السلام عليكم و الرحمه ..
اهداء لاخوي بو جاسم..
كيف تفحص السياره يوم بتشتريها ..
غير عن الفحص الاليكتروني لازم اتشيك على الاشياء التاليه بنفسك
1- وقفه السياره اتشوفها واقفه سيده مش هاه والله انهاز
2- افتح البونيت و خل حد يدعس ريس و اسمع صوت المكينه اذا سمعت صوت نقعات يعني يمكن في شي بسيط.
3- اقعد داخل و شوف حالت السياره من الداخل .. السقف.. المكيف.. الجلد.. اي شي مقشر.. الاليكترونيات.. حركه الكراسي حركه السكان إلخخ
4- جرب السياره في خط اللي تقدر توصل فيه لين سرعه 140 او 120 زين بعد يعني عشان تشوف تبديل القير سلس ولا فيه نتعه و صوت المكينه بعد
5- جيك على السياره انها مش غرقانه اذا كانت وارد يعني لو تشوف براغي اللي تحت السيت مصديه او الولاعه او يمكن البراغي مش كلها نفس الشكل معناته ان الريال مبدلهم.
6- انزل شوف الرنقات اصليات و لا لا .. الاصليات بتشوف عليهن حرف بارز مثل حرف الام m و منقوش على برع مثل الحروف اللي على بطاقه البنك..
7- افتح الربل مال البيبان و شوف اذا في قص و لا صبغه طايره اذا في اثار لحام او تصليح.
8- تعال عند كرسي المعاون ( اللي جنب السايق ) و شوف الحزام كم السنه المسجله عليه و روح جيك على البليته شوفهم نفس الشي ..
هذا بعض الاشياء اللي تقدر تفحصبها السياره و السموحه
و يا ريت اللي عنده خبره يدش و يخبرنا بعد لأني بالرغم من كل ها اكيد حد ايعرف عن الفحص اكثر
يزاكم الله خير ,, ياليت لو الموضوع يتثبت .. موضوع يفيد الشباب وايد
– مرات الRPM يلعب بروحه . . يرتفع وايد ومرات ما ينزل ,, بشكل عام الجو في الامارات دايما مغبر والThrottle يخيس ويسبب اضطراب في الRPM يستحسن طلب تنظيفه من المالك قبل شراء السيارة ,, او قد يكون من اسلاك الكهرباء الموصلة في المكينة,, ومرات عدة يكون بسبب غرق السياره (صدأ الاسلاك)
– فحص خرطوم الراديتور (والمكينة بارده),, و لو كان فيها تصلب يعني يبالها تغيير ,, لازم يكون مرن وغير جاف ,, يوجد واحد فوق وواحد تحت..
– فحص تاريخ الاطارات وخاصه في السيارات الي رنجاتها كبيره لانه الاطارات القديمه تنزل من قيمة السياره بسبب اسعارها الغالية
– روئة اطراف المكينة لوجود ماده السيليكون,, لو اثار السيليكون موجود يعني المكينة مبطله للتصليح قبل .
في اشياء كثيره .. وما اظني الاشياء الي انا قلتها حد يواجهها .. بس حبيت اذكرها من باب التذكير
ودمتم سالمين
والي ما يعرف بفحص بروحه …. يودي السياره فحص ايبكو الشامل بو 250 درهم …
فحصهم ممتاز ….
اسمحولي اضيف شي جديد
السيارات بي ام دبليو موديلات من بعد 2007
اغلبها يكون الكاوتش run flat tire وهذه الخاصية تعني ان السيارة
اذا حصل بالكاوتش اي مشكلة سواء قطع او ثقب تقدر تمشي علي الكاوتشوك
مسافة 250 كيلو وهوه مقطوع
والسيارة اللي تكون بها ها الخاصية ما يكون فيها مكان كاوتش احتياطي
فلو اشتريت السيارة لازم تتأكد ان الكاوتش run flat لان سعر الاربعة تقريبا 7 الاف درهم
ولو لا قدر الله حصل معاك اي مشكلة بالكاوتش الجديد طبعا مش هيكون عندك كاوتش احتياطي عشان تبدله
لان السيارة ما فيها اصلا مكان تضع فيه كاوتش احتياطي
وكمان فيه شغله مهمة في البي ام دبليو
لازم تفحصها في التوكيل
حتي لو موديل السنة وحتي لو ماشية 3000 كيلو فقط
لازم تفحصها بالوكالة لان اغلب عيوب البي ام ما تبين بالفحص العادي
لان السيارة ما شاء الله قوية وناعمة ويكون فيها عيوب ولكن مو باينة ولا واضحة
وتمشي بالسيارة تلاقيها ناعمة وهادية وما فيها اي صوت
ويكون بيها عيوب في الاتزان والعفشة وحتي الكاوتش
وبالتوفيق للجميع ان شاء الله