. لانا موقفينه في البحر من شهرين