كنت من يومين في جمعية ( لا تعاونية ) أتشرا
ومريت عدال موظف الهلال الأحمر
ولاحظت صورة طفل لابس كندورة محطوطة على ورقة
فشدني الفضول أخذ الورقة من الموظف وأقرا البيانات ( وصعقت ) بصراحة
تخيلوا أن الولد مواطن وعمره 9 سنين ومن قبيلة معروفة ..!!
ونبشت بالورقة الي عقبها لقيت أخته الي عمرها 8 سنوات ولقيت واحد غيرهم ..!!!
وسألت موظف الهلال الأحمر وأنا ( مب مستوعب ) القصة هذيل شو يسون هني ..!!
رد علي ( وليته ما رد ) قال مثلهم مثل غيرهم من اليتامى في بلاد الله الواسعة ( عارضينهم ) لفاعلي الخير ليكفلوهم ..!!!
سألته وأنا مب مصدق وكم كفالة الطفل المواطن ..؟؟
قالي : 300 درهم ..!!!!!!!!!!
ورحت من عنده وأنا أضرب كفاً بكف ..؟؟
لهذي الدرجة وصلنا ..!!!
وصلنا نعرض أطفالنا ولو يتامى بهذه الطريقة ( للتسول )
ومن قبل هيئة ( المفترض ) أنها تستلم ملااااين الدراهم شهرياً لدعم المحتاجين ..!!
والمبالغ هذي تذهب ( كالعادة ) لخارج الدولة للتصدق أو للدعاية ..!!!!
يعني كم تعداد المواطنين من هذه الفئة ( مية / ميتين / ألف ) ؟؟
والهلال الأحمر ما تقدر توفر لهم هذا المبلغ ..!!!!!!!!!!!!!!!!!!!!!!!
ولنفترض أن الحالة الأقتصادية العالمية ( مأثرة ) في الهيئة فهل معناة هذي أن الحيلة أنعدمت منهم ..
على الأقل يتصلون بفاعلي الخير من مسؤولين أو تجار أو حتى معرفين القبايل لهذيل الأطفال ..؟؟؟
والله أنا كنت قبل ما أتبرع للهلال الأحمر أبد لسبب واحد وهو توجه المساعدات للخارج رغم وجود الأف من الأسر المحتاجة سواءً مواطنين أو أضعاف مضاعفة من الوافدين ( والصدقة للأقربون أولى )
والحيييييييين هذا سبب ثاني والصدقة المباشرة لأي عامل نظافة أو بلدية في الشوارع أبرك بواااايد ..!!!
والي أثلج صدري والله
وهاي بلادنا كلنا ومافي ( أحد فوق النقد ) وكلنا خطائون
بس الفرق بين المسؤولين أن حد يسمع ويعدل وحد يطنش ويتكبر ..!!
أحن يا ما تكلمنا عن غلاء الأسعار والتلاعب بها وهبوط الأسهم وتأثيرها على أغلب الناس
ولكن لا حياة لمن تنادي ( ودع الخلق للخالق ) ..
بس في النهاية أحن بنصبر الحمدلله نبقى مستورين الحال
بس هذيل الأطفال المساكين وأهاليهم من لهم ..!!!!!!!
ومنو الي بيتابع حالتهم وصدقوني والله لو مب محتاجين ما كانوا بيعرضون نفسهم بهاي الطريقة الي تعودناها من البلدان الفقيرة في باكستان وأفغانستان ودول أفريقيا ..!!!!
وشوووووووووو الي قاصرنا نحن لمد يد العون لهم
أتمنى والله من كل قلبي أن تنشأ هيئة للأعمال الخيريه وتكون مثلاً مساهمة عامة ولا يتدخل فيها أحد من المسؤولين وتكون مثل نظام الجمعيات التعاونية وتكون وظيفتها تجميع المساعدات للمحتاجين داخل الدولة سواءً مواطنين أو وافدين ..!!
ملينا الأحتكاااااااااااااااااار في كل شي حتى على التصدق ..!!!!!!!!!!!!
أنا في بوظبي ما شوف الا الأوقاف والهلال الأحمر ..!!!!!
المفروض يغيرون اسم الجمعية بدال جمعية الهلال الاحمر يحطون جمعية المساعدات الخارجية
لمذا ؟لمذا وصلت بنا حياة لهذه الدرجة ؟هذول العيال مثلهم مثل غيرهم لهم حق في خير البلاد الي وصل خيراته الى مغارب الارض ومشارقها ،لهم حق في قطرة البترول والغاز وغيرة من المعادن الي تطلع من ارض بلدهم ..
تخبرني ربيعتي ان جارتهم متزوجة من رجل من خيرة قبائل هذه الدولة وهي من حنسية العربية
حدث طلاق بينهم بسبب اهله وزوجته الاولى ،عندها عيال منه ولكن للاسف قطع عنهم مصاريف وما صار يسال عنهم ..
وهي بداعي الانتقام كانت ترسل العيالها الى الفريج الي عائلة ابوهم ساكنين للتسؤل ويوم يسؤلوهم منو انتم يقولون نحن عيال فلان !! والعجيب ان فلان هذا اهله يمتلكون بنايات وخير لا يحصى ..
اخوي المسكين والفقير مايعرف مواطن ولا غيره كل بلد فيه ايتام