أذكر يا جماعة الخير في الأيام الماضية قبل شهرين أو ثلاثة تقريباً يوم شفنا إعمار في أجواء 15 بدت الصيحات من كل جانب بان السوق مقبل على إنهيار !! ويوم نزل عن 15 ووصل إلى 14.25 صاحت التليفزيونات والجرائد والناس بان سوق دبي المالي إنهار !!؟؟
وين الصيحات الحينه أشوف محد قال (إنهيار) مثل ما إنقال قبل مع إنه الناس هم الناس والأسعار هي الأسعار والسيناريو هو السيناريو بس اللي إختلف الزمن !!!؟؟ وله خلاص سووا غسيل مخ وعودنا إنشوف إعمار وغيره في هاي المستويات … وله مخلين الصيحات يوم إنشوف إعمار وغيره يكسرون اللو السنوي..
أنا ما أباكم إتصيحون وإتقولون اللي قلتوه من قبل؟؟؟ بس حبيت أذكركم باللي صار والواحد ياخذ عبرة وما يلدغ من الجحر مرتين …
أخوكم بوعلي
السلام عليكم ورحمة الله وبركاته…………….
اخواني الكرام………بذكركم انّا مقبلين على الصيف والشهر القادم الناس بتبيع و بتودع السوق الى بعد العودة من الاجازة واعتقد شهر 8 فكل واحد منا يشوف حاله قبل مايحصل عمره معلق بعد 5 شهور يايه لين ترتفع الاسهم مرة ثانية فأنا قررت ابيع نص الكمية واخلي كاش لين اشوف اللمت دوان مرة ثانية وكل عام وانتم بخير لا يسبقونكم الهوامير في الشردة.
للتذكير وليس الارجاف.
ونعم بالله العلي القدير قاسم الأرزاق وراحم العباد … مشكورين على الردود وإن شاء الله ما بنشوف اللي شفناه وإذا كان مقدر إننا إنشوف شي ما يعجبنا ما بنقول غير ((لاحول ولا قوة إلا بالله العلي القدير، وسيعلم الذين ظلموا أي منقلب ينقلبون)) …
أخوكم بوعلي