السلام عليكم
كنت ألف في سوبرماركت العين مول (وهو تابع لجمعية أبوظبي التعاونية) المهم وقفت أشيك على حليب بو قوس وهو من المواد الاساسية عند الكثير مثلي وحصلت السعر 168 درهم (مصور السعر بالتيلفون)مع أني شارية بعد رمضان من كارفور 142درهم وقبل رمضان أذكر ب 134 درهم
مهزله ليس لها أخر ووزارة لاقتصاد وجمعية حماية المستهلك والمعنيين من البلديات وغيرهم نايمين في العسل سبحان الله كأنهم متفقين مع التجار يركزون على سلع مثل البيض والحليب ويتجاهلون أو يتعمدون تجاهل السلع الاخرى لكي ترتفع الاسعار ونحن عامة الشعب نقول حليلهم ما خلوهم يرفعون الحليب وهم من خلفنا يرفعون أسعار عشرات السلع
على الجميع مقاطعة حليب بوقوس لو 3 شهور بس
اذكر مره لفيت مطلعم هندي وطلبت 2 براته مع جبن بس وطلبت واحد شاهي المهم بالعاده 2ونص الحين يوم اطلب بنفس الطلبية يقولي 5 دراهم وانازعه واحتشر عليه واقوله في اتفه الاشياء بترفعون كل شي والله لعبت عليهم اطلب ويوم ايني اقوله 2ونص ويوم يقول 5 اقوله ماريد اخليه طايح بجبده وغصبن عنه يوافق الهنود لاعبين علينا ورافعين روسهم لا ويقولون تريد خذ ماتريد روح لاكن لو واحد ينصفع كف بيرد مثل اول مادخل الدوله يسوي عمره مسكين وعندهم عاده اتمسكن لين ماتتمكن ومهما رفع راسه طراق ويرد بفش ويرد مثل اول
نقاطع وزارة الاقتصاد احسن من ما نقاطع الحليب
انا اشوف انة المستهلكين اصبحوا يقدرون يتحكمون فى أسعار كثير من السلع ويفرضون رأيهم..
هذة بادرة خير ولا يمكن أحد يفرض رأية على المستهلك…!
يعني بكيفي ما أكل بيض 3 شهور وربع.!
وبكيفي ما اشرب بو قوس سنتين او 10 سنوات !
وبكيفي أكل خبز رقاق وفوقة سمن وعسل ولبن!!
سرت جمعية العين التعاونيه وكنت باخذ نيدو رقم 1 كان 36 واستوا 42.75 درهم ولقيت عداله نفس المواصفات الحليب وسعره 36 درهم وكان الفلبيني عدالي قال النيدو المعروض هذا اول كرتون وما تحرك من مكانه والحليب اللي انا خذته قال هذا من عاشر كرتون
اصلن حنا ناجصين ابو قوس يرفع السعر والله حاله