بسم الله الرحمن الرحيم

السلام عليكم ورحمة الله وبركاته

اشحالكم عساكم مرتااحيين

اليوم وانا اتصفح اليوتيوب

شفت هالمقطع

جان أتذكر أيام أول

كمبيوتر صخر

الحمدلله لي اليوم محتفظ بالكمبيوتر عندي حتى مع المسجلة

أحيد قبل نفرح كل حد يحط تاريخ ميلاده ويشوف شو المناسبات

وبرنامج الرسام اللي كان موجود ساعة كاملة نقضيها بس نرسم بيت أو ويه

غير عن الألعاب الحلوة مثل لعبة الضرابة الكونغفو ولعبة اللي يجمع الألماس ولعبة القلعة ولعبة الكاو بوي اللي خلفية كلها خضرا

وايد وايد ألعاب ما أدري اذا حد يتذكر هاي الألعاب أو لأ

حتى الأصوات والجودة ما كانت هذاك الزود شرات هاي الأيام ولكن أيام حلوة والله

وحتى قبل عندنا كتب برمجة نحاول نصمم ألعاب

يمكن البرمجة روحها يبالها 3 ساعات تكتب فوق 100 سطر

بس عشان بالأخير تسوي لعبة بسيطة مثل اكس او أو لعبة تمسك الورود الي تطيح من السما

والحمدلله اليوم مع التكنولوجيا اذا تبا لعبة تحصل بدل اللعبة مليون لعبة فلاش تلعبها

والسموحة بس حبيت أشاركم شي من الذاكرة

13 thoughts on “كمبيوتر صخر Msx”

  3. الحمدلله والصلاة والسلام على رسول الله وعلى آله وصحبه أجمعين

    ياسلام عليييكم والله ذكرتونا باللي مضى

    اياام مع ها الالعاب كنت ايمع فلس ع فلس عسب اشتري لعبه يديده

    ياحلاتها من ايام

    اللهم لك الحمد كما ينبغي لجلال وجهك وعظيم سلطانك

    الحمدلله رب العالمين

    ومشكوررين على ها الموضوع الحلوووو

Comments are closed.