تدرون عاد موسم الأعراس بدأ والله يجعله أيام مسرات للجميع
البارحة الله يسلمكم وصلتنا بطاقة عرس والبطاقة عبارة عن صندوق ثجيل عليه حبات كريستال داخله بطاقة منقطه بثلاث فصوص كريستال وياها طربوش ذهبي بطاقة جدااا فخمة
وهاي صورتها
كم تتوقعون سعر البطاقة اكيد ما يقل عن 30درهم وافترضنا اذا سوينا تقريبا 700 بطاقة كم بيكلفنا؟؟؟
21000 درهم (واخر شي ب تنفر في الزبالة)
وبهالمبلغ يمكن يؤدي تكلفة زواج ميسر يحلم به أي شاب عربي مسلم؟
ليش نبتدي حياتنا اليديدة بمعصية لاترضي الله ورسوله (إن المبذرين كانوا إخوان الشياطين ) ؟!
ليش ما نستغل بطاقات العرس بعمل كتيبات دينية والا اشرطة والا مصاحف عشان يتبارك العرس ؟!
انا أخويه في عرسه كانت بطاقة عرسه عباره عن صندوق صغير داخله مصحف والحمدلله كل حد دعاله واتبارك عرسه
ما أدري انتوا شو رايكم؟؟؟؟
والله صدجك
حتى مرات تروح تزور ناس ما شاء الله عندهم خير تحصلهم حاطين قهوه وسح وتروح عند ناس على قد حالهم حاطين الفواله والخضره والعصاير
ما ادري هو معنى ولا يبون يبينون بصوره حلوه جدام الناس
بس بالنسبه للبطايق صدج الواحد احسن يصرفها على شئ مفيد كان عندهم فلوس مب بطاقه وتنفر في الزباله بعد
المشكله ياختي إن المصاحف وايده،
مب مشكله، أنا ممكن أتصرف و أعطيها فلان و علان، بس هل باقي الناس يتهتم ؟
يزاج الله خير على التذكير بمساوئ التبذير.
بس إختي، عندي ملاحظه على اللي يحطون قرآن في بطاقة الأفراح.
أولا، للأسف، أغلب المصاحف اللي تيينا تكون صغييييره للغايه و لا تصلح للقراءه، مجرد ديكور.
ثانيا، حتى لو كان المصحف كبير، ما أعتقد إن الكل يحتفض فيه، بل إني ياما شفت من هالمصاحف مفروره، و السبب، العدد الكبير من المصاحف اليايه من أكثر من شخص.
شخصيا، يوم تينا مثل هالمصاحف (الصغيره و الكبيره)، أتوهق فيها و ما أعرف وين أحطها لأني عندي مصحفي الخاص و أغلب اسرتي عندهم مصاحفهم.
تصدق به حتى لراعي الدكان الله بياجرك
بعدين الخط مب وايد صغير انا مخلتنه في شنطتي ودايما اقرا منه والله وايد فادني
يزاج الله خير على التذكير بمساوئ التبذير.
بس إختي، عندي ملاحظه على اللي يحطون قرآن في بطاقة الأفراح.
أولا، للأسف، أغلب المصاحف اللي تيينا تكون صغييييره للغايه و لا تصلح للقراءه، مجرد ديكور.
ثانيا، حتى لو كان المصحف كبير، ما أعتقد إن الكل يحتفض فيه، بل إني ياما شفت من هالمصاحف مفروره، و السبب، العدد الكبير من المصاحف اليايه من أكثر من شخص.
شخصيا، يوم تينا مثل هالمصاحف (الصغيره و الكبيره)، أتوهق فيها و ما أعرف وين أحطها لأني عندي مصحفي الخاص و أغلب اسرتي عندهم مصاحفهم.
والله حرام بس هذا هو الواقع اختي على الاقل هذيلا اغنياء وما يهزهم شي .. بس الفقير يوم يماري هذيلا هنى المصيبة ..