السلام عليكم ورحمة الله وبركاته ..
واانا اتجول في المنتدى اشوف الكل يشتكي من الباي بال , ليش يا جماعه والله هذا احسن موقع اذا الواحد مشى عدل وياه ..
واانا اتجول في المنتدى اشوف الكل يشتكي من الباي بال , ليش يا جماعه والله هذا احسن موقع اذا الواحد مشى عدل وياه ..
المهم لي خبره طويله معاهم وما حصل شكيت منهم الحمدلله ..
خبرتي من 2008 وكل هذي السنين استخدم الباي بال للبيع والشراء واموري طيبه جدا الحمدلله ..
استخدمت حسابي اكثر من 500 مره وما حصل معي اي مشكله , ولو كان عندي استفسار اسأل الدعم الفني ويتصلون علي اذا ما تجاوبت او يرسلون على الايميل ..
عموما انا هني اجاوب اسئلتكم كل اللي له سؤال او مشكله انا بساعده خدمه لوجه الله تعالى ..
مافي احد يخاف ما بطلب معلومات حساب ولا بطاقه ولا غيره , بس بعطي كل واحد حل مشكلته بالضبط او كيفية تفعيل الحساب والاسئله الثانيه ..
والله من وراء القصد , والله ولي التوفيق ..
أخوكم : أبو حسام
جزاك الله خير على التوضيح المهم بهالطريقه الحين اتطمن اني ابيع عن طريق الباي بال وان المبلغ بيكون محفوظ مثل الرصيد في البنك.
وبالنسبه لحساب البزنس خليها على الله تدري الواحد مرات يحب يتفلسف
بس اقولك هل هناك فرق كبير في الحسابات ؟ او بس بيكون نوع الcharge ؟
وشكرا لك
أشكرك على هذه المبادرة، وأنا بدأت أستخدم الباي بال من 2007 وعلى إستعداد على العمل معك في الرد على إستفسارات الأعضاء..
جزاك الله ألف خير اخوي , وكان الله في عون العبد ما دام العبد في عون اخيه ..
بارك الله فيكم جميعا والله يجعلها في ميزان حسناتكم
وبادرة مميزة ومن اعضاء مميزين في منتدى مميز
ويبارك فيك ويحفظك أخوي .
موضووع من زماان اترياااه
الغالي كيف اشبك بطاقه بالموقع يعني كيف افتح الحساب والخطوات كلها
لاني ناوي اشتري من النت عن طريق هل الموقع لانه الاكثر امااناا
اخوي الشروحات هذي موجوده بالفيديو بعد على قوقل , بس هني بجاوب الاسئله والاستفسارات الخاصه بالاعضاء المشتركين سلفا بس يواجهون مشاكل ..
بس لا تخاف ترا الموقع تسجيله سهل كأنك تسجل في منتدى ولا شي ..
أههممممممممممم شي انك تحط معلوماتك الصحيحه كامله , اسمك مثل ما هو بالجواز وكذي يعني ..
ربط البطاقه يعتمد من بنك لبنك , انت بأي بطاقة تشتغل ؟؟
عندي استفسارات بخصوص استلام مبالغ عن طريق الباي بال ان كان تحويل او عن طريق بيع مباشر من موقع مثل Ebay يعني مثل ماتعرف ان الباي بال مربوط بالبطاقة credit card ا و اكثر من بطاقة بس يوم يتم استلام المبلغ وين بلقاه ؟ هل بيكون في رصيد البطاقة او بيكون في رصيد الباي بال ؟ وشو الفرق بين الرصيدين ؟
اذا استلمت مبلغ بتلقاه في حساب الباي بال ما ينزل في البطاقه ..
يعني بيكون في رصيد الباي بال ..
والفرق بين الرصيدين انه مافي فرق ..
الاثنين فلوس ..
بس ترى في الشروات الخارجيه زي سوبر ماركت ولا شي أكيد ما تقدر تشتري بالباي بال ..
اذا تبي فلوسك على البطاقه – داخل الباي بال في خيار اسمه withdraw اضغط عليه , واختر على اي بطاقه تبي فلوسك وحدد المبلغ وسوي ويثدرو , اذا كان حسابك بريمر او بزنس تنزل الفلوس بالبطاقه خلال 3 ايام , اذا كنت حساب عادي تنزل خلال اسبوع او اثنين …
اما اذا استملت مبلغ اكبر من حد البطاقه الزائد بيتم في رصيد الباي بال ..
وعادي يا طويل العمر انت تآمر أمر وما تلاقي الا الخير ان شاالله , وربي يوفقك في شغلك , بس ليش عملت حساب بزنس , بزنس هذا للناس التجارتهم كبيييييييييييييييييييره سيارات شي طيارات وجي ..
بس انت سوي حساب بريمر وخلاص .. وربي يوفقك ..
بالفعل الباي بال من أكثر المواقع الآمنة للشراء والدفع عبر الانترنت
انا اتعامل معاهم من سنتين واشتري من موقع ebay.com كل الامور مضمونه وسليمه وفقط اختيار البضاعه المناسبة تعتمد على ثقافة المشتري
حصلت لي مشكلة وحده .. كان في مزاد على ساعه ماركة .. وانا ربحت المزاد .. وقمت بالدفع ومشيت حسب القوانين
صبرت اسبوع واسبوعين .. شهر !! اتواصل مع البايع مايرد علي خير شر .. فعرفت ان فلوسي طارت
رحت موقع الباي بال لاني ادفع ببطاقة المساتر كارد عن طريقهم .. ورفعت شكوى ضده
وبعد عدة جلسات وعدة اجراءات يتخذها الموقع .. وبحمدالله ربحت القضيه و رجعتلي فلوسي كامله مب ناقصه فلس واحد
وفعلا الواحد يتسوق فالموقع وهو مرتاح باله يعرف انه مابينصرق
وانا عندي بطاقه فقط مخلنا للشراء عبر الانترنت مثل بطاقه الرصيد تعبيها فلوس وتشتري من النت .. مافيها اي رسوم اطلاقا ماعدا 50 درهم تجديد سنوي .. ولما تعبيها وتدفع ماياخذون فلس واحد فايده
البطاقه اسمها surfer card من بنك ابوظبي الوطني
تجربتي محدوده حبيت افيدكم فيها .. ماعندي الخبرة اللي يتمتع فيها الاخوان فوق وربي يجزيهم الخير على هالموضوع