السلام عليكم ورحمة الله وبركاته
اخواني في الاوانه الاخيره اتحصل شباب عارضين سياراتهم باسعار خياليه
واذا واحد رد عليه وقاله (سعرك غالي) اتحصل رد من بعض الشباب (الريال حر بحلاله).
مااختلف معاكم (حر بحلاله) يحتفظ لنفسه ومافي داعي ان يعرضه للبيع ودام الشخص فكر ان يعرض
سيارته للبيع (حلاله) جذه السوق يتحكم فحلاله معناته ان هو (مب حر فحلاله).
الواحد لايبخس بالسعر ولا هو يطلب المستحيل عشان هو (حر بحلاله).
واذا الشخص مايعرف وحاب ان يقيم سيارته في بعض الشباب مب امقصرين والاخوان المشرفين
على التقيم موجودين وعارفين السوق والاسعار.
ودام السوق اللي يحكم السعر فكيف يكون (حر بحلاله)حر اذا يبا يبيع او لا والشباب ماشاالله عليهم واعين وعارفين السوق زين فمافي داعي انك تبالغ بسعرك وماتقدر اتبيع ويقولولك(الريال حر بحلاله)
اتمنى التوفيق للجميع
9 thoughts on “كل واحد حر بحلاله!!!!!!!”
Comments are closed.
انا ماعمري شفت واحد عارض موتر بسعر محترم ومعقول والكل كان يقوله غالي ومادري شوو الي سعره واقعي هب شرط يكون رخيص من حقه يترزق في حلاله
بس الي سعره منطقي محد يعترض عليه
لكن الاسعار الخياليه لازم الواحد يوقل كلمه الحق فيها (الساكت عن الحق شيطان اخرس) في ناس تبى تشتري سياره وعلى نياتهم مايعرفون شي بالاسعار يقوم يطيح على الي عارضين مواترهم بهالاسعار وعقب ماتم الصفقه يعرف انه انقص عليه
بس عشان هالشي نحن نتكلم في المواضيع المبالغ فيها فقط مش عشان تبخيس او تقليل من قيمة بضاعة حد والله اتمنى التوفيق للجميع بدون
يعني واحد الله يسامحه عارض ستاندر 2003 ماعليها زوايد ابدا بحالة الوكاله وعارضنها ب75 وواحد ثاني عارض ستاندر 2007 ب75 الف ؟؟؟؟؟؟؟
شوفوا الفرق واحكموا بالله هذا هب مبالغه ؟؟؟
حتى لو نظيفه بس كل شي له ثمنه مافي سلعه بتم طول عمرها محافظه على سعرها ليوم القيامه
شـكــ وبارك الله فيك ـــرا لك … لك مني أجمل تحية .
كلام بو سلطان صحيح…
الواحد لازم يكون مع السوق وبالمعقول ….. اخر شي المنتدى هب معرض سيارات تروم توقفها وناس تتشوف ترا الشراي الجاد بيضرب خط من ابوظبي لين الفجيرة اذا السيارة عايبتنه والسعر معقول بس محد بكون جاد اذا البايع غير جاد بنفسة والردود تكون ممله يوم يكون الرد سعرك طيب وحلالك ومعارف شو……
هذا منتدى مفتوح والسعر يحدده البائع والسوق فيصل سوف تقييم السياره بالسعر العادل ولا ضرر ولا ضرار