السلام عليكم ورحمة الله وبركاته
اشحالكم عساكم مرتااحيين
اليوم وانا اتصفح اليوتيوب
شفت هالمقطع
جان أتذكر أيام أول
كمبيوتر صخر
الحمدلله لي اليوم محتفظ بالكمبيوتر عندي حتى مع المسجلة
أحيد قبل نفرح كل حد يحط تاريخ ميلاده ويشوف شو المناسبات
وبرنامج الرسام اللي كان موجود ساعة كاملة نقضيها بس نرسم بيت أو ويه
غير عن الألعاب الحلوة مثل لعبة الضرابة الكونغفو ولعبة اللي يجمع الألماس ولعبة القلعة ولعبة الكاو بوي اللي خلفية كلها خضرا
وايد وايد ألعاب ما أدري اذا حد يتذكر هاي الألعاب أو لأ
حتى الأصوات والجودة ما كانت هذاك الزود شرات هاي الأيام ولكن أيام حلوة والله
وحتى قبل عندنا كتب برمجة نحاول نصمم ألعاب
يمكن البرمجة روحها يبالها 3 ساعات تكتب فوق 100 سطر
بس عشان بالأخير تسوي لعبة بسيطة مثل اكس او أو لعبة تمسك الورود الي تطيح من السما
والحمدلله اليوم مع التكنولوجيا اذا تبا لعبة تحصل بدل اللعبة مليون لعبة فلاش تلعبها
والسموحة بس حبيت أشاركم شي من الذاكرة
ههه لحقت عليه ^-^
العاب و ألغاز وأسئله حلوه كل ماتجاوب صح اتروح لمرحله ثانيه
احلى اللعاب فية اذكر فية برنامج تكتب تاريخ ميلادك ويطلع الاحداث الي استوت في نفس العام
مشكور اخوي رجعتنا 15 سنة
أي هاااااااااااا قديمك نديمك شكرا على الذكريات الماضي ما عندك بعد أتاري ؟!!
شو ها .؟
انا بصراحه ما لحقت عليه و لا شفت هـع
اول مره اشوف هالاشيا في هالفيديو ^^
ذكرتني والله أيام
كنت أيمع 25 درهم عشان أشترك في النادي الإجتماعي مال المدرسة بس لأنه كان فيه كمبيوتر صخر